وش رايكم بالحمس الحوض؟

[sall]

السلام عليكم

كثير سمعت عن الجمس الحوض انه غدار و يخور عليك وش رايكم بهذا الكلام

بالنسبة لي اقول انه ممكن كان سابقاً لكن اليوم بالعكس مع تطور السيارات يتفادون أغلاطهم السابقة

للمجربين وذوي الخبرة الله لا يهينكم افيدوني والاعضاء عن السيارة

هل تستاهل اني اشتريها وكم سعرها تقريباً (المستعمل والجديد) من موديل 2004 الى 2006
اما الجديد موب زين واطي وجهه مرررره حتى لو رفعته

السيمات الزينه الي به / شكله حلو ، حوضه كبير لو تحط تانكي و عزبه وفرش وحطب والعفش وطربال(شد) يبقى فيه مكان ، مكينته 8 سلندر قويه ، منتشر بين الناس ...!

انصحوني والي يخبر له واحد نظيف دلوني تكفون

الله الله بالردود وجزاكم الله خير

[V.T.C]

إن شاء الله يفيدونك الاخوان وأنا معك

أن سامع إنه يجي قير عادي وأيهما افضل هو ولا الاوتوماتيك

معليش أخوي sall قطينا في موضوعك سامحنا



أخوكV.T.C

[ناوي نيه]

والله انا ولله الحمد من شهر شاريلي واحد 2002 قير عادي نضيف ماشي ميه الف فقط 45 الف وماشي الحمدلله
موتر كعزم والله ثم والله انه اقوى من الجيوب الشاص

[طارق الحربي]

انا معي واحد 2004 غماره رفرف سعودي

موتر ماشالله لا اله الا الله عليه


بس ياخي غماره وحده مايركب معك ناس واجد

وانا انسان ما اسمع باللاندكروزر :)


لكن موتر حلو يعيبه ان الدبل حساس شوي

[تيقر]

شريتلي جمس غماره ونص قيرعادي مشاءالله موتراذاحملت مايقل العزم زي بعض السيارات ويشيل وانصحك خذغماره ونص لان النص غماره اذاجااحدبيركب معك يكفي ووسيع

[طناف]

أخي مشكلة الجديد باالعكوس
وخراباتها وااااااجد وغالية باالحيلللللللللللل

ويكفي بأن الدبل كهرب . يخرب عليك الفيش في مقطعة تاكل هواءءءءءءءءءءءءء .

[sall]

مشكورين على الردود

انا الصراحه حاط عيني على غمارة 2500 توماتيك دبل قير تحت ;)
المرتبه الثانية غمارة الي يجي صغير حوضه قصير والدبل زي اليوكن :rolleyes:
عاد وبعدين يجي الغمارة ونص :o
وش رايكم

وتخبرون لي واحد نظيف الله لا يهينكم :confused: ؟؟؟

[سيف الظفير]

خذ 2006 مقاس 2500 دفرنسين وشـــف القوة وحاول تاخذ قير عايدي

[جوالة]

أنا كنت عند الوكالة يوم السبت في الدمام وقالوا لي ما فيه الآن لكن تبدأ أسعارها من 85 ألف بدون دبل وبدبل تبدأ بـ 107 .
طبعا الإخوان ذكروا أن الدبل حساس لأنه كهرب . وأعرف أحد الشباب بلش بالدبل يشبك ويفصل متى ما بغى (طبعا معاه يوكن 2005).
وبالنسبة للعزم فمعروف v8 يختلف عن السيارات الأخرى .
وفيه أيضا بمعارض الدمام مجموعة من الونيتات اللي كانت تبع أرامكو تبدأ أسعارها بـ 40 ألف إلى 45 ألف على ما رأيت ... طبعا مواتر أرامكو أحيانا تخاف منها إذا صار أغلب شغلها على البيبات لكن إن طحت على شيء زين فطيب .
وفالك التوفيق إن شاء الله بموتر نظيف .

[الابيض]

شف الرابط

http://www.mekshat.com/vb/showthread.php?t=117055

[أبو علي 444]

الموتر ماشاء الله ..عز ويكفي أنه من شر كة Gmc

الغمارة اللؤلؤي 2008 الفل كامل ومع دبل قير اتوماتيك بــ 115 ألف ريال

بمعرض بالنسيم ((طبعا اصفار))

[sall]

مشكور يا ابو علي بس الجديد غالي ومهب زين الدبل حساااس والوجه طايح وبعدين مهب هيبه زي القديم

مشكور على مرورك