اما ان الاوان للاستفادة من العولمة في كسر اسعار السيارات المرتفعة ...رأيك

[جمعان 22]

بسم الله الرحمن الرحيم

ما لنا بالكلام الزايد

هذا زمن عولمة وصارت الدنيا ديرة واحدة

واسعار السيارات في الخارج ارخص من عندنا بكثير

من عنده استعداد لشراء سيارته من الخارج و يترك سيارات الوكالات تخيس <---- حملة مقاطعة الالبان :)


نبدأ تدريجي

حنا نستخدم سيارات قوية وما عليها كلام ...واللي يقول كفالة ..نقوله كفالة الوكيل مدتها 3 سنين وشطها انك تغير زيت المحرك وغيره عندهم ..يعني انت دافع سعرها خخخخخ - اللي تغيره ب 100 ريال عندهم ب 1000

السيارة اللي تخترب ب 3 سنين ...ما خربت الا من رداها .. كامري جالانت لاند كروزر مكسيما الخ ...سيارات قوية ما تجيها اعطال ب 3 سنين استعمال

اللي يقول حرارة نقوله فيه مناطق في امريكا وغيرها توصل درجة الحرارة فيها ل 50 و 55 سيليزي ..يعني مثل الجو اللي عندنا


مواقع بيع السيارات كثيرة جدا ومضمونه وتحصل فيها مستعمل نظيف جدا -- وانتوا خابرين استعاملهم للسيارات ماهو مثلنا

مثل موقع ebay وغيره


ومكاتب السيارات تستورد من الخارج وتبيع برخيص .....ولا فيه فرق بينها وبين الوكالة سوى شعار الوكالة .....يمكن تحصل الوارد افضل من ناحية المواصفات

بالاخير ...انا عندي قناعة ان مالي حاجة اشتري سيارة جديدة - السيارات المستعملة المستوردة نظيفة جدا وهذا يكفي - وايضا مالي حاجة بسعر ماهو سعرها وهي بالدير الثانية ارخص

ان شاء الله اذا احتجت اشتري سيارة .....ابشريها بهذا الفكر :)

[فتى الدهناء]

كلام جميل ..

:)

[shababi]

عندنا مدرس كندي يقول سعر الفورد كراون فكتوريا هنا في السعودية ارخص بكثير من سعرها في بلد الصنع الي هي كندا سعرها هنا 80 ألف وعندهم 140 ألف

سلام

[باترول 82]

بصراحه تفكير طيب وانا اوفقك على رأيك

الله يقويك

[سيف الظفير]

الفرود في امريكا اغلى من السعودية وهذا كلام احد طلاب الماجستير هناك

[بدوي جنوبي]

بالنسبه للفرود تصنّع في امريكا وكندا
وهذا يبين من اللوحه المعدنيه المرقمه اللي توجد زاوية في الجهه اليسري
من الزجاج الامامي
واعتقد ان قيمة السيارة في بلد المنشأ ارخص بكثير من هنا

وانا اؤيد كلامك اخي جمعان أفضل اشتري سياره مستعمله بمواصفات افضل من الجديد هنا
عندك موقع اوتو تريدر لو تقرأ اسعار السيارات المستعمله بموقعهم
تجدها رخيصه جدااا ،،، وعند استيرادها هنا يأخذو زياده كبيرة جدااا

http://www.autotrader.com/

طبعاموقع اوتو تريد عالمي ومشهور جدااا ويضمن لك السيارة وتقدر تشتري عن طريقهم وهو مقترن بموقع الكار فاكس المشهور
http://www.carfax.com/cfm/general_check.cfm?partner=ATD_M

ايضا وهو يعطيك الهوستري (تاريخ) كل سياره تسير بشوارع امريكا بدون اللجوء لوسيط مثل سعود البكر تسطيع ان تطلب عن طريقه
سياره (لو احتجت موقعه) .


بالنسبه لموقع الكار فاكس لو تضع رقم هيكل اي سياره استخدام امريكي
يعطيك تاريخها يوم كانت بامريكا

بالتوفيق للجميع

[العودالازرق]

والله ياخي أن الواحد يشتري سيارة جديدة وهو لا زال خايف من خرابها ونصب الوكالات
ولعبهم . ويا ليت يجي هذا اليوم وأطلاق هذي الوطالات طلاق لا رجعه فيه

مشكور ويعطيك العافية