وش الحل يااخوان لشيالات الشكمان للسوبر سفاري2003

[الحاوي]

مالقيتها عند الوكاله ولا في التشليح اذا كان فيه حل ارجو الافاده مع العلم انها موجوده لكن الربل متقطع.
والله يجيب المطر

[غضنفر]

ما ادري
اذا
اللحام يمكن ينفع

[الحاوي]

مااظن لان لولحمتها بتنكسر مع الحركه والله يبيض وجهك وشاكر لك تجاوبك

[مقلع الرمث]

اخوي خذ الربله وشف الي زيه تحصل اكيد عند تايوتا ولا اي شي حقت لاندكلوزر واذكر واحد من العيال انقطعت معه وشراها من الوكاله موديل 2005 مافيه فرق بين موديل سيارك ومووديل 2003 واذا رحت لقطع غيار نيسان قل عطنا من موديل 2002 وطالع الى موديل 2008
\واسف على الاطاله
اخوك مقلع الرمث

[ابو كلام]

سلاااااااااااااااام
كلام اخوي مقطع الرمث صحيح وسلامتكم:good:

[تنوم]

اخي الكريم خذها معك ودورها عند اهل قطع الغيار بالصناعيه وان شاء الله تلقاه

[4800VTC]

الاخ/الحاوي
ركب ربلات هايلكس من2002الى2005 وانشالله تضبط معك
كانت في موتري نفس المشكله وركبت ربلات حقت هايلوكس وضبط:good:

اي خدمه حنا حاضرين

[الحاوي]

الله يمتعكم بالصحه والعافيه ومشكورين وبجرب وواشوف
والله لايهينكم
وللعلم الوكاله مافيها الى 2008ويقول اطلبلك من جده !!!!!!!!!

[الحاوي]

الاخ vtc4800 لاهنت وجعل دربك اخضر والله لايهينك ولايهين معك احد

[استشاري]

انا من راي اخوي مقلع الرمث خذ الربله القديمه و مر على محلات قطع الغيار يمكن تلقى شي مقارب.
اذا ما لقيت حاول ترهم سسته صغيره طرف بالشكمان وطرف بالشاصي علشان ماينكسر الشكمان تمشيك لين تتوفرالقطعه.
و بالتوفيق