ياهل الصقور

[com]

للبيع حمام يطير
الحمام يسام الجوز 18
تقريبا 100جوز
0543326605

[خشف.]

الله يرزقك بالسومه الطيبه

[أبو ممدوح]

الله حمام والجوز الواحد بـ18 ريال ليه وش نوعه
على العموم الله يرزقك وتراه غالي وانا اخوك اذا كان قصدك للتعليف
لأن حمام الولع الجوز بـ5ريال وهو افضل شي للتعليف او السمان المبرد في المحلات

[جارح العين]

اظاهر قصدك شي ثاني يا ابو ممدوح ولا معروف عندنا زوج الحمام العادي او (البلدي) 20 ريال لاكن هالايام صار 18 ريال او اقل بسبب تخبرون فلونزا العصافير خخخ

على العموم الله يرزقك يا com

[أبو ممدوح]

والله ما قصدي شي بس انذهلت وانفجعت بصراحه غالي بالحيل
والله يحق لكم تبيعون صقوركم بغالي وانا اخوك لأني روحت للرياض بداية المقناص ولقيت طير مجهول وبـ7000 ريال يوم سألته ليه بهلقيمه يقول والله ان العلف هو الي خلاني ابيعه بذا السعر المهم مشيت وانا اقول في نفسي سوقها على غيري
اثرالرجال صادق ان علفكم غالي الله يعينكم لو انا من سكان منطقتكم كان اعتزلت الصقاره من زمان هههههههههههههههههههههههههههههههههههههههه

[*الـزيـن*]

الجوز يسام منك بي 18 ولا بعت؟

عسى الله يرزقك بع لا تشاور احد

[عباااااادي]

تعال في قطر وشف الحمامة الوحدة علىكم في السوق تلقها تقريبا 15 اوعشرين الزاجل 25 الوحدة يعني اللي يربي حمام اوووف لاعب لعبتة

[com]

جزاكم الله خير
الشعير 50 ريال
والمكعب 45 ريال وتقول غالي ب18يابو ممدوح

[فتى باريس نجد]

اخوي comاليوم الجمعة بالقصيم مبيوع عشة كاملة زاجل على 6 ريال والعربي على 3 ريال

وتراي اقول المعلومة ماهو كسر لسلعة لاوالله بس حاب اوضح تدهور الطيور