كيف أحمي المكينة من دون تشغيل؟؟

[ارتست]

يعني لو أنا في البر ومن البرد الموتر مو راضي يشتغل
وش الطريقة اللي أقدر اخلي المكينة تدفا شوي عشان أشغلها<< يعني توقعون لو أحط تحت الموتر مصدر حرارة أمن لحد ماتخف برودة المكينة << وش رايكم

[ارتست]

يعني مافيه أحد يلقا لي صرفة في هالموتر اللي بالصورة <<
بإختصار الموتر ماأشتغل من البرد وش الحل أحط تحته عين الغاز وأخلي الحرارة ترتفع للمكينه بشويش < إن نفع زين ولا خلاص أنا بشب فيه قاهرني

ولا اجرب اصب عليه مويه دافيه؟

[الساهر2003]

اخوي اهم شيي زيت المكينة لا يكون متجمد والباقي الشركة المصنعة مسوين تجارب عليها اكيد مثل مرسيدس يدخلون سياراتهم في فريزر درجة الحرارة -50 ويشغلونها وعادي جدا لاكن لا تدعس او تمشي والسيارة باردة خلها تحتر 3الى 5 دقايق

[الروقي نت]

اخوي ارتست
السياره تشتغل عادي في درجات الحراره المتدنيه جدا لان زيت السيارات يقاوم درجات الحراره البارده والحاره مالم يفقد مادة اللزوجه (يعني لاتخليه بالسياره اكثر من اللازم) والسر في عدم التشغيل في الصباح الباكر او وقت البرد يعود لـــ مدى كفاءة شمعات الاحتراق وحركة المكابس عند بدء التشغيل لكي يعمل شوط السحب بكفاءه ومن ثم الضغط ثم الانفجار ثم العادم مع ورود الوقود
وحتى تضمن سلامة محرك السياره لا بد من تحمية السياره بعد التشغيل
تحياااااااااااااتي

[ابوغريب2006]

السلام عليكم

اسمع اخوي احنى نشغل الدداسن وهي 100 % تحت الصفر هههههههههه

اوشي نقومبه نفضي مي الاديتر بالليل بتنك
وفي الصباح الباكر نضع الماء على النار حتى يغلي ثمى نضعه في الاديتر بعد ذالك تجد الحراره تطيب خاطرك
فوق النص

بعد ذالك دق سلف ومش

[بودحيم]

فض مويت لديتر وشغل

[رجل كريم]

يعني لو أنا في البر ومن البرد الموتر مو راضي يشتغل
وش الطريقة اللي أقدر اخلي المكينة تدفا شوي عشان أشغلها<< يعني توقعون لو أحط تحت الموتر مصدر حرارة أمن لحد ماتخف برودة المكينة << وش رايكم



انصحك بثلاثة اشياء اولها غير البواجي نوع بوش والثاني غير اسلاك البواجي اصلية والثالثة لما تشغل السيارة في الصباح لاتدعس بنزين وخل السلف يدور لمدة خمس او ست ثواني وبعدها توقف ودبل الدعسة للاخر ثم قم بتشغيل السيارة .. بهذه الطريق ستعمل معك ان شاء الله مهما كانت برودة المحرك..

تحياتي ..

[بواردي الدلم]

نقص مويه الرديتر عن المستوى الطبيعي يعني اذا فتحت الغطاء ماتشوف مويه

لا توقف الموتر ووجه شمال

حاول تشيك على فحمات السلف والبطاريه

ولا تنسى تغير البليتين وتوزن الديلكو بواسطه مسدس الليزر

وعقبها قابلني اذا ما اشتغل

[ali_11]

اخوي السيارة ديزل والا بنزين
لانها تفرق في التعامل
بعد الرد علي اقولكٍ

[ارتست]

يسلمو لي والله كل من رد وعطاني افكارة وتجاربة حقيقة أخجلتوني
بإجتهاداتكم
ومشيت على راي أخوي داكار وضبط معي وأشتغل

ولو ماضبطت راح اجرب فكرة تنقيص الاديتر

مشكورين كل بإسمه

[مقلع الرمث]

اخوي فرغ ماء الاديتر ولمنك اصبحت حم المويه وصبها بالاديتر بعدين يشتغل من اول نقره يعني حك اظهري ياااعليان
ولا غير البواجي والاسلاك وحطلك بواجي قويه واسلاك تعديل بعدين انشاء الله يشتغل من اول نقره