بـــــــــــاثvs اف جي كروزر

[ق ب م 632]

حياااااااكم الله





مبطي مانزلت موضوع وعذروني يالربع المشاغل كثرت والنت ما عاد اشوفه الا بالاسبوع وبأسبوعين وخلوها على الله :D



مالكم بالطويله اليوم لقيت مقطع مقاومه بين باثفاندر 2005 و اف جي كروزر طبعا المواتر ماعليها لاتعديل ولاشى وشوفوه وعطونا رأيكم الله لايهينكم



http://www.×××××××.com/watch?v=pGXaT7dgTTg&eurl=http://www.nissan-arabia.com/vb/showthread.php?t=31693




اخوكم
العبدلــــي

[ولد وايل]

هالمقطع تبع اي موقع طلع xxxxx اي موقع

[nasser5066]

السلام عليكم ورحمة الله وبركاته ،،،،
جرب هذا الرابط يالطيب !:)

http://www.nissan-arabia.com/vb/showthread.php?t=31693

[فارس القبيلة]

هالمقطع تبع اي موقع طلع xxxxx اي موقع
نيابه عن صاحب الموضوع
ضع مع ازالة المسافه
y o u t u b e
×××××××

[ق ب م 632]

ماقصر فارس القبيله وسوا الواجب


تسلم يالذيب

[بواردي الدلم]

كفو والله يالباث
نفس موتري بالضبط بس تصدقون ماقد دعست عليه كذا

تعرف عاد قير تماتيك وينخاف عليه ولا لا يالربع

[ولد وايل]

ما اظن هذي قوته الحقيقيه لاني شايف اف جي يقوم على vtc الاكيد ان البايث فيه تعديل

[عـhddـاشق]

للمعلوميه الباث فندر قير عايدي

لكن الحاصل ان الف جي اقوى لان تسارعه من 0 الى الـ 100 في 7 ثوان تقريبا والباث فندر8,6 ثوان

وشكراًُ

[Black VTC]

والله المقطع لا يدل لا من قريب و لا من بعيد ان الباث اقوى قومه من الاف جي ... مع العلم اني ما عجبني شكل الاف جي الا ان المقطع فقط يدل على بداية موكب شباب من تالي :)

[الساهر2003]

كفو والله يالباث
نفس موتري بالضبط بس تصدقون ماقد دعست عليه كذا

تعرف عاد قير تماتيك وينخاف عليه ولا لا يالربع


اخوي عادي ادعس برجليك الثنتين واسحب مواتر الدنيا كلها وبالنسبة لي انتل عليه هايلوكسات واحطب وانتل ارطى وغيره لكن بسبته مو واير وللمعلومية انكسر الشنكار الي ورى وانقطم الشاص وقاعدة الصدام لاني الظاهر اني ساحب جدار ولله الحمد ماصار شيي لكن الموتر خفيف ونشيط
والباث نشيط الناس تحقره لكن فيه مواتر انشط منه

[ق ب م 632]

كفو والله يالباث
نفس موتري بالضبط بس تصدقون ماقد دعست عليه كذا

تعرف عاد قير تماتيك وينخاف عليه ولا لا يالربع


لا يارجال الدعس ماهوب ضاره ان شاء الله بس خلها على اصول وماعليك الا العافيه :D


ما اظن هذي قوته الحقيقيه لاني شايف اف جي يقوم على vtc الاكيد ان البايث فيه تعديل

مالك لواء ياولد وائل الباث يقوم على الباترول سواء كان قديم او جديد والسبب خفه الباث وقوه مكينته على عكس الباترول ..واذا تبي مقاطع ابشر باللي يسرك ..........



للمعلوميه الباث فندر قير عايدي

لكن الحاصل ان الف جي اقوى لان تسارعه من 0 الى الـ 100 في 7 ثوان تقريبا والباث فندر8,6 ثوان

وشكراًُ

حنا مانبي تقريبا وانا اخوك لكن الباث يجيبها في 7.2 ثواني بالضبط


والله المقطع لا يدل لا من قريب و لا من بعيد ان الباث اقوى قومه من الاف جي ... مع العلم اني ما عجبني شكل الاف جي الا ان المقطع فقط يدل على بداية موكب شباب من تالي :)


هذه سلمك الله ماهي مواكب الله يهديك :D


وبعدين وش نسوي اذا معك اف جي وقام عليك باث :D >>شكله بينجلد



هههههههههههههههههههههههههههههههههههه



على العموم مشكور على مرورك يالغالي ولاتزعل علينا

[sultan8861]

مشكووووووووووور على المقطع

وهذي سوايا الباث اللي نعرفه

وشكراااااااااا

[ق ب م 632]

مشكووووووووووور على المقطع

وهذي سوايا الباث اللي نعرفه

وشكراااااااااا



مشكوووووور انت على مرورك واهم شى ان المقطع جاز لك ولايهونون الجماعه كلهم

[أشيقراوي]

مع احترامي لراعي الاف جي ,, يا إن المشكله منه او من الباث لأني اتوقع انه معدل ,

والنقطه الثانيه ان مكينة الاف جي لا تقارن بالباث ,, وبعدين مثل ما انتوا عارفين اللاند كروز الجديد فئة السته سلندر مثل مكينة الاف جي وهذا الشي يدل على قوتها

مشكور على المقطع لكن والله مب عشاني معي اف جي ولكن انا اتكلم عن واقع

وفي نظري ان الباث ما يقوم على الاف جي

ومن ناحية الخفه مافيه فرق كبير ترا الاف جي بعد خفيف لايغرك عرضه
مشكور وماقصرت

[عاشق الكنود_]

مو معقول الى الدرجه هذي الباث فندر2005 قوووووي
صراحه مااستغرب اذا كان كان غالي سعرها
وياليت الي يعرف يقول كم تسارع الباث تماتيك مثل الي معي
شكرا ياصاحب الموضوع
سلام

[ق ب م 632]

مع احترامي لراعي الاف جي ,, يا إن المشكله منه او من الباث لأني اتوقع انه معدل ,

والنقطه الثانيه ان مكينة الاف جي لا تقارن بالباث ,, وبعدين مثل ما انتوا عارفين اللاند كروز الجديد فئة السته سلندر مثل مكينة الاف جي وهذا الشي يدل على قوتها

مشكور على المقطع لكن والله مب عشاني معي اف جي ولكن انا اتكلم عن واقع

وفي نظري ان الباث ما يقوم على الاف جي

ومن ناحية الخفه مافيه فرق كبير ترا الاف جي بعد خفيف لايغرك عرضه
مشكور وماقصرت



الصراحه بعد ماقلت لي ان مكينته الاف جي ماتقارن بمكينته الباث دفعني ان ادور عن قومتها وهل هي فعلا ماتقارن بالباث



اكتشفت ان قوه الاف جي >>>>250 حصان


الباث >>>>>> 240 حصان للاوتو و 250 حصان للعادي



يعنى وانا اخوك ماهنا فرق بالمكائن كلها حول بعض




ومع هذا طلع الباث :D





مشكووووور يالشقيراوي على المرور بس ليتك تعلمنا كم تسارع الاف جي يمكن اغير رأيي فيه ؟؟

[ق ب م 632]

مو معقول الى الدرجه هذي الباث فندر2005 قوووووي
صراحه مااستغرب اذا كان كان غالي سعرها
وياليت الي يعرف يقول كم تسارع الباث تماتيك مثل الي معي
شكرا ياصاحب الموضوع
سلام


تسارع الباث الاوتوماتيك >> 7.9 ثواني


تسارع الباث العادي >> 7.1 ثواني




ومشكووووووور ياعاشق الكنود على الطله والمشاركه بالموضوع




ولاتحرمنا تواجدك

[ابوالوليد2003]

المقطع لا يدل لا من قريب و لا من بعيد ان الباث اقوى قومه من الاف جي ...الا ان المقطع فقط يدل على بداية موكب شباب . كلام سليم :good: .................................................. .................

[مخاوي الذيابه]

الباث أنا أشهد أنه موتر ..

[ق ب م 632]

المقطع لا يدل لا من قريب و لا من بعيد ان الباث اقوى قومه من الاف جي ...الا ان المقطع فقط يدل على بداية موكب شباب . كلام سليم :good: .................................................. .................



يعنى منتب مصدق؟؟؟!!!!

[ق ب م 632]

الباث أنا أشهد أنه موتر ..



الله يعافيك يا مخاوي الذيابه وبارك الله فيك

[مكشاتي متقاعد]

ما اظن هذي قوته الحقيقيه لاني شايف اف جي يقوم على vtc الاكيد ان البايث فيه تعديل
قويه شوي بس الباث معروف

[عاشق Vtc 4800]

ياويل قلبي على الباث


آآآآآآآآآه بس


مشكور أخوي

[عاشق أف جي]

ياشباااااااااب الي بالمقطع الأف جي هذا أنا

موتري

وبعدين الي نزل التصوير المفروض يخاف اللـه لأنو وقفنا المقاوم
لأنه ماشي قبلي راعي الباث

وأنا مستعد أحلف بالله

وانا متقاوم معه المره الأولى وقمت عليه
والجمعه الي راحت قمة عليه بكل المرااات

الي نزل المقطع يخااف الله لأنو هذا يعتبر غش
ومن غشنا فليس منا أختار المقطع الي يبي
ولا نزل كل المقاطع

وللمعلوميه الباث فندر قير عاادي وقمت علـيه بكل المرات الا الي بالتصوير

واسألو من كان موجود


مشكور اخوي

[عاشق أف جي]

وبعدين الله يسامحه الي نزل المقطع الله يسامحه

لأنو جالس يلعب على أشناب من جد

يانااس الي مو مصدق يجي يوم الجمعه للمقاومات
الي بطريق العماريه ويشوف بنفسه

وإذا قام الباث على الأف جي والله لا ابيع موتري وتشووفون

والأيام جايه وبتثبت الشيء هذا

[خبراوي]

الباث فندر مافيه حيله لايقوم عليه اف جي والا فتك انا كان عندي واحد واعطيهم فرق اكثر من الي فيه المقطع حتى الجمس القطع عشره قد قمت عليه ومب مصدق بعد قالي انت عابث بالموتر

[عبدالرحمن السالم]

أخوي عاشق أف جي وين فيه المكان وصفلنا زين
نبي نحضر ونشوف

[عاشق أف جي]

المكاااااااااان طرق العماريه
يوم الجمعه أن شاء الله الجايه

الوصف

بعد مخرج العماريه وبعد نخطط الرحاب يجي
مخرج مسكر
بصبات اعكس الطريق ورح يسار

وامش الين يجيك الشارع حق المقاوم


وانا موجود هناك الجمعه

وأنا مستعد للي بيتحدى من الأخوان وشكراً

[أشيقراوي]

الحمدلله لك يارب


جا راعي الموتر

وجاكم العلم

ومثل ما قلتلكم مستحيل يقوم الباث

لان مكينته لا تقارن بالاف جي العملاقه ,,

على العموم ما قصرت اخوي عاشق الاف جي

الحمدلله انك جيت وعلمتهم ,,,

وبيضت وجهنا

[باترول 585]

السلام عليكم.
الى هالحين انتم ماكبرتوا .
انا عن نفسي جرب باث واف جي وكل التجربه كانت با الدهنا وعلى طريق الصمان يعني نفود وازفلت السيارتين كانت متقاربات جدا من ناحية القوه في النفود والقوه في الطريق يعني مافيه فرق بين الثنتين وكلهن قويات بس الهم الباث اوسع صدر قيادة
وهذا الكلام عن تجربه شخصيه..

[الساهر2003]

السلام عليكم
ياشباب ما نختلف لكن يمكن صاحب الموضوع حصل المقطع هذا فقط واظافه وولو كان يعلم النتيجه لما فعل مجرد التماس عذر لاخوك وثاني حاجه لا تحقر الباث ممكن تشوفه في ام دكه معدل وشف النشاط
والخفة ولا وجه مقارنة بينه وبين الاف جي مكينة الاف جي 4000 سي سي والباث 2005 3500 سي سي
اكيد بيكون عزم الدوران اقوى لصالح الاف جي ولكن الباث اخف طينة ويوسع الصدر
مع اطيب تحية للجميع

[عاشق أف جي]

السلام عليكم

بالنسبه للي صار

ان شاء الله تشوفون المقطع الصحيح الي فزينا مع بعض وتشوفون وش سوى الاف جي

بالباث

وارجع واقول راعي الباث ماله دخل المشكله صارت لخبطه بالبواري وفز الرجال قبلي


وان شاء الله المقطع جااي بالطريق

ولاتستعجلون ياراعين الباث

المقطع جاي وكلنا أخوان ترا

بس على قولتهم تحدي والحقيقه لازم تطلع

والي مو مقتع بالفديو الجاي
ان شاء الله
للمعلوميه ترى الفديو مع نفس الباث ونفس الشارع ونفس المكان ولاكن الحقيقه لازم تطلع

والي يبي بالطبيعه يجي الجمعه العصر بالعماريه الله يحيه ونظل اخوان وماتفرق بيننا السيارت
مهما حصل


وبالنسبه لرد اخوي الي يقول ماكبرتو
هههههههههه
أقوله ياخي الدعوى سعت صدر

مافيه احد بيكون مقهور اكثر مني الي انتشر المقطع

للباث وهو يقوم علي ظلم وخطاء

بس نظل اخوان

شاكر ومقدر لكم


http://www.mekshat.com/vb/http://www.mekshat.com/pix/upload02/images59/mk66356_img_.jpg

قولو ماشاء الله على الموتر
ترى العين حق:D

[أشيقراوي]

اخوي عاشق الاف جي


اشكرك خالص الشكر


لانك ريحتني

لاني شكيت بالموتر هههه


على العموم انا اول من ينتظر المقطع

واتمنى اول ما تنزله تعطيني خبر على البريد الخاص

او بريد المنتدى


مشكور اخوي

o_3th@hotmail.com

[عاشق أف جي]

هذي صوررت موتري

للي يبي يتأكد الجمعه الجايه
http://www.mekshat.com/pix/upload02/images59/mk66356_img_.jpg

[أشيقراوي]

اخوي تكفى ابي الوصف دقيق انا منب من اهل الرياض بس ان شاء الله اني بجي


وبشوف المقاومه لان لي شغله بالرياض


يليت الوصف الدقيق

[محمد البازعي]

اخوي تكفى ابي الوصف دقيق انا منب من اهل الرياض بس ان شاء الله اني بجي


وبشوف المقاومه لان لي شغله بالرياض


يليت الوصف الدقيق




:D وش عندك

حركآآآت ماوراك سبت وقلق (بنفس الوقت منقهر منكم ياعيال الجامعه:p)



بعذرك قضت اختباراتكم



الله يكون بالعون

[مقلع الرمث]

مشكور اخوي على المقطع بس هذا لا يعني انا الف جي انه مو قوي لا تنسى ان الباث فندر ماله شاصي وخفيف جدا وركبت مع واحد من الربع عليه قومه خفيفه جدا والي فايده خفته وحجم مكينته 3,5 اما الف جي 4.5 مكينه قويه وجبارة من تايوتا بعدين الموتر كبير شكله كانه همر من كبره وهذا مايفسر قومه الباث لكن حط الف جي مع سيارة مقاربه له وكبر الحجم حول بعض اتوقع راح يثبت وجوده بالساحه واسف على الاطاااااااااااااااااااله

[العبقري سابقا]

مع إني ما لي بالمقاومة من أيام سيارتي الماكس

لكن المقارنة فيها ظلم ما بين إن الاف جي 2007 او 2008 أما الباث 2005م

فياليت أحد يجرب مقاومة باث 2007،2008 مع الاف جي أو غيره لأن المكينة تغيرت تماما والقوة أصبحت 291 حصان
لكم أجمل التحايا

[عاشق أف جي]

مشكور اخوي على المقطع بس هذا لا يعني انا الف جي انه مو قوي لا تنسى ان الباث فندر ماله شاصي وخفيف جدا وركبت مع واحد من الربع عليه قومه خفيفه جدا والي فايده خفته وحجم مكينته 3,5 اما الف جي 4.5 مكينه قويه وجبارة من تايوتا بعدين الموتر كبير شكله كانه همر من كبره وهذا مايفسر قومه الباث لكن حط الف جي مع سيارة مقاربه له وكبر الحجم حول بعض اتوقع راح يثبت وجوده بالساحه واسف على الاطاااااااااااااااااااله


أخوي أنتظر المقطع الجاي أن شاء الله

لأنو هذا حصل فيه خطاء بالفزه

لانه راعي الباث بالمقطع هذا فاز قبلي بسبب لخبطة بعدد البواري يوم جينا ننطلق

الحمد لله قمت 3 مرات على الباث قير عااادي
والتماااااااتيك ههههههه حدث ولا حرج

ولاكن انتظرو الجاي
وعلى فكره ترى مكينتي 4.0 لو 4.5 كان الألتيما ماتوقف عندي ههههههه

لالا مكينتي صغيره 4.0 ماشاء الله

فقط اريد اصحح لك معلومه وأسف على التدخل

وشكرا

[أشيقراوي]

اخوي محمد البازعي لا يكثر ههههههاذا خلصت اختباراتك دق علي ههههه