استفسار بخصوص الباثفاندر المستورد !!

[كياف]

السلام عليكم

أرجو منكم أحبتي إفادتي بخصوص الباثفاندر المستورد ( أمريكي )

من حيث الفروق والعيوب وهل أسعاره أرخص من الي عندنا ؟؟؟

[الربذي]

وعليكم السلام معي واحد اخذه من المستورد مباشرة باسمي جمرك موديلة 97 شكل 98 الي عندنالان شكل 98 وطالع نازل عندهم من 96 وحنا مانزل الا 98 ترا 2003 وطالع اقوى مكينة 3500 سي سي 250 حصان اما منها وتحت 3200 سي سي 185 حصان
مميزاته
نظافة سيارة وكاله تحلف انه وكاله لم يركب
يتابعونه بالصيانه اول باول والي اشتريت مليان من اوراق متابعه صانته بالوكاله في كليفورنيا
صبغة جديدة للموتر مضروب بوية
مواصفات ماتجي عندنا مثل قير عادي لان 98 كله قير اوتو دفايات للمراتب التحكم بوضع التعليق تبيه رياضي اوقاسي
توجد بالبعض نظام ملاحة
وغيره

عيوبه 99.9 بالميه منهن متعرضات لحوادث عنيفة او غرقانات بالفيضنات هناك
البعض مايتناسب مع اجواءنا بس اعتقد ان هيئة المواصفات ماتسمح بدخوله لانهم يفحصونه وانا عليه استكر ومشتريه في 1/2/1424 والى الان تمام والحمد لله
الحرارة من تشغل النص على طول وسفرت بالصيف لمكة المكرمه كم مره باحد السفرات قطعت مسافة 4200 كم ومشغل المكيف امشي بعد ظهر بايام صيف حاميه جدا جدا والحمد لله تمام الحراره النص فقط وزميلي معهم برضه مثلهن يقولون الحرارة على طول النص وعادي جدا جدا
قطع غيارة نفس اللي عندنا ولا يفرق ولا مسمار
انتبة ترا ممشاه بالميل يعني مثلا الي معي الحين ماشية 172 الف يعني 275200 انتبه لهذي النقطه ومره مريت على موقع لبيعهن بامريكا ارى ان اللي يتحكم بالسعر هو المسافه اذا ماشيه واجد تقل مره القيمه والعكس قد تجد 2004 بسعر 2001 لان 2001 ممشاه اقل بكثير
العيوب مالاحظت شي القيمه اقل ب12 الف تقريبا يعني اللي معي بحدود 25 الف ريال والسعودي 98 ب33500
اللي معي مواصفات فل بس القير عادي ولا مثبت سرعة فتحه رموت وكاله اي بي اس انذار حتى لو تبي تفتح الكبوت ماتشتغل الا بمفتاحها
بالشمسة جهاز رموت لباب الكراج بنفس الشمسية يجي وكالة وممكن برمجتة
اي خدمة انا حاضر طبعا الاحظ ان البويه حساسه مره لوبس رقى الكبوت بسرعه يصير له اثر اللون كبدي طبعا فيه حاجه غريبه وخصوصا القير العادي لاني اعشقة وهو انك ماتقدر تشغل السياره ا ل وانتا ضاغط على الكلتش بس الامريكي
انتبه من حاجتين الصدى ترا اغلبهن تكون محليه وخصوصا اسفل السيارة وشفت كثير محلي ويق تحت الموتر من قدام ومن خلف
الممشى ترا بالميل يعني 100 الف ميل تعدل 160 الف كم وغيرك معلم طبعا يضرب في 1.6 ويطلعلك بالكيلو متر لان جميع السيارات الامريكيه هناك الممشى بالكيلو

اخوك الربذي

[ق ب م 632]

ماقصر اخوي الربذي وماخلنا لنا شى نقوله الله يهديه



تقبل مروري

[لن أمل من العطاء]

ملاحظه بسيطه على ماذكر اخونا الزبدي

فيه انواع تجي بدون دبل يعني دفرنس خلفي فقط

الرجاء الانتباه لهذه النقطه

انا وجدت في جده كامل المواصفات لكن دون دفرنس امامي ولا عصا دبل ولا شيء

[.أبوعبدالرحمن]

كلام جميل من اخوي الربذي


وكلام مهم من اخوي لن امل من العطاء


والله يوفقك ولا تنسى الاستخارة

[كياف]

بارك الله في كل من شارك في هذا الموضوع واخص الأخ الربذي
وأعتذر عن التأخر في الرد لبعدي عن النت كلياً ..

لكن عندي سؤال وهو بما أن الموديلات تختلف فمن أي موديل يجي مكينة 3500 للباثفندر الأمريكي ؟؟؟
والسعودي معروف من موديل 2003