تجربة رائعة ... إزالة الأوساخ بأبسط الطرق !!

[شاهد عيان]

أحبتي الأعضاء

السلام عليكم ورحمة الله وبركاته

عندي بالسيارة أوساخ مستعصية مثل بقايا تضليله ( صمغ ) على الزجاج و نقط قار ( زفت ) أمام السيارة وشمع بلد على الأنوار الأمامية .

فجربت ( طلاء الأظـــــافر ) الصراحة أكثر من رائع يزيل هذه البقع بسرعة وسعره تقريباً بـ 6 ريال .

ومنكم نستفيد ...

[سيرفر]

لا وبعد يفيد انه يكسر الزجاج بسرعه انتببببببببببببببببببه;)

[Bader-M]

اجل رايك
انا قزازة الموتر فيها سواد
ابرجب طريقك
وان شاء الله
احصل نتيجه
.........
مشكور يالذيب

[فرد حمزة]

شاهد عيان

يبارك فيك ربي على الفايدة

بجربها :)

[أيمن]

الله يعطيك العافية يا شاهد عيان ..

أخوي سيرفر !! كيف يكسر القزازة!!

تحيتي

[شاهد عيان]

عفواً ...

للمعلومية المقصود هو ( مزيل طلاء الأظافر ) وليس طلاء الأظافر ...
وآسف الكلمة سقطت سهواً ....



أخي سيرفر :

- كيف يكسر الزجاج ؟

لأنني سمعت إن العطر كذلك يكسر الزجاج !! وهل هذه المعلومات صحيحة ؟ !!

تحياتي

[أيمن]

عذرا على المخاطمة :) ..
بالنسبة للعطر بالفعل يكسر القزاز ..
لكن في وقت الحرارة الشديدة بحيث تكون قزازة الموتر حارة جدا، ثم يرش عليها كلونيا، وهو بدوره يبرد بسرعة ثم تتشعر القزازة !!
يمكن مزيل الأظافر من هذا القبيل ..
(صورة مع التحية لطلاب المدارس :D)

تحيتي

[العنكبوت]

مشكورين على الافكار
من ناحيه كسر الزجاج كما قالو الاخوان هذا صحيح لان الكلونيا والمزيل
يحوون كحول لا اثيلي ويتميز بسرررررعه تبخره والتبخر يسحب حراره
بشكل سرييع فتبرد منطقه عن منطقه ولما تتقلص المنطقه المرشوش
عليها بسبب البرود بعكس المنطقه الا مرشوش عليها تحت الشمس
تنكسر الزجاجه او تنشعر((احس اني لحستكم))

ومن ناحيه المزيل هوممتاز لاكن على البويه اخاف يزيل لمعتها!!!

تحياتي

[مهراس]

أوفر لك علبة تـنر(Thinner) بعشره ريال من واقع تجربه.

[desprado]

اشكر كل العضاء على تبادل الخبرات

[خشم الحصان]

الاخوه الاعزاء
السلام عليكم
بنسبه ماذكره الاخ العزيز شاهد عيان انا مجربه مره شريت سياره منذ مبطي وكان عليها شعار
علي الابواب فستعملت المزيل حق الاظافر وكان ممتاز بس يبيلك تلمعه بعد استعمال المزيل
يعني اشترلك علبة تلميع ولا تراء بعد فتره بيشهب وغدي كنه خشة واحد شافط له بنزين بلي
والسلام عليكم
اخوكم في الله
خشم الحصان

[راعي الحمره]

بيض الله وجهك يا خوي شاهد عيان عز الله انك ريحت قلبي عسى الله يغسل ذنوبك بالشهر الفضيل هذا وما قصرت .



مع تحيات
اخوك راعي الحمره

[الوراد]

الاخوه الكرام
السلام عليكم ورحمة الله

الماده المذكوره اسمها ( اسيتون ) وهي بالفعل قويه جدا على اي شي يستعصي عليك ازالته
انا اشري منها بالجركل ابو خمسه لتر
واللي يبي منها
بيلقاه عند مصانع الفيبر جلاس ( مصانع خزانات الماء اللي تنحط بالسطح :D ) لان الاسيتون هي الماده الفعاله بازالة الفيبر جلاس

بس انتبهو لشي مهم وخطير

الاسيتون سريع الاشتعال بتقولون متعودين على البنزين والتنر

ايه هين
:mad:

الاسيتون ناره مالها لووووووووووون يعني ماتنشاف :rolleyes:
يعني بالعربي يقبس بك (يالبعيد) وانت ماتدري كفانا الله نار الدنيا والاخره

[بــرق الشمال]

شاهد عيان:الله يعطيك العافيه على هاالفكره
شكله والله حلوه باالحيل نبي نجربه انشاء الله
بس موهب الحين اذاتوسخ الموتر......:D :D

[عروان]

مزيل الاظافر هو مادة الكيروسين. ولا أنصح باستعمالة على بدي السيارة لانة راح يطير اللون.

تحياتي لكم