مشكله واجهتني في الديزل 2006،، من يداويها

[شغوف]

السلام عليكم ورحمة الله

,,
,,

مشكله صادفتني اليوم ولا زلت حبيس تلك المشكله ألا وهي برودة السياره والله العالم

طلعت قبل شوي أبروح لمشوار الا والسياره عيّت تشتغل معي دقّت سلف لكن مافيه نتيجه

تدق وتدق ولا في نتيجه بالعكس بدا يضعف عزم السلف وش الحل ياجماعه ،أنا خوفي موب اليوم

خوفي باسر لامنّي صرت كاشت صارت لي المشكله ،أفتونا مأجورين

علماً أن السيارة هايلوكس 2006

,,
,,

[عاشق الهجوله]

تاكد من كهرباء البطاريه او مطرمبة الديزل او الفلتر حاله غربيه مع ملاحظة ان السيارة موديل جديد وماذكر انها سارة معي

[الفال]

الله يسهل امرك
1 _ قبل التشغيل اترك السلف شغال من اجل ان تسخن الحميات
2 _ وقبل التشغيل اعمل تحضير لطرمبة عن طريق الضغط فوق الفلتر الديزل حتى يصل الديزل لطرمبة الديزل

[شغوف]

بالنسبه للحمايات فانتظرت حتى طفت اللمبه

وبالنسبه للبطاريه فهي ضعفت من كثر الدق ولا أول شي كانت نشيطه

وأبشركم سويت اشتراك قبل صلاة الظهر واشتغل معي فأتوقع السبب من البرد

لكن كيف نتفادى ذلك بالمستقبل

[شغوف]

وبالنسبه لتحضير الطرمبه فأذكّر ان الدعسه كهربائية فما أظن يفيد معها ذلك

[حمد808]

خل لمبة السخانات تطفى مرتين او ثلاث وتضبط ان شالله

[شغوف]

هل قصدق احط على on ثم ارجعه ثم أحطه ثانيه ثم أرجعه

[حمد808]

هل قصدق احط على on ثم ارجعه ثم أحطه ثانيه ثم أرجعه
صحيح بهاذي الطريقة يسخن الديزل و تشتغل

[شغوف]

لكن أظنها تتستهلك بطاريه لأن الديزل يبيله بطاريه نشيطه ولا هيب أي بطاريه تقوّمه والا

[عـــرادي]

كلام أخوي حمد 808 صحيح
سخنها أكثر من مره والتسخين لا يؤثر على البطاريه كثير
وتقبل خالص تحياتي
أخوكــ عرادي ــــ

[بدوي جنوبي]

اخوي شغوف اذا كنت بالبر والجو كان جدااا

بارد والمحرك ما اشتغل معك وتخاف تنتهي البطاريه لا سمح الله

ما لك الا تنشق له بنزين خفيف ،،،

بلل خرقه بالبنزين شي بسيط ورح لقربة الهواء وخل القربه
تشم شوي بنزين بس شوي ،، راح يشتغل معك علي طول
وبتسمع صوت البلوف تصرقع علي خفيف لكن لا تخاف

اهم شي تخارج نفسك اذا كنت في مكان بعيد

بالتوفيق اخي الكريم

[شغوف]

مشكورين أيها الأحبه لكن للعلم أخي بدوي أن السياره ديزل فهل
تنطبق عليها الحركة هاذي ؟!

[بدوي جنوبي]

مشكورين أيها الأحبه لكن للعلم أخي بدوي أن السياره ديزل فهل
تنطبق عليها الحركة هاذي ؟!

ايه انا ادري انها ديزل عشان كذا اقولك نشق بنزين ،، لو يتوفر معك يكون احسن في علبه صغيرة

يوجد بخاخ بديل للبنزين وهو خاص بها الحالات

:good:

[الساهر2003]

اخوي الخميس الماضي كانو الشباب في الدهنا ومعهم هايلوكس ديزل 2004 ولا اشتغل الا باشتراك من سيارة ثانية
فواجب اخذ الحيطة

[مقلع الرمث]

اخوي اخبر واحد من العيال معه ددسن بنزين ولا جاء الصبح تعيي تشتغل راح لميكانيك وكهرباء مالقاء حله
لقاء حله بداء لا جاء ينام غطاه بكنبل غاطين ويقول الصبح من اول نقره مايحتاج انت عليك بالكنابل تراه زينه للديزل هليومين بهالبرد .

[الساهر2003]

اخوي اخبر واحد من العيال معه ددسن بنزين ولا جاء الصبح تعيي تشتغل راح لميكانيك وكهرباء مالقاء حله
لقاء حله بداء لا جاء ينام غطاه بكنبل غاطين ويقول الصبح من اول نقره مايحتاج انت عليك بالكنابل تراه زينه للديزل هليومين بهالبرد .


ههههههه
اخوي في هاليومين ندور كنابل ورواقات والفرشات نحط به سواتر للبهم الله يعزك
وش السوات في جو نجد برد يكسر العضام

[مقلع الرمث]

اااااااااحتسب

[برق بريده]

يمكن اخوي من السيور تبي شد زياده زياده لانه ماتقوم البطاريه

[علي عليوه]

تأكد من البطارية

ترى بعض المرات الواحد ينعمس ويقوم يلفلف ويحربش بالموتر والخراب قدامه

لا يهمك إن الموتر جديد أهم شئ البطارية تكون جديدة وأتوقع إنه مر عليها حالة جفاف

وإن كانها مرت بها الحالة توكل على الله وغيرها وخذ لها من تسعين امبير وفوق

وصدقني راح ترتاح ..

وقبل تغيير البطارية مر على أقرب كهربائي يفحص لك الكهرب إذا فيه تهريب وإلا لا

وبطريقه بيعطيك برنت مصغر عن بطاريتك

[هاوي صيد]

اخوي شغوف تاكد من ان السخانات او الحميات شغاله للتاكد منها رح لحقين الديزل يفحصونها وباذن الله الامور تمام وبقولك ترا السخانات مثل بواجي الموتر البنزين لها عمر افتراضي يعني اتوقع المشكله منها