ما افضل جيب لكزز او Vx.r

[صقر ثادق]

وارجو الافاده

[مكشاتي غير]

انا اخترت فكسار

وليتك حطيت جي اكس

صراحه احبها استندريه ما بها تعقيد

[لن أمل من العطاء]

لا يوجد اختلاف من ناحية التجهيزات الميكانيكية
يحتلف فقط في الشعارات والمقدمه والمؤخرة

انا اخترت الفي اكس ار بس بشرط يكون افخم شيء فل كامل
يكون افضل من الجيب اللكزس ويتفوق عليه في شيئين هما وجود كفر احتياطي ثاني ووجود الونش الامام

ابغي رجاء من احد المهتمين ياتي بشيء او بصفه موجوده في الجيب الكزس وغير موجوده في الجيب في اكس ار الفل كامل

ودمتم

[صقر ثادق]

مشكورين على المرور

[jenaih]

بصفه عامه الكزس انعم في القيادة كذلك العزل الخارجي عن الازعاج افضل
يوجد في الكزس حساس للمساحات يشتغل اوتوماتيكيا بالسرعه المطلوبه لمسح الماء
كذلك النوافذ الجانبيه في المقاعد الأخيره تشتغل اوتوماتيك بواسطة زر يوجد عند السائق

[ذيب بلاده]

السبب اني اخترت لكزس انه افخم وجيد بس الصراحه على حسب استخدام الرجال اذا كان كل يوم كشته فكسار :)
اذا في الشهر 5 كشتات مب مشكله لكزس موتر زين ;)

[عاشق الكنود_]

لكــــــــزس وانت مغمض الي يشوفك يقول24ســـاعه بالبر

[.أبوعبدالرحمن]

والله يا اخوي اخترت اللكزس


لانه صراحة له طعم وانت تسوقه


صحيح ان الفي اكس ار له مميزات ما هيب موجودة في اللكزس


لكن اللكزس اسمها لكزس وشكلها الخارجي اروق بكثيييييييييييييييير من الفي اكس ار


ولكن الاستخارة طيبة

[الدحبول]

تم التصويت ل Vxr
لان مرغوب في حال إعادة البيع
قطع البدي حقه متوفرة
وشكلة أحلى

[Black VTC]

اخترت الفي اك ار لانه هو الاكثر عراقة والاكثر شعبية و ان جينا للبيع خطابه واجد اكثر من اللكزس ...

[المجمعه]

طبعا Vxr بلا منازع
او GXR
هذا اذا انك تبى سياره لك وللزمن

اما اذا كنت تبغاه للتكشخ فقط خذ لكزس

[الجماجمي]

vxr والسبب لأنه مجرب في البر والوعر والبلد وقطغ غيار رخيصة نسبيا ومتوفرة حتى في البقالات ( أمزح )

[anas]

بصفه عامه الكزس انعم في القيادة كذلك العزل الخارجي عن الازعاج افضل
يوجد في الكزس حساس للمساحات يشتغل اوتوماتيكيا بالسرعه المطلوبه لمسح الماء
كذلك النوافذ الجانبيه في المقاعد الأخيره تشتغل اوتوماتيك بواسطة زر يوجد عند السائق



كما ذكر اخونا ، وايضا ازرار تدفئة للمقاعد وزر لفصل الحساسات وزر لفصل الإيرباجات ونظام VSC للاستقرار ، وعند سؤالي لمندوب لكزس في الوكالة عن الفرق بين الكزس والفكسار الفل كامل قال لي : العزل الصوتي في الكزس افضل من الفكسار .

[صقر ثادق]

اسف على التئخير ومشكورين على المرور

[وسيـع البـنايد]

صـوتي لـ ( lexus )

[ABO-AZIZ]

vx-r ولك الخيار

[االديحاني]

VX-R

وبس

[أبونورة777]

أولاً صوتي لـ Vxr وأنا حقيقة جربتهم كلهم .. طبعاً ما في فرق من ناحية القيادة إلا زي ما قال احد الاخوة اللكزس فيه نعومة نوعاً ما ..

لكن بالنسبة للشكل والمواصفات واللي يمسك قيمته عن البيع والأكثر شعبية والأقل خراباً وتوفر القطع هو طبعاً بلا منازع الـ Vxr

أما من سأل عن ميزة في اللكزس لا توجد في الـ Vxr فهو ميزة التشغيل عن بعد في اللكزس من 2006 وطالع .. كذلك زي ما قال أحد الاخوة هو انك تقدر تفتح النوافذ الخلفية اللي بالشنطة أوتوماتيكياً هذا في الجيب اللكزس فقط .. أما الباقي فأعتقد أغلب المواصفات متطابقة ..

أتمنى قدمت شي يفيد ..

والسلام عليكم ..

[al-nashmi]

انا اخترت خوي الدرب
ال vx.r

لانه ببساطة انا ابي موتر يخدمني ... مو انا اللي اخدمة........

وسلامتكم

[ابوعقل]

اللكزز

ماتقارنه بالvxr

اكيد اللكزز

[صقر ثادق]

مشكوورين على المرور

[Magellan]

اللي جرّبvx-r ثم جرب اللكزس ماراح يتخلى عن اللكزس
يعني أنا إخترت اللكزس وللمعلومية زاد الطلب عليه وإرتفعت أقيام المستعمل مؤخراُ

[بحرالحياة]

فيه جانب مهم لم يتطرق له أحد من الإخوة المشاركين ....
وهو السعر
LEXUS سعره 310
VXR سعره 240- 260
+
قطع غيار وصيانة السيارتين تختلف
الأقل في صالح VXR

بالتوفيق

[بحر الموده]

اذاكنت رعي بر نصيحه لا تاخذ الا جي اكس

[صقر أمه 506]

اذاكنت رعي بر نصيحه لا تاخذ الا جي اكس
مثل ماقال أخوي: بحر الموده
ما أزيد ولا أنقص
GX

وإذا كنت ملزم
فكسار... شرط يكون عااادي

[النحيف]

أنا أأيد اختيار اللكزس ويكفيك الاسم وبس

[هايلكس 2001]

vx-r ما فيه كلام يكفي أنه أطلق من اللكزس في المكاشيت واللكزس حق الكشخه والتميدح بس
وشكرا

[أبو ياسر]

اخوي اذا كان استخدامك للسيارة داخل المدينة والخطوط اكيد لكزس

اما اذا كنت تدخل البر اكيد vx.r

[نوماس1]

بالاضافة الى ما يتميز به اللكزز ذكرها بعض الاخوان احب ان اضيف ان اللكزز اقوى في العزم من ال في اكس ار وافضل في المطبات في البر

[ابن علوان]

هي نفسها السيارتين

[YUKON_GMC]

طبعاً لكزس

يكفي ان اسمه لكزس

يكفي انه اغلى من الفي أكس ار ب 60 ألف

يكفي ان خلفية الفي أكس ار الكامله تسمى خلفية لكزس

والاستخدام واحد مافيه فرق بالمحركات ولاقطع غيار المحركات والتعليق

الفرق بالاكسسورات والحساسات داخل الغماره والانوار والاسطبات

بالنهايه مد رجولك على قد لحافك ... اشتر على قد فلوسك .. بالنسبه لي الله يرزقني بالجنه .. مازدا 79 وتخب علي ..

[SIF]

الفكسار واللكزس عينان في رأس

وأنا أخترت

فكسار
للأسباب قد تكون مهمة من وجهة نظري
1- قطع غيار أرخص
2- أرخص سعرا
3- أسرع في البيع
4- خرابات أقل من اللكزس

[تاهووكاله]

حسب الامكانات الماديه
والمسلم سوف يحاسب على الصرف
وبالنهايه مافيه احسن سياره
كل شئ بحقه
والدعايه والتسويق لها دور

[جومانشي]

انت تبي تكشخ ولا تبي حق بر


اذا كشخه لكزس


اما بالنسبه الي الاخ بحر الموده



اذاكنت رعي بر نصيحه لا تاخذ الا جي اكس


انحش ولا تقرب التايوتا بالمررررررررررررره


عليك بالفتك النيسان


واسال مجرب ولا تسل طبيب


عندي جي اكس ار لمتدى ماخذه بـ 165500


وربي انه ما يسوى التاليه من الغنم


وخاصه في البر


عليك بعطي الله الفتك خفيف نفس

[طلال الحربي]

سلم لي على الكزس

ياباني ميه بالميه

واقوى من الفكسار

وقطع اللكزس نفس الفكسار

[فصاص]

السلام عليكم

المكاين تختلف

اللكزس 5.7 فوق 350 حصان
ال VXR مكينته 4.7 270 حصان فقط
مايكفي هالفرق ؟؟

الVXR نزل منه الان اصدار خاص مؤقت بمناسبه مرور مدري كم على شركه تويوتا مركب عليه مكينه اللكزس ولكن سعره فوق 330 الف :confused:

[قصمي]

اخواني انا سقات اللكزس ثقيل وجربات VX.Rثبت واخف من اللكزس بشوي وسريع وقوي

[الهاجس 354]

اللكزس أكشخ

[هلي ديزل]

Lexus يكفيك الاسم

[القطاوي490]

المقارنه العادله بين vxr و gxr اما اللكززس شي اكبر من vxr و gxr

[أطلال نجد]

بالتأكيد جيب اللكزس

الأختلافات كثيرة منها على سبيل المثال
نوعية المقاعد والجلد أفضل وأريح / نظام ( السلامة ) السيفتي أفضل / مساعدات من نوع أفضل وأريح / قوة المحرك أعلى / قوة القير والاستجابة أعلى
النظام الصوتي يختلف في اللكزس 180 درجة عنه في vxr ويتميز بسماعات صوتية أضخم وأكثر عدد / اللكزس أثقل وأرسى وأريح على الخطوط الطويلة

هذا بس اللي يحضرني الآن

تحياتي

[كاشت وحداني]

لو حددت نوع الاستخدام كان افضل لدقة التقييم
انا اخترت الفي اكس ار
اللكزس افخم صحيح لكن تكنولوجيا فيه زيادة وحساسات زيادة مما يؤدي الى تكاليف صيانه زيادة
اللكزس اغلى في المشترى وبلشه عند البيع مقارنه بالفي اكس ار
قطع الغيار اغلى في اللكزس واحيانا تكون نفس القطعه لكن تقوله لكزس صفقها بسعر وتقوله جيب في اكس ار يعطيك سعر اقل
اللكزس ما ينفع للبر واجد مقارنه بالفي اكس ار
لكن الشخص الهادي واستخدامه رايق جيب اللكزس قد يكون افضل له .