الفزعه = وين مكشاتنا في الاجازه

[رجال]

السلام على النشاما هل البر والصيد

مقبلين على اجازة فيها بركه واكيد كل واحد جالس يخطط وين بيروح والكثير من رواد المنتدا يفظلون الرحلات البريه اكيد .

علشان كذا نبي الفزعه من كل واحد عنده خبر عن مكان زين وربيع في الصمان او الشمال يكون زاره او سمع به يبلغنا وان امكن بالاحداثيه نكون من الشاكرين

وجزاكم الله خير على تعاونكم

[مخاوي الذيب]

هلا اخوي رجال

انارحت لخريم وربيعها طيب لكنها زحمة عالم

ولكن انصحك بجراب وشمال

اما الصمان مدري عنه والي عنده خبر عن الصمان يعلمنا

وتقبلوا تحياتي

[عابر سبيل]

السلام عليكم ،،،،


الحقيقة أنا كنت في الصمان الخميس والجمعه هذي القريبة والحقيقه ما من زود ولكن اكثر شي استفدناه هو ان الجو كان أكثر من رائع ...

والربيع على أوّله وبيدخل عليه الصيف وبيحرقة تمام


على أي حال اللي عنده علم عن الربيع يبلغنا


ولكم التحية.

[القماري]

الظاهر يالربع الربيع ذي السنة قصير مرة وشكله الصيف هل من اليوم السبت ، أحسن نربع بالبحر :D

[أيمن]

السلام عليكم جميعًا ..
بالنسبة للربيع هالأيام ..
أشوف أفضل منطقة زرتها هي جراب وما حولها من شعبان وفياض ..
زرتها الخميس 24-25/11 وأمرحت فيها الجمعة .. والربيع فيها على كيف كيفك، وشعبان وفياض ترد الروح يا ربّ لك الحمد والمنة ..
ورغم البرد وقسوته إلا أن أراضيها تكتسي بأزهى حلة .. أدام الله علينا النعمة والصحة والدين ..

تحيتي

[الشقردي]

ايمن ولا عليك أمر تعطينا بالضبط الاحداثيات اللي في جراب
انا شخصيا ما أبعدت عن الزفلت في طلعتي الاخيرة في اجازة الفطر لكن الي سمعته ان فيه أماكن داخل تكفى(وفي رواية تفكى) تعطيني من وين أدخل لها واحداثياتها وكم تبعد عن الزفلت؟

وهل هي نفس نوعية الارض اللي على الزفلت فيها شوي نفود ارجو الرد؟

وطلب اخير اذا كنت قد رحت للصمان وش تفضل جراب ولا الصمان؟

[راعي عنيزة]

الشقردي بعد تسبدي بنحقق مع ايمن :) في موضوع مستقل عشان تعم الفايده للجميع