استفسارعن كفرات البالون الماكسس.

[طــــويـــق]

الاخوة الاعزاء
السلام عليكم ورحمة الله وبركاتة
اخواني احببت ان اسأل اصحاب الخبرة في كفرات البالون الماكسس التايلانيدي.وجدت نوعين النوع الاول( 6غاط) والنوع الثاني( 8غاط) وقالي صاحب المحل ان النوع الاول(6غاط) له القدرة على ان يفرش بشكل كبير اثناء التنسيم وهذا جيد اثناء السير في المناطق الرملية ولكنة لايصلح للمناطق الحجرية بسبب ليونتة,اما النوع الثاني( 8غاط ) فهو اقسى من النوع الاول ويصلح للمناطق الحجرية .
هل هذا يعني ان النوع الثاني( 8غاط) غير جيد في المناطق الرملية وليس له القدرة على ان يفرش بشكل كبير اثناء التنسيم وانه مشابة للكفرات العادية الغير بالون ؟
وما هو السر في ان نقشة كفرات البالون تكون ذات خطوط طولية وان كفرات البالون بجميع انواعها متشابة النقشة ؟
ارجو الافادة ممن يملك الخبرة عن هذا الموضوع ولكم جزيل الشكر.....

[الفتكي]

السلام عليكم
شوف اخوي ركب البالون 8 غاط ممتاز للرمل والحصاء وليس بالقاسي مره لاكن لا تركب الي ضغطه 6 ما يصلح للحصاه ممكن تفجره وكذلك احتمال ينفجر من حرارة السفلت انا مركب ماكسس 8غاط ممتاز للرمل والحصاه اذا دخلت الرمل اخلي الهواء فيه 15 ولا في امل يغرز ابدا والحصاه اخليه 20 لأنه قوي وممتاز لكن ماهو تايلندي لكن تايواني وعيبه انه ما يجلس الا حوالي سبعه شهور .وقيمت الطقم(4) حوالي 1250 ريال.

[طــــويـــق]

اخوي الفتكي بيض الله وجهك وماقصرت

[&أبوخالد&]

ياأخون وشهي كفرات البالون ديم أسمع عنها وش مميزاتها وكيف شكلها على السياره وش السيارات التى تركب عليها.

[خشيمان]

إن بغيت تشري وانا اخوك ترى عندي 6 غاط

[مقلع الرمث]

اخوي الفتكي لو سمحت انت ذكرت التنسيم بالبر طيب بالطريق والطريق السريعه كم احط بالكفر مع اني بعد ماركبتها حسيت ان عزم الموتر طاح اشوي والكفرات بالعيار حاط فيها 35 عطنا معلوماتك لو سمحت وفيه رجه عند 90 الى 110 تقريبا علما بان سيارتي باترول 2003

[مقلع الرمث]

اخوكم مقلع الرمث يبيغى الرد من اصحاب المكسس سريعا

[ناوي نيه]

يا (مقلع الرمث) لازم انها تطيح من عزم السياره والرجه لازم
وغيري يفيدك

[عجمي]

اخوي الفتكي لو سمحت انت ذكرت التنسيم بالبر طيب بالطريق والطريق السريعه كم احط بالكفر مع اني بعد ماركبتها حسيت ان عزم الموتر طاح اشوي والكفرات بالعيار حاط فيها 35 عطنا معلوماتك لو سمحت وفيه رجه عند 90 الى 110 تقريبا علما بان سيارتي باترول 2003

بالنسبة لعزم الموتر اكيد بيطيح بسبب كبر حجم الكفر ومقاسة 900
اما الهواء بالخط اشوف 30 او 35 مناسب
ومن ناحية الرجة لابد منها وخصوصا اذا كان الكفر من نص عمر واقل الا اذا رصصت مظبوط تخف كثير واحتمال تروح

[الفتكي]

السلام عليكم
شوف اخوي مقلع الرمث بالنسبه للكفرات الماكسس في الخط تحط فيها من 30 الى 35 والرمل عادي تحط فيه 10ضغط الهواء اما الرجه عادي في الكفرات البالون انا موجوده عند الى الآن لكن اذا عندك مساعد الردركسون شد بلد دبل عليه واحد ثاني حق امريكي الكبير انا ركبت مساعد دركسون استرالي عشان ما ادبل لكن ما نفع الى الآن عندي الرجه اما السيارات السابقه كنت مدبل مساعد الدركسون شد البلد وكذلك حق الامريكي الكبير وراحة الرجه من 80 الى 90 وانت . هذا رأيي!

[الفتكي]

السلام عليكم

شوف اخوي مقلع الرمث بالنسبه للكفرات الماكسس في الخط تحط فيها من 30 الى 35 والرمل عادي تحط فيه 10ضغط الهواء اما الرجه عادي في الكفرات البالون انا موجوده عند الى الآن لكن اذا عندك مساعد الدركسون شد بلد دبل عليه واحد ثاني حق امريكي الكبير انا ركبت مساعد دركسون استرالي عشان ما ادبل لكن ما نفع الى الآن عندي الرجه اما السيارات السابقه كنت مدبل مساعد الدركسون شد البلد وكذلك حق الامريكي الكبير وراحة الرجه من 80 الى 90 وانت . هذا رأيي!:good: :good: :good:

[system]

بالنسبه لل6 غاط و8 غاط فهذي تعني طبقات النايلون اللي ملفوفه على الكفر يعني طبقات الربل ف6 يستعمل للجيوب وخلافه وال8 غاط تستعمل للاحواض لانها تتحمل الوزن الزائد ومع العلم ان ضغط الهواء للماكسس لازم مايتعدا ال45 وهذا حال اغلب كفرات البالون وذلك لعدم وجود اسيام بداخلها اللي يسمى (بالرديال) اتمنى اني افدتك.

[الشا صي]

الرجه مايرج عندي الى 140 اذا تعديته يبدى يرج بس انى مرصص الكفرات عند ميزان العضيب وللعلم ان الكفر بلون ماكسسز 8 غاط بس فيه نوعين شيء يجي صوره الجمل الي عليه سنام وفيه سنامين السنام الواحد افضل شيء الان لي سنتين سنتين مركبهن ومن احسن ما يكون لاكنهن نشفن ونمسحة الوطيه من كثر الاستعمال

[طــــويـــق]

بارك الله في الأخوة جميعاً اللي شاركونا في هذا الموضوع

[مقلع الرمث]

مشكورين وماقصرتوا

[مقلع الرمث]

مشكورين وماقصرتوا

[بليزر اسود]

السلام عليكم ورحمة الله

اخواني بارك الله فيكم مافيه إلا هذي الصناعه تايلندي وتايواني فقط ارجو الإجابه

[بليزر اسود]

السلام عليكم
اخواني مافيه ألا هذي الصناعه تايون وماليزي فقظ

[فتى المجمعة]

الله يعطيكم العافيه ..

بالنسبه للبالون أنا عندي 8 غاط ومن ابدع مايكون سواء للرمل او الشعبان ...
والافضل انك تحط في الكفرات 20 في وسط الديره وفي النفود من 10-8 على حسب عزم موترك ..

لكن مشكلتها في الخط انها ما هي ثابته بالعربي تدور الحفر والنزلات !!!
علشان كذا هي غير مرغوبه للشياب ..! وإلى هي اريح والين الكفرات الموجودة .

ولكم جزيل الشكر ،،،