كيف أكون فطين .. ونبيه .؟؟؟

[سماوي]

بسم الله الرحمن الرحيم
السلام عليكم ورحمة الله وبركاته

أخواني الكرام ...
والله إنك تتعجّب من بعض الناس معطيه الله راس تقول ( قارمن ) ...مايضيع لا بليل ولا بنهار ...
لا بنفود ولا بجبال ، .....
طول النهار وهو يدور بالخلا .... وبالأخير يطلّع لك رسم كروكي للمناطق اللي راح له ... ماتدري وشلون ..؟؟؟
وإلا يدور الليل كلّه يصيد أو يتمشى أو ....وتلقاه يقول :- قبل أشوي جينا مع هالدرب ، هالحين تجينا جبال سمر أو طلاح على اليمين ، فيه بدو قريبين من هالمكان ( لأنه شاف جرر الغنم جديدة بالأرض ) .. بسم الله ... عيونه تقل دربيل ليلي ...
وأحياناً يوصف لك درب صغير ، ومعالم صغيرة ، وهضيبات و.... وأشياء صغيرة .. هو منتبه له وأنا أدربي راسي

إنجنيت .. حاولت أصير مثله ... ولاكن شكله صعب حيل حيل ..

أرجوكم ساعدوني ... كيف أكون فطين ونبيه ..

الله يخليكم

[صقر]

هذي بسيطة اذا كنت راكب فإنك ما تذكر شيء ابد الا القليل

اما اذا كنت سواق وماسك الطارة فانك تكون اكثر نباهة لانك انت السواق تكون المسؤل عن الطريق وتكون مفنجل عيونك علشان ما تضيع الطريق.

والمسألة بسيطة ..... جرب انك انت تكون السواق واذا وصلتوا المكان قل له يرسم لك خريطة للمكان بس بشرط تكونون كلكم طرقتوا هذا الطريق لأول مرة.

وشكرا...............

[طيـــ بر ـــر]

والله حتّى بعض السواقين ..... يضيع في الثمامة ....

هي على الفطنة ... وعلى حفظ القائد للإتجاهات ...

[الربيع]

اخوي سماوي
لا يضيق صدرك ربعك واجد
الامر هذا والله اعلم يرجع الى التعود فالشخص راعي البر وكثير التردد عليه تلقاه يبخص علوم البر وعلاماته فالبدوي من وهو صغير لو تنطله في الربع الخالي رد لبيته ومثل سواقين الليموزين في الرياض لو تعصب عيونه وتلف به وترج راسه وتنطله ورا معارض الشفا رد لمكانه
فجرب اطلع لمكان معين مرتين او اكثر سوف تبخصه وبعدين اذا تعودت على طلعات البر وبالذات التخييم فيه ستجد نفسك عرفت بعض علا مات البر المميزة والتي تدل على الاتجاهات والاماكن وغيرها الله يكفينا واياكم شر ضيعت البر ودورة الراس

[تميم]

عزيزي الغالي سماوي
هذه الموهبه التي تتحدث عنها هي من الله تعالى فتجد في هذا الشخص النبية الذي تحدثت عنه صفات منها انة كثير التردد على البر او هو من اهل البادية فعلا0
وايضا تجد فيك صفات جميله ليست فية فارضى بما وهبة الله لك والحمد لله الآن يوجد القارمن اللي يكفيك ويدلك بالبر وهو من نعم الله علينا التي يجب ان نشكرة عليها وهي لاتعد ولا تحصى
تحياتي سماوي:D

[العنكبوت]

انا اقول ياحيي سماوي انه هذي على الرغبه فالمهتوي يقطع المستوي
والي يركز ووده يتعلم الشي مع التكرار بيتعلمه
واظن من الاشياء الي تفيدك في الفطنه قل الهرج لا تحاول تكلم وانت تسوق
والا لاصرت تبي تحفظ واعرف الاتجاهات الاربع واي شي تشوفه اعرف وضعه
عن الي قبله من ناحيه الاتجاهات وان شالله تبي تجمع الكعلوممات براسك وتصير
خريطه كااامله.


تحياتي

[فـ(الجـوف)ـتى]

مشكوووووووووووووور

الله يعطيك العافيه 0

[عاشق الصفاري]

Originally posted by العنكبوت
انا اقول ياحيي سماوي انه هذي على الرغبه فالمهتوي يقطع المستوي
والي يركز ووده يتعلم الشي مع التكرار بيتعلمه
واظن من الاشياء الي تفيدك في الفطنه قل الهرج لا تحاول تكلم وانت تسوق
والا لاصرت تبي تحفظ واعرف الاتجاهات الاربع واي شي تشوفه اعرف وضعه
عن الي قبله من ناحيه الاتجاهات وان شالله تبي تجمع الكعلوممات براسك وتصير
خريطه كااامله.


تحياتي

[شبوب]

سماااوي 00

السلام عليكم ورحمة الله

أخي العزيز هذه اولا ( هبه ) من الله يهبها من يشاء من عباده ، مثلها مثل
النظر أو الذاكره 00 الخ 0

ثانيا من الممكن ان تكتسب بالتدريب والتجارب ، لمن لديه رغبه بشرط ان يكون
رأسه به رجاء ، مهب ( سطل ) :D


تحيااااااتي ،،