طالب مساعدتكم يالربع رموت الونش ضايع

[خامووش]

والله ما ادري اذا مكان الموضوع مناسب ولا لا .. يا جماعه انا شريت لاند vxr موديل92 عليه ونش بس المشكله ان رموت الونش مو موجود وماني بقادر اشغل الونش بدونه ,

[مايغرز]

شوف يالغالي حل بسيط ان حصلت رموته خير على خير وافتكر ما يقل عن 250 ريال او 20 دينار انت وحظك بالتشاليح او انك تشتري دقمة امريكي حقة القزاز مثل مايقولون وتسوي ترهيم مايكلفك 50 ريال طبعا تماتيك جام قديم بس اتعب عل الكهربائي الشاطر ماهو الغشيم على شان مايحرق لك شي بالسيارة والسلام

[لن أمل من العطاء]

يا حبيبي

اشتريت لي سيارة ووصلت على السطحة الى عند البيت يوم جاء ينزله صاحب السحطه فك الغطاء اللي على الفيش
وادخل مفتاح السطحة حق تشغيل السيارة ونزلت سيارتي على طول
المسألة انه الفيش يوجد به ثلاث مسامير فقط اقصد الفيش اللي ملاصق في الونش تماما وصل بين مسمارين منها واذا وصل بالشكل الاخر يسحب

هذا حل مؤقت

[خامووش]

الله يجزاكم الخير اخوي ما يغرز واخوي لن امل من العطاء , ان شاء الله اجرب واعلمكم بالنتيجة

[الوسمي006]

اخوي خامووش رح لورشه الزايد للونشات يرهملك ريموت وناجح ومجرب موقع الورشة الرياض الصناعية القديمة