بسررررعة .. أبي مساعدة .. بخصوص كفرات وجنوط .. الباترول ::::::::

[طيـــ بر ـــر]

السلام عليكم ..

هذا واحد من الاخوان ..... توه شاري (( باترول - سلقه )) 98 ... وكفراته وجنوطه ..(( شدّ بلد )) والكفرات رايحه فيها ... يبيلها تغيير ... ويبي يركّب جنوط ...


السؤال اللي يسدح نفسه ؟؟
- وش أحسن الكفرات العريضة .. للموتر ..بشرط هالكفرات تصلح للخطوط والرمل .. ( وماذا عن كفرات البرجستون اللي في اللاندكروزر 2003 gxr)) وياليت أسعار الكفرات المناسبة ومقاساتها ..اذا كان ماعليكم كلافه ...

السؤال الثاني اللي يخبط بعمره ؟؟
- أخوي هذا محتار .. بين جنوط السفاري ( الفل كامل )) موديل 99 .. أو جنوط (( النص فل )) وأيهم الكروم .. وأيهم الألمينيوم .. وأيّهم أخف ..وأرسى ......


وأخاف من مشكلة الرجّة اللي تجي وانت واصل 120 ... وهل هي بسبب الجنوط ..؟؟

<<<<<<< ياكثره .. تقول كأنه بيركب كفرات فياغرا ..:D

طيـــ بر ـــر

[عاشق البسمه]

حياك الله ياطيربر


المعروف ان الجنوط الالمنيوم اللي تجي على الفل الكامل خفيفه لكن ترج بعد فتره اذا كان

راعي جواد البر

الجنوط الحديد اللي يجي علىsglهي اللي تصبر على البر والجلد والنفود


تحياتي

[طيـــ بر ـــر]

عاشق البسمة ... الله يعطيك الصحة والعافية ... ماقصرت يالذيب ..



ننتظر بقيّة الأرآء ....

طيـــ بر ـــر

[الدبل الثقيل]

البرجستون والميشلان على الجيوب لاتقربها لأنها اسلاك وثقيلة اذا ضرب كفر -لاسمح الله- يصلخ الكفر ويطير الجلده اللي على جانب المكينه - اللي ترد الصوت - ويطير النسافة والفيبر...
ورأيي الشخصي ان الدنلوب ثم التويو ثم هنكوك افضل الكفرات بالترتيب..
المقاس العريض هو 275 العرض 70الأرتفاع 16 الجنط..
واسعار الدنلوب عندنا في وكلاء جدة .. الدنلوب الواحد ب325 ريال بدون تركيب .. التويو345 ريال هنكوك ب250ريال..
والذي ارجحه الدنلوب لأني جربته على باترول 96 ربع..
ام الميشلان اللي الناس يمدحونه تراها غالي جدا الواحد ب 518ريال..
وبالنسبة لمقاس الكفر في مقاس 245/75/16 اللي على الجموس من موديل 92 الى 99 مقاس زين شوي منخفض وعرضه حليل.. ويجي عشر طبقات.. بينما العريض حق الجيب 4 طبقات.... ولا يشتري الا من الوكيل لأنه ارخص واجدد..وجزاكم الله خير..

[طيـــ بر ـــر]

الدبل الثقيل .... ماقصرت يالذيب ...... أجل شكلها ... دنلوب ...ان شاء الله

[القماري]

حبيبي أنا عندي سلقة 2001 وغيرت جنوطه الأصلية الضعيفة لجنوط السوبر سفاري 2003 (اكيد مش من الوكالة بل تجاري وسعرهم 4 جنوط بـ 1300 ريال - الأصلي سعر الواحد بحدود 2800 ريال) وركبت بعد عدة مشورات وبعد التفحص والسؤال كفرات مشلان 275/70/16 وصار لهم معي لحد الآن سنه كاملة أطلع الطعوس تقريبا أسبوعيا (كل جمعة) وأنسم الهواء فيهم لـ 8 وأستخدم السيارة يوميا للذهاب للعمل مشوار 90 كلم يوميا ولم الحظ أي تغيير فيهم أو تأثير وهم الأفضل (لكن غاليين شوي)
وبخصوص الرجة في الباترول 1999 - 2002 فهذا موضوع ثاني ليس له دخل بالجنوط أو الكفرات (هذا الكلام من عدة مواقع وعدة تجارب والكثير من التصليح إلي مافلح لحد الآن)
يمكن تكون جوط الحديد أفضل أو أقوي (الله أعلم) والكفرات الكورية بعد طيبة وسعرها معقول

[طيـــ بر ـــر]

القماري .... ماقصرت يالذيب .... أجل شكلها ( جنوط سوبر سفاري 2003 التجاري )

توكلنا على الله ...




طيــ بر ـــر

[الدبل الثقيل]

احذر من الجنوط التجاري ... اشتر اصلي مستعمل او من التشليح....

[طيـــ بر ـــر]

أخوي الدبل الثقيل ...

التجاري .. نوعين درجة ثانية ... ونوع رديء جدا ..

<<< أخذ الدرجة الثانية ..

أما بخصوص التشليح .. أتوقع انهم يبيعون الجنط بــ ثمانمية ... لأن الوكالة يبيعون الأصلي فوق الألفين وخمس ... وهي مكلفة جدا .. حتّى لو بثمانمية للواحد ...

والله أعلم

طيـــ بر ــــر

[ابوفدغوش]

مراحب شباب

يا الغالي انا والله انصحك بجنوط الفين وثلاثه حقت الفل انا مركبهن على موتر 2001 وسالكات ولله الحمد

وعليهن كفرات دنلوب بس يمدحون التويو

وبالنسبه لسعرهن انا شاريهن بعد ما فريت الغرابي كله 1150 ريال والصواميل النيكل بـ70 ريال

ولو توقفه جنب فل كامل جديد ما تفرق بين الجنوط وبالنسبه للرجه رصصهن ترصيص الزق الجديد هذا ممتاز

ولو رجن معك اعرف ان العله من الترصيص

[طيـــ بر ـــر]

أبو فدغوش .. أنا ركبت جنوط 2003 الفل كامل ..

لكن وشهي الصواميل ..النيكل اللي بــ70 ريال ..

[ابوفدغوش]

هلا طير

يا الغالي مر اي بنشر بالغرابي وقله ابي صواميل نيكل وهو بيعرفها على طول

وعالبركه الجنوط تقطعهن بالعافيه :D