استفسار بخصوص ترفيع جمس قطع 10 وطلب المشورة

[escape_man]

سلام عليكم ورحمة الله وبركاته

حيى الله زواري الكرام

عندي جمس قطع عشرة وابي ارفع مع جميع الجهات

الارتفاع المطلوب تقريبا 5 سم

السيارة الان يعتبر ارتفاعها جيد لكن نبي الزود والتجربة الجديدة قد ترضي مزاجي



الاشياء الي مخوفتني كالتالي:

الجنوط الي عليه نيكل 15 بعرض 10 انش

الكفرات شاهين ارفع واكبر مقاس

والخوفه يطلع شكله مو ذاك الزود لكن الرغبة اكبر في التجربة

المشكلة الثانية خوفي يطلع فيه حررره ورجه بعد الترفيع وهذا شي ما ادري عنه ولا وصلني عنه علم

ليش اطرح موضوعي لاخواني ولا اروح للورشة واسئل؟

لاني رحت لاكثر من ورشة منها ورشة العيسى ومريت حتى حقين التريلات وكانت المقولة انت قل لنا

سوو كذا واحنا نسوي ولا قدمو اي اقتراح او فكرة اقتنع فيها او بالاصح ماقدمو شي وكنت انا اقترح

والجواب كما اسلفت !!!

السؤال كالتالي :

وش تشورون علي فيه ؟

وين اروح ( لاي ورشة ) ؟

وشهي الطريقة .. ادبل السست .. اطرقها .. سست كبيرة ممكن تضاف وتنفع .. مساعدات .. هل ممكن ترفعه هالرفع = 5 سم

مع العلم انه ما ابي اركب فوك لفت

هل فيه اي تاثيرات سلبية على الموتر وما مداها .. مع العلم ان هالموتر مو رئيسي .. فقط لمزاولة هواياتي وارضاء لغرامي بالجموس وبودي اضبطه شكلاً ومضموناً.

انا متفرغ للجمس فقط هالسبوع .. فقط


ننتظر مشاركاتكم القيمة وكلي دعوات لكم بالتوفيق والبركة

[escape_man]

للرفع رفع الله مقداركم

[escape_man]

وشهالموضوع

كل ما ارقيه يتنزل

على كل حال التجربة خير برهان وخذ العلم من راسك علشان ماتلوم احد :)

[ابوفهيدان]

اخوي بالنسبة للرفع هناك انواع للرفع
1-رفع عن طريق تركيب جلب ربل تحت السبرنقات في مقدمة السيارة بس لازم كل سبع شهور تبدلها الجلب
2_وانا انصحك بالطريقة هاذي بس يبيلها فرارة ودوجة في الصناعية وهي انك تاخذ سبرنقات موترك الامامية وتدور نفس حجمها وعرضها بس تكون اطول بعشرة سم وتركبها
3- او تروح محلات زينة السيارات اختصاص الدفع الرباعي وتدور المعاونيات الصفر اللي تخلي الوانيتات مرتفعه
اما بالنسبة للجهة الخلفية اذا كانت سست زيد لك ريشتين من من تحت يعني ريش صغيرة لانك اذا زدت الطوال اللي فوق صار مطبك جامد
واتمني افدتك

[SilverSniper]

تطريق السست راح يرفعك أكثر من 5 سم... على الأقل 3 انش أو 3.5 انش.. زيادة سستة أو اضافة كعكات راح تقلل من رساوة الموتر وتزيد قوة المطب...
التطريق هو أفضل حل إذا ما عندك مانع 3 سم زيادة..
الرفع بهذا المقدار ما راح يأثر عليك بشكل كبير.. ربما يبين شكل الموتر أحلى والكفر ماليه.. بس لما تفكر برفع أكبر 4 انش أو 6 انش مثلاً.. راح تضغط على العمود.. ويتأثر معك الدفرنس ويكسر بنيون.. وكذلك تضغط على دودة الدركسون وتطلع خراباتها.. ولذا الأفضل عشان تتجنب المشاكل ذي كلها انك تاخذ لفت كت كامل.. من سكاي جاكر أو سوبر لفت أو بروكومب

[escape_man]

اخوي بالنسبة للرفع هناك انواع للرفع
1-رفع عن طريق تركيب جلب ربل تحت السبرنقات في مقدمة السيارة بس لازم كل سبع شهور تبدلها الجلب
2_وانا انصحك بالطريقة هاذي بس يبيلها فرارة ودوجة في الصناعية وهي انك تاخذ سبرنقات موترك الامامية وتدور نفس حجمها وعرضها بس تكون اطول بعشرة سم وتركبها
3- او تروح محلات زينة السيارات اختصاص الدفع الرباعي وتدور المعاونيات الصفر اللي تخلي الوانيتات مرتفعه
اما بالنسبة للجهة الخلفية اذا كانت سست زيد لك ريشتين من من تحت يعني ريش صغيرة لانك اذا زدت الطوال اللي فوق صار مطبك جامد
واتمني افدتك

يالبى قلبك يابو فهيدان

الي عندي دفرنسين بارك الله فيك ... يعني سست قدام وبالخلف فالجلب ماراح تكون نافعة لجمسي.

اما اقتراحك الثاني فنعم الاقتراح ... لكن مدري اذا فعلا راح يرتفع الموتر معها او لا وكم مقدار الارتفاع

يعني يبيلها حسبه قبل لا اشتريها وماتؤدي الغرض والمطلب ( لكن ما اخفيك ان هاجسي لفتح هالموضوع كان

يصب حول مدار هالنقطة بالذات لانها فعلا اريح من زيادة السست ... الموتر وعر بسست شد البلد فوشلون

لا ركبت زود.

امتعنا بمرورك وارويتنا من منهلك العذب وشورك ماشاء الله عن شور عشرة رجاجيل.

[escape_man]

تطريق السست راح يرفعك أكثر من 5 سم... على الأقل 3 انش أو 3.5 انش.. زيادة سستة أو اضافة كعكات راح تقلل من رساوة الموتر وتزيد قوة المطب...
التطريق هو أفضل حل إذا ما عندك مانع 3 سم زيادة..
الرفع بهذا المقدار ما راح يأثر عليك بشكل كبير.. ربما يبين شكل الموتر أحلى والكفر ماليه.. بس لما تفكر برفع أكبر 4 انش أو 6 انش مثلاً.. راح تضغط على العمود.. ويتأثر معك الدفرنس ويكسر بنيون.. وكذلك تضغط على دودة الدركسون وتطلع خراباتها.. ولذا الأفضل عشان تتجنب المشاكل ذي كلها انك تاخذ لفت كت كامل.. من سكاي جاكر أو سوبر لفت أو بروكومب

هلا بالغالي رئيس رابطة البليزرات والجموس كلها

والله اني وانا اكتب الموضوع حاطلك ملاحظة وشكبرها داري انك بتشور علي فيها وقايلك مابي فورك لفت :)

اول شي مابه احد بيضبطه بالرياض واذا لقيت احد بيصلح جلدك بالقيمة وثالثا يبيله تغير جنوطه وكفرات لمقاس اكبر يعني حوالي 7500 ريال.

والتقويس سويته عن ورشة العيسى وعقب 6 اشهر رجع الموتر كماهووو مع اني ما اشيل عليه حتى جركل مويه.

وكلامك حول الخرابات يخوف مع اني اظن حتى لو ركبت فورك لفت راح اعاني من هالخرابات الي تقول..

كلها رفعة بدي ولا انا غلطان ياريسنا.

اشكر مرورك الي اسعدني جدا جدا ورزقك الله بالصحة والعافية ولا حرمت اجر مجهودك مع اخوانك.

[SilverSniper]

طيب حبيب قلبي..
شرايك بكعكات فولاذ تتلحم بين السست والدفرنس.. وتاخذ قفزان أطول من اللي عندك.. ترفعك 5 سم زي ما تبغى..بس يبي يتغير المطب شي بسيط لا يذكر.. وما عليك من الخرابات.. انت في أمان ما دامك ما تعديت 3 انش ( 7.62سم ) بس لو تبغى تتعدى 3 انش لازم تاخذ لفت كت آمن لك.. لأن اللفت كت يجي معها دوده دركسون ويجي معها صلبان خاصة للرفع.. انا ما أقول لك خذ لفت كت عشان اخسرك لأني عارف انها غالية.. لكن ان كنت تبي تشتغل... اشتغل صح والا لا تشتغل..
اللي يضبط لك شغلة الكعكات في الرياض.. عندك مركز الدفع الرباعي اللي في شارع العروبة.. قبال فندق الشروق.. قبل مستشفى العيون.. فلبيني ممتاز..

[escape_man]

بيض الله وجهك ياراعي المجمعة وعز الله انك ماقصرت

شورك وهداية الله .. نروح لهالفلبيني ونشوف الي عنده

بنعتمد كلامك ومانرفع اكثر من 3 سم :(

[طارق الحربي]

شكرا لكم

كنت ابحث عن مثل هالموضوع وطحت عليه بالصدفه :)

[escape_man]

حياك الله اخوي طارق

[escape_man]

ابشكرم

اليوم رحت لورشة العيسى .. قلت كان هرجته كسابقتها ( انت قول سوي انا يسوي)

ولكن الرجال هالمرة رايق .. انسدح حدري الموتر وافتر يمين وشمال ثم قهدني لاهل

السست وخذ سست خلفية لجمس وسست شيروكي امامي وركبهن وقال اضمن ارتفاعه

5 سم .. وفعلا كانت النتيجة كما قال.

الشكل طلع حلو ( اقنعني ) صار مرعب

مافي بفضل الله لا حرة ولا رجة لكن تحس الدركسون اخف شوي والهوى يلعب بالموتر.

دبلت المساعدات الخلفية .. 4 مورنو

وقدام 2 مورونو

المطب عادي ( ماجربته بالبر لهالحين )

ماعاد فيه بطناج ابد او اهتزازات غير مرغوبة

اكرر شكري لكل الشباب الي شاركوني شورهم والله لايضيع تعبكم ولا يحرمكم ثواب فزعتكم