المساعد الشخصي الرقمي

مشاهدة النسخة كاملة : يالربع طريقة تنزيل الكفر الاحتياطي لليوكن.......كيف؟


ALOTAIBI
18/01/2008, 12:32 PM
اسعد الله اوقاتكم بكل خير
اليوكن موديلة 2002
والكفر على الجنط وبلشان كيف اغير الكفر
الله لا يهينكم اصحاب اليوكن لا تبخلون علانا
انا في انتضار اردودكم
جوالة
18/01/2008, 02:53 PM
أخوي تحصل اللي تبي في كتيب السيارة اللي يجي من الوكالة
الدحبول
18/01/2008, 03:05 PM
الخوي أول شيء في عدة داخل السيارة في الصف الثالث جهة اليسار
مخفية يعني لزم تفك الصحن الديكور وتفك العدة
بعدين في الصدام الخلفي بجانب الوحة تلقاء غطاء اسود افتحة وتحصل فيه كالون مدخل لمفتاح
دخل مفتاح السيارة فيه وحركة إلى ان يفتحة يطلع مع المفتاح
بعدين ركب العصي السود ودخله في مدخل بعدين حركة إلى ان ينزل الكفر
إنتهى
أي خدمات حاضرين
تحياتي
ناوي نيه
18/01/2008, 03:08 PM
انا عندي جمس ونيت مدري عن اليوكن يمكن نفسه ركز معي
1-الوحه الي الورانيه جنبها على اليمين في غطا اسود افتحه
2- اذا فتحته لازم مفتاح السياره معك عشان تفتح القفل الي داخل اذا فتحته دخل المفتاح ولفه يايمين اويسار واسحبه بيطلع معك
3- فيه شنطه داخل السياره فيها جنب العفريته شنطه طويله فيها اصياخ حديد طلعها وركبها في بعضها
4- دخل الحديده واليور لف فيه الحديده لين تشوف الاستبنه تنزل .







واذا مافهمت مني راجع الكتلوج
ومعليش على الايطاله والفلسفه ....
ناوي نيه
18/01/2008, 03:10 PM
سبقتني مشاءلله عليك يا اخ (دحبول)
ابوسعيّد
18/01/2008, 03:58 PM
السلام عليكم
في الصدام الخلفي به بلاستيكه سوداء
تفتحها تلقى وراها دقمه مثل حقت السويش
تدخل بها مفتاح السويش اللي يشغل السياره
وتفره لليمين وتسحبه تطلع معك الدقمه كامله
تدخل محلها الحديده الطويله اللي تنزل بها الكفر
وسلامتك.
ALOTAIBI
18/01/2008, 03:59 PM
مرحبا جواله الكتالوج كله English
مشكور على مرورك اخوي
...............................
الدحبول الله يبض وجهك اخوي والله لا يهينك
...........................
ناوي نيه الله يعطيك العافيه وكفيت انت والدحبول
............................
بس المشكله اكبر من كذا .....
اذا كان المفتاح اللي تقولونه مهوب في الموتر
هذا اللي حصل مع راعي الموتر اليوكن من الربع حصل عله بنشر وقف ويحسبه مثل الجيب والا الهايلوكس وهو خابر انه ما معه مفتاح الاسبير
وانجبر انه يحمل الموتر في فرشه
وانا حسبته معقد ونزلت الموضوع حتى افيده وسوي علاه فاهم ههههههههه

على كل حال الله يجمل حالكم ويبض وجيهكم ولا يهنكم
والعذر والسموحه
عطارد
18/01/2008, 04:43 PM
بعد ما تنزل الكفر فيه قطعه مشبوكه مع السلسله يبيلك تفصل القطعه من وصلتها علشان تقدر تطلعها من الجنط بس يبيلك ركاده وتسلك امورك إنشاء الله وبالتوفيق