ترهيم رأس الدافور ..

[رحـ R ـال]

بسم الله الرحمن الرحيم




السلام عليكم عليكم ورحمة الله وبركاته






تحية عطرة وبعد ..



يا الله حي الجميع ..




الصراحة أن روس هالدوافير اشغلتنا :mad: .. ما لقيت شئ يعجبني ( البريموس ) يميع مفتاحه البلاستيك اللي تفتح به الغاز ..


والصيني صيني في حديده وفي اداءه ( ينعفط حديده إذا ركبت عليه قدر ثقيل )


والايطالي ينعفط بعد راسه الحديد اذا حطيت عليه شئ ثقيل ..




وترى هذا رابع راس اشتريه :(


فسمعت عن طريقه زينه وهي (ترهيمه) بحيث يلحم بلحام وشغل نظيف وثابت وتكون ناره قوية .. ودي اعرف الطريقه أو وين يصلح فيه في أي محل ؟


وميزة الترهيم الثبات و تكون ناره قوية بالحيل .. للذين يعشون قوة النار على الدافور



أدري أني طولت قرق بس اصبروا علي :j

[wewe150]

أشتر عيون عاديه وأشتر وصله(حنفية غاز) مثل حقت دبة غاز البيوت وأبشر بطول عمرها

[مارشال]

فيه طريقه جيده مرررررررره

اشتر عين بريموس تقليد ( صيني ) قيمتها في حدود 10 ريال
اشتر مفتاح ايطالي اللي ذراعه طويل شوي ومع مامه سنه كبيره
ركبهن على بعض على دبة بريموس وسلامتك ..........
هذا اقوى ماشفت ولا عندك شي يذوب

كل هذي الامور تلقاها في الديره مقابل سوق الزل من شرق عندك عدة محلات

[محلات الكشاتة الرئيسي]

فيه واحد بالروابي يصلح الي تبي وشكرآ
لايحضرني أسمه
الموقع شارع الزبير بن العوام حول مخابز القصيم
وشكرآ

[رحـ R ـال]

أشتر عيون عاديه وأشتر وصله(حنفية غاز) مثل حقت دبة غاز البيوت وأبشر بطول عمرها

مشوار اقعد كل طلعة افك واربط خاصة إذا كانت قصيرة شاهي وقهوه ..

الدافور على طول نزله وشب على البريق ..

على العموم متشكر أوي على إبداء الرأي ..

[رحـ R ـال]

فيه طريقه جيده مرررررررره

اشتر عين بريموس تقليد ( صيني ) قيمتها في حدود 10 ريال
اشتر مفتاح ايطالي اللي ذراعه طويل شوي ومع مامه سنه كبيره
ركبهن على بعض على دبة بريموس وسلامتك ..........
هذا اقوى ماشفت ولا عندك شي يذوب

كل هذي الامور تلقاها في الديره مقابل سوق الزل من شرق عندك عدة محلات

الله يعطيك العافية .. إن شاء الله أجرب هالطريقة

بس يقولون فيه طريقة تلحم ماصورة قصيرة بين العين وبين مفتاح الغاز !!

وتسلم على مرورك وردك يا الغالي ..

ولا هنت ..

[رحـ R ـال]

فيه واحد بالروابي يصلح الي تبي وشكرآ
لايحضرني أسمه
الموقع شارع الزبير بن العوام حول مخابز القصيم
وشكرآ


ايوه هذا اللي ابيه ..

الله لا يهينك وصف لي زود وين مخابز القصيم ووش المحل هل هو ادوات الرحلات او ورشة أو .... ؟!!


وتسلم يا خلفهم على المرور والرد ..

[مغامر]

رح لمحل ( البرية ) بشارع الزبير بن العوام
فيه واحد هناك اسمه ( أبو يزيـد ) يبي ينفعك

[رحـ R ـال]

وين فيه شارع الزبير بن العوام ..

وصف لي المحل بالضبط الله لا يهينك من عند مسجد الراجحي مخرج 15

ولك شكري وتقديري ..

[راعي القرينة]

أخوي القناص 96
طلبك تجده عند البرية للرحلات
وصفه : إذا تعرف مطاعم الهدوج بالروبي تخليه على يسارك وأنت متجه جنوب تجيك إشارة مرورية لف يمين مع الإشارة ثاني عمارة على يمينك

[برق بن رعد]

نريد وصف البرية من الدائري الشرقي الله يجزاكم خير

[عاشق الفيضة]

تراي تحمست معك يا مقناص لو أعرف بيتكم جيت لك ووديتك لمحل البرية
والوصف بسيط شف بارك الله فيك مخرج14 تلف معه ويكون أتجاهك شرق
يتهي الشارع بحرف T لف يمين أمش شوي تجيك أول إشاره لف يمين يجيك
محل البرية ثاني عمارة وتقبل تحياتي

[رحـ R ـال]

أخوي القناص 96
طلبك تجده عند البرية للرحلات
وصفه : إذا تعرف مطاعم الهدوج بالروبي تخليه على يسارك وأنت متجه جنوب تجيك إشارة مرورية لف يمين مع الإشارة ثاني عمارة على يمينك


يا سلام عليك ..

أشكرك يا الغالي ..

[رحـ R ـال]

تراي تحمست معك يا مقناص لو أعرف بيتكم جيت لك ووديتك لمحل البرية
والوصف بسيط شف بارك الله فيك مخرج14 تلف معه ويكون أتجاهك شرق
يتهي الشارع بحرف T لف يمين أمش شوي تجيك أول إشاره لف يمين يجيك
محل البرية ثاني عمارة وتقبل تحياتي


تسلم يا بعدهم ..

وانت لو إنك حولي كان حبيت راسك :)

خلاص اللحين بروح للمحل على طول قبل ما يسكر ..

متشكرين أوي يا عيال ..