الهدد او البرادو

[ولدزايد]

السلام عليكم اناياإخوان عضوجديد بالهمنتدى الطيب وابي رايكم بالتفصيل اذا ماعليكم امر انامحتار بين الهدد مستعمل 2006اوالبرادوجديد vx1اوvx2انتم عارفين الجديد علما اني راعي بر ولست راعي مقناص يعني طلعاتي للبر كثيرة واناراعي عائلة صغيرة يعني للسفرات وش رايكم باأخوان وشكرالكم.

[شقران نجد]

هلا بولد زايد .......

وحياك الله بين اخوانك

اخوي الغالي .....مافي مقارنه بين الأثنين انا بالنسبه لي جربت الهدد سنتين عز الله انه موتر خوي قلبك بالبر وخفيف نفس بالديره وان بغيت تاخذ ياخوي لا تاخذ غير الفل بونش ودوف لوك وفتحه وغيره لأنه ارغب عند البيع وزبونه والم ولا يطيح في سعره ومكينته 4500 والبرادو ما تلاقي زبونه على طول ومسك القيمه مو زي عطي الله الهدد ومكينته 4000 واذا بغيت تاخذ لاتتعدى الذهبي او الأبيض والراي لك وانا اخوك والله يوفقك ....

اخوك ابو نمر

[شمالات نجد]

والله الجديد أفضل إلا في حالة وحده بس إن كانك تعرف راعي الموتر المستعمل وهو محافظ عليه ونظيف

إذا خذيت برادو عليك باللي يجي فيه هدروليك أو لا تقربه لأن يذكرون أنه عليه خطر الإنقلاب بسهوله

الله يوفقكم ويرزقك اللي في بالك.. سلام

[راعي الجيوب 1]

هلا بولد زايد .......

وحياك الله بين اخوانك

اخوي الغالي .....مافي مقارنه بين الأثنين انا بالنسبه لي جربت الهدد سنتين عز الله انه موتر خوي قلبك بالبر وخفيف نفس بالديره وان بغيت تاخذ ياخوي لا تاخذ غير الفل بونش ودوف لوك وفتحه وغيره لأنه ارغب عند البيع وزبونه والم ولا يطيح في سعره ومكينته 4500 والبرادو ما تلاقي زبونه على طول ومسك القيمه مو زي عطي الله الهدد ومكينته 4000 واذا بغيت تاخذ لاتتعدى الذهبي او الأبيض والراي لك وانا اخوك والله يوفقك ....

اخوك ابو نمر
كلام اخي العزيز ابو نمر في عين الصواب بلا شك انصحك بلهدد فل كامل موتر خط وبر وخفه ولا ينزل من سعره ابد هذا بحكم تجربه سنه ونصف للجيب الهدد وقبل كل شئ لا تنسي صلاه الاستخاره ،،،
تقبل تحياتي

[سفاري فتك]

الهدد ارغب من البرادو في السوق
الهدد يمسك قيمته واوسع من البرادو ويتحمل كل شئ
خط ــــ بر ــــ عائلة كبيرة صغيرة مش مشكله

[كادر]

السلام
عليكم انا معي برادو فل كامل
لكن اشير عليك اذا فيه هدد فل نظيف لاتشاور خذه
تحياتي

[سيف الظفير]

هدد وانت مغمض والله يوفقك

[مكشاتي غير]

انا مجرب البرادو موتر ما عليه كلام

بس الهدد اوسع ومكينه اكبر يطربك

[ولدزايد]

الله يبيض وجيهكم وماقصرتوا بس ما أدري الهدد2006كم سعره ولقيت واحد 2007توماتيك وثلاجه ومكيفين فقط وما شي 25الف ذهبي الموتر نظيف بحدود 125الف ما ادري وش رايكم بسعره لاني ما عرف بسعرهن وشكرا.

[باترول 585]

السلام عليكم ..

يا اخي ولد زايد با الله محتار بين هدد وبرادو قل برادو وباثفندر ولا وفورشنر ولا وباجيروا
يعني مافيه مقارنه بين البرادو والهدد صح ان البرادو ممتاز بس الهدد احسن ولافرق وخذ هدد وانت مغمض
هدددددددددددددددددددددددددددددد

وشكرا

[ولدزايد]

المشكلة السعر يعني الهدد مستعمل بقيمة البرادو الجديد والهددنادر ينزل السوق واذاتاخذه خطبه غالي علشان كذا انامحتار.

[saad.saud]

السلام عليكم
وش جاب الثرى عند الثريا:no2:
هدد وأنت مغمض من كل النواحي
إلا إذا لك وجهة نظر وماسكة معك هذا شيء ثاني:confused:

[القبقب]

مجرب الهدد والهدد موتر بر رقم واحد مع النيسان باترول طبعا لكن له عيوب
في المدينة عيبه الاول يصرف بنزين صرف وثاني شىء ثقيل نوعا ما
وأنا ما استخدمه في المدينة الا أذا كان معاى أكثر من خمس ركاب
وأنصحك أذا كنت ترغب في الهدد أنك تاخذ معاه موتر صالون مثل الهوندا أكورد او الكامرى
بالنسبة للبرادو لم أجربه .وحاول قبل ماتشترى سيارة أنك تجرب قيادتها أولا
مع تمنياتي لك بالتوفيق .

[almoj]

شوف انا مجرب البرادو 2006 صحيح السيارة عمليه جدا" في البلاد وفي البر يعني موتر كرف ولاكن يعيبه الارتفاع والسعه

وبالنسبه للهدد شكله الخارجي احلى واوسع من البرادو ولاكن القوه والرفاهيه للبرادو مشكله الهدد صرفه بالبنزين فقط وهذا ماهو عيب كبير

ولاكن نصيحتي لك خذ الهدد واترك البرادو

[مقلع الرمث]

والله اخوي انا اقول ان البرادوا اخف بعدين الجديد قوو مكينته 4لتر تراه خفيف وفزته قويه مو مثل الهددر قومته ثقيله والله شفت برادو ذكاليوم يطلع نفود يالله تطلعه المرهمات بس اذا بغيت الشكل والنصبه والرزه خذلك هدد وعلى طاري مسك الدراهم التايوتا كله شيك بالمعارض ماااعليك

[سلطان بن محمد]

الهدد وأنا أخوك

أخو قلبك

[ولدزايد]

السلام عليكم ياأخوان انا مشكلتي الهدد مستعمل ماهوجديد يعني ماأدري وش اصادف من مشاكل اما البرادو فهو جديد وهنا الفرق وخاصة ياأخوان اني معي بافندر وتأذيت من مشاكله مره مسامير الثلاجه ومره نقص الزيت علشان كذاأنا محتار الجديد برادو ولا الهدد مستعمل وكرر مستعمل وليس جديد ولا الجديد كان ماشاورت ماهو قصور بكم ولكن مافيه مقارنة بين الجديد الهدد اوالبرادوالجديد.

[نيتروجين xp]

مثل ما قالوا الشباب ما فيه مقارنه . .

بالنسبة للهدد الي بتآخذ موديله 2006 ولا 2007 يعني يعتبر اخو الجديد

والله يخلي محلات الفحص بالكمبيوتر وكذلك شوف احد يعاينه ويشوف بطن الموتر جايه كرف ولا لا

حتى لو مستعمل ترى فيه فرق مع سيارة اقل منها ..

والهدد هو المرغوب بالسوق والله يوفقك ويرزقك إن شاء الله . .


بالتوفيق . .

[BigC]

السلام عليكم

على ما سمعت ان البرادو يتغير شكله 2009 ويمكن ينزل شهر 7 2008 اذا تحب تنطر وتشوف الشكل الجديد

بالتوفيق ان شاء الله

[جوالة]

عفوا الهدد هو الجي اكس آر ؟

[HAS5SAN]

الله يبيض وجيهكم وماقصرتوا بس ما أدري الهدد2006كم سعره ولقيت واحد 2007توماتيك وثلاجه ومكيفين فقط وما شي 25الف ذهبي الموتر نظيف بحدود 125الف ما ادري وش رايكم بسعره لاني ما عرف بسعرهن وشكرا.


من جدك أنت خذه وانت مغمض

[بيت طين]

عليك بالهدد اشهد بالله انه موتر ...

[مرعش هدب]

تقارن هدد ببرادو ما يبيلها كلام خذ عطايا الله وانت مغمض ...

[بيت طين]

كانك راعي بر اشتر قير عادي ابركلك من التماتيك التماتيك ياله يصلح علي الفكسار وبس....