اجازة 9 أيام .. وش راي أهل البر ؟

[SOMAN]

السلام عليكم ورحمة الله وبركاته

اشكر كل القائمين على هذا المنتدى الرائع مشرفين واعضاء .. وبالنسبه لي حصلت الفائدة والمتعه مع هذا المنتدى
حتى لو ماطلعت للبر ( ادخل مكشات وأحس اني بالبر )

بصراحة عندي اجازة آخر الشهر هذا لمدة 9 أيام ..
ونويت اني اطلع للشمال .. لأنه بالذات المنطقه اللي ماجيتها ( الجوف - الحدود الشمالية - تبوك )
هذه المناطق بالذات وبعد المطر والثلوج اللي جتها تخلي الواحد يتمنى يروحلها .. واتمنى من اعضاء مكشات يفيدوني عن المواقع الزينة اللي تستاهل الواحد يعنى لها .
مثل ( فيضة - وادي - شعيب - دحل - غار - مواقع اثرية ... الخ )
إن امكن وضع الاحداثية وكذلك صورة عن الموقع

ومشكورين ...وابدعيلكم بالسفر لان دعوة المسافر مستجابة بإذن الله

وابي اضيف شي .. وش آخذ معي احتياطاً مثل( ماطور هواء - خيمة - جهاز الثريا ....الخ )

[الخزامى 19]

ما ناقصك الا خوي شرواي ولا يهون الجميع ..

[عليمي]

خذوني معكم لو في الصندوق .............:d

[صقر البحيرات]

وعليكم السلام ورحمة الله وبركاته
تبي نصيحتي كوني من اهل عرعر
الإجازة اقضها عمره مع اهلك واستفيد من وقتك
المناطق المذكورة ونعم بها
بس احسلك اقعد بمحلك لما يجي الربيع والا القنيص (( وتعال يمنا )) الأوقات هذه تبي تستانس
اما الحين ............قاع بيضاء ...........وبرد يقص العظم
اتمنى اني قدمت لك الأفيد
اتمنى اني ما ثقلت عليك او عكرت مزاجك ....... سامحني
ودمت بخير وسلامة

[صقر البحيرات]

ازين موقع إذا تبي تروحله بس مخاطره واجد وخطييييييييير من كل ناحيه
( القريه ) بين عرعر ورفحاء
مواقع اثريه ... قلبان .... كهوف ......
لو اقولك حاجة يمكن الحين تمشي يمها
هناك كهوف تخرج هواء بارد إذا صرت امام فتحت الكهف يطير شماغك
وبعضها تسمع صبيب الماء وانت ما تشوفه ويخرج هواء بالصيف ( بارد ومثلج ) ما تقدر تقعد قدامه
واشياء كثيرة وعجيبه
وإذا تبيني اسولفها لك ما عندي مانع

[هاوي3333]

روح المنطقه الجنوبيه وشف الضباب والخضره والمناطق اللي ماتتصورها الا في الاحلام مع تمنياتي لك باجازه سعيده

[ابوعبدالله 2]

رح عند الوجار وشب الضو والزم محلك احسلك ترا هالبرد الي جانا هالسنه شي عجيب وخطير نسأل الله العافيه ودمت بخير وتحياتي للجميع

[خالدالعلي]

كلام صقر البحيرات هو الكلام رح مكة وخذ لك عمرة وتمش في جبالها واوديتها تمشية وعمرة واجر وخذ معك الاهل وسع صدورهم

[SOMAN]

الخزامى 19
عليمي
صقرالبحيرات
هاوي 3333
ابو عبدالله2
خالدالعلي

شكراً على مروركم

ابستخير ربي ان شاء الله .... واشوف وش الخيره فيه
بس انا هيضني تقرير مريوس قدام (صوربعد تراكم الثلوج وازدياد سماكتها (حادث شنيع-وذهول طائر) )
شرق طريف
ولايهون تقرير فارس الشمال (بعد عاصفة تبوك الثلجية ... فارس الشمال يهديكم اغرب الصور في السعودية)

[محمد الشاوي]

السلام عليكم ورحمة الله وبركاته

أخي الكريم

لم تذكر لنا هل أنت ذاهب برحلة شبابية ولا عائلية حتى نستطيع أن نفيدك

على العموم يظهر أنها عائلية ...

الشمال بما أنك راغب في الذهاب إليه فهو حقا يستحق الزيارة وفيه مناظر جميلة جدا

يكفي أن تسير مع طريق حائل الجوف الذي يخترق النفود الكبير

هذا بحد ذاته متعة كبيرة جدا وجميع المدن في الشمال رائعة ( الجوف عرعر تبوك وغيرها ... ) ولكن المشكلة هي تباعد هذه المدن والمسافة كبيرة لمن أراد الذهاب إليها جميعا

في دومة الجندل مسجد عمر بن الخطاب وفي الجوف قلعة زعبل وبئر سيسرا وفي تيماء بئر هداج ومنطقة تبوك تعج بالمناظر الخلابة والشواطئ الجميلة

جميع الخدمات متوفرة في كل المدن الشمالية ( السكن والمطاعم وغيرها ... )

وإن أردت البراري فحاليا ليس هناك أنسب من النفود الكبير لتوفر الحطب ولعدم وجود ربيع في الفياض والشعبان

أنا أؤيد أن تذهب إلى هناك مع الاستعداد الكامل للبرد علما أنه قد خفت حدته ولله الحمد

ولأي استفسار آخر ارسل لي رسالة على الخاص لأعطيك ماترغب من الاحداثيات

توكل على الله ولا تردد وأتمنى لك رحلة سعيدة

[أبو علي 444]

طيب والي يبي يروح مع شباب ..

وناوي على حائل؟؟

وش أفضل الأماكن بحائل

>>ماتلاحظون أني خاش عرض ....!!

ممكن تسمحلنا ياراعي الموضوع

[SOMAN]

يعطيك العافيه / محمد الشاوي

انا رحلتي شبابيه سيارتين لاندكروزر و4 شباب

بس انا شايل هم البرد

راجع بريدك الخاص

[محمد الشاوي]

يعطيك العافيه / محمد الشاوي

انا رحلتي شبابيه سيارتين لاندكروزر و4 شباب

بس انا شايل هم البرد

راجع بريدك الخاص

البرد لابد منه

ولذا خلكم حول النفود الكبير وسأرسل لك على الخاص بعض الاحداثيات

غدا إن شاء الله .

[SOMAN]

يعطيك العافيه على سرعة التجاوب

[مشاري1427]

رح لمكة خذلك عمره وبعدين ولا تنسى من الدعاء وبعد للمدينه المنورة واسفين على الازعاج