جزر فرسان ... يا فرسان مكشات الله لا يهينكم

[طخيمان]

السلام عليكم ورحمة الله وبركاته ...

يا جماعة الخير اتفقت انا وبعض الشباب اناا نروح لجزيرة فرسان ونشوفها ونصيد سمك ونغير جو

بس المشكلة اني ما ادري وش فيها ووش ما فيها وش طريقة دخول السيارات ووش طريقة الصيد ووو...

فودي منكم الله يجزاكم خير انكم تعطوني معلومات عنها وما ينوبكم ان شاء الله اللا الأجر والدعاء

[طخيمان]

40 واحد ولا رد !!!

[راعي-سفاري98]

انا العام مشيت من الكويت ورحت لجزيرة فرسان اللي اعرفه ان الشخص ابروحه عليه رسوم تقريبا 50 ريال واذا معاه سيارته ابلاش :d واللي سمعته انهم جابو عبارات جديده وذربه ودخلت الخدمه وشغاله والجزيرة فيها مناظر روعه والله وما من زحمه حتا في وقت الذروة انا رايح لها بسيارتي وفيها غزلان والجزيرة طبعا فيها حرس البيئة وبعد شنووو اممم ايه وانا انشاء الله تعالى شهر فبراير الجاي بروحلها

ارجو اني افدتك

[طخيمان]

أخوي راعي سفاري

الله يعطيك العافية بس يقولون العبارة دايم يكون فيها مشاكل ويمنعونك من الدخول

بس من ناحية السكن والشقق ورحلات الصيد وش الطريقة ؟؟

ومشكور وما قصرت

[راعي-سفاري98]

راح اكتبلك عن مشاهداتي العام ' قبل لا يغيرون العبارات اقدر اقولك ما في مشاكل يمكن مشاكل البزران خفيفه مره وكان موجود بالعبارة بوفيه وفوق كراسي العبارات الجديده اعتقد ماراح تكون هناك مشاكل لانها مطوره

من ناحية السكن صراحه لقيت مفروشات وسكنت فيها اب 200 ريال لليله

من ناحية الصيد صراحه ماني راعي صيد وانا متاكد وعلى يقين انه ممنوع الصيد منعا باتا لانه هناك دوريات وشرطة حماية البيئه تفتر ومعاهم درابيل

الله يوفقك

[طخيمان]

لا أخوي أنا أقصد صيد السمك :)

[راعي-سفاري98]

صيد السمك :d ايه عادي تصيد

ولك مني انك تقعد يم البحر كم ليله محد يمر عليك ولا احد داري فيك شرايك :)

[الخواجه]

هلا والله اخوي . انا رحت لها العام تقريبا في في ذو الحجه وكانت العباره الي ركبناها جديده وحلوه جدا والعباره الي في الجيه كانت احلا من الي جينا فيها واكبر واسرع برضو يعني في خلال ساعه وصلنا . اما بخصوص الجزيره هي حلوه وفيها مناظر خلابه اما من ناحية السكن كنا حنا عزوبيه ونمنا في الخلا على الشاطئ وشفنا فيها فندق يقولون انه زين لكن حنا نبي الوناسه . اما من ناحية الصيد (السمك) قابلنا صيادين من نفس الديره وهم يصيدون على البحر وشرينا منهم سمك وكان الذ سمك ذقته في حياتي . طبعا تبي تشوف طيور مثل البجع والوز والطير ذا ابو رجول طويله . طبعا لازم تحجز بدري من الي في مكتب الحجز في جيزان . ارجو اني افدتك وتقبل مروري.

[الخواجه]

نسيت السياره طبعا تقدر تاخذها معك ويركبونها في العباره في الدور الارضي وطبعا اثاء الحجز لازم تعطيه رقم لوحه السياره ونوعها وسلامتك.

[طخيمان]

الله يعطيكم ألف ألف عافية ومشكورين لكن بالنسبة للشقق العزابية ما احد عطانا خبر عنها

وعن العبارة ما هي طريقة الحجز ؟؟

ولكم مني أجمل تحية

[طخيمان]

يا جماعة الخير أنا أدق اليوم كله على الميناء (ميناء جيزان) ولا يردون علي

[الحرملى]

اتصل على 905واخذ رقم حرس الحدود واحجز قبل ماتمشى على العباره باسبوع يوجد فندق *****وهى تعتبرمحافظه كبيره وفيها اثار قديمه

[طخيمان]

الله يعطيكم العافية يا الربع ومشكورين على المجهودات

[الاريب]

http://www.farasan.org/

[بلاتين]

تروح وترجع بالسلامه ان شاء الله ويصير تعطينا علوم الجزيره وبالتوفيق ان شاء الله..
تحياتي..

[الطرفيه]

هلابك طخيمان
انا رحت لمها بنص العطلة الصيفية وصلنا جيزان وحجزنا من مكان قريب من الميناء لحجز التذاكر وقالولنا فية رحلتين يوميا لفرسان الصباح والظهر وكذلك العودة طبعا رحنا حنا وسيارتنا مجانا ومن يوم مشت العبارة الى ما وصلنا ثلاث ساعات
جينا بوقت ذروة لم نجد سكن والسكن الموجود عوائل فقط والجو حار جدا ورطوبه تصلخ ماينام بالخلا وحنا عزابية ولقينا قهوة وخذنا غرفه 80ريال
أما الغزلان فهي أول ماتطلع من العبارة وتعدل الخط تجي يسارك مطينه لقرية أم قصار قريه مهجورة اذا صارت بيسارك القرية أطلع يمين تلقي الغزلان اما مراح الغزلان فهو بنفس القرية
ويوجد بجزيرة فرسان مواقع أثرية كالقلعة العثمانيه وغيرة
أما صيد السمك بي مكان يعجبك وقف وصد وأكبر قري جزيرة فرسان قرية فرسان
ونصيحة لاتروح لمها بوقت الصيف لأنها حر ورطوبه غير شكل رح لمه بعز الشتاء
واتمني أني أوضحت بعض الأمور عنها

[طخيمان]

مشكورين يالربع

وبالنسبة للروحة ان شاء الله بتصير في إجازة بين الفصلين

[أبن طيبة]

السلام عليكم ورحمة الله وبركاته

أخي وفقك الله جزيرة فرسان

الذهاب أليها في هذه الايام جميل جدا خلاف الصيف الحار
في الصيف الماضي ذهبنا لجزيرة فرسان عن طريق العبارة
التي أستئجرتها الدولة حفظها الله للمواطنين رحلتين يوميا صباح وفي وقت الظهيرة
واخذنا معنا السيارة بكل مافيها من أغراض والعزبة وكان هناك تفتيش على أغراض السيارة
في الذهاب فقط الى الجزيرة
وعندما نزلنا من العبارة بسيارتنا سلكنا الطريق المتجة للمدينة وثم بحثنا عن سكن طبعا
السكن قيليل وللعوائل وهناك شالية على البحر وجدنا به غرفتان منافعها حوالي 1000 ريال
وقررنا النوم في الجوء الهادي الحار وتحملنا
وهناك مواقع ذهبان لها في اليوم التالي في الجزيرة جميل جدا وخاليه
وتمنينا العودة للجزيرة والذهاب لها
وهناك صور في جهازي للجزيرة
وهذه أحدى الصور

http://www.raff3.com/thumbs/6cc837581e.jpg (http://www.raff3.com/uploads/6cc837581e.jpg)

[أبن طيبة]

http://www.raff3.com/uploads/6cc837581e.jpg (http://www.raff3.com)

[أبن طيبة]

http://www.raff3.com/download.php?filename=374fdb8203.jpg

[أبن طيبة]

http://www.raff3.com/uploads/83b9a80b7b.jpg (http://www.raff3.com)





http://www.raff3.com/uploads/b71a0b0ed1.jpg (http://www.raff3.com)




http://www.raff3.com/uploads/39bf27dc6b.jpg (http://www.raff3.com)

[طخيمان]

ابن طيبة

مشكوووووووووور ألف شكر والله يعطيك العافية ووالله ما قصرت