مشكلة في الباثفندر ... هالمرة في المكينة

[بن محفوظ]

االسلام عليكم ورحمة الله وبركاته

ظهرت لي مشكلة في الباثفندر الاربعاء الماضي ...

وهو صوت طلع في المكينة ... طقطقه ..

كنت امشي في الدائري ونتع الموتر نتعه بسيطه .. وكانت السرعه 120 كم

الصوت يزود مع الدعسه .. والمكينه مافيها رجه .. والتشخيص الاولي يقول أنها في البلوف ..

مما يعني أنه لازم تفك وجه أو راس المكينة لاصلاحها ..

اذا أحد منكم مرت عليه قبل نرجوا يفيدنا في الحل الامثل + الورشه الممتازه

وأنا رجال ما احب الوكالات ... موديل الموتر2004 م

وجزاكم الله خيرا

[التسعاوي]

هلا اخوي
والله انا ماعندي فكره بس بالنسبه للبلوف تراه تازن نفسه تماتيك يعني مايحتاج تازنه عند ورشه.
وإن شاءالله يفيدونك الشباب.

[ق ب م 632]

يمكن فعلا يكون وزن بلوف






بس اخوي انت من وين؟؟







اذا انت من القصيم رح لورشه بصناعيه عنيزه اسمها ((ورشه الموسى))والصراحه فاهمين بالباث وانت اذا رحت تبي تشوف باثفندرات عنده وسعره زين مهوب غالي









اخوك
ق ب م 632

[شروكي ربع]

اذا كان الصوت وانت واقف كأن الموتر ديزل ..



فهو من جنزير صدر المكينة الاول , قبل فترة مغيرينه لباث 2005



و تاكد من الورش قبل ..



ومشكلة الباث ان الميكانيكيين يخافون منه مدري ليش ..



يعني مو اي واحد يقبل يصلحه ..



حاول لا تمشي عليه وده الورشة باسرع وقت حتى لا تخرب عليك طرمبة الزيت وتبلش ..

[بن محفوظ]

أخوي ق ب م الله يجزاك خير وانا من اهل العاصمة ...

شروكي ربع ... معلومة ممتازه لكن ودي اسألك ... كم كلف اذا تذكر الله يحفظك .. كذلك ودي تنصحني بورشة

[ربيعي1]

هل بالغالي انا مثلك حصلت لي المشكلة وانا في البر وفكيت راس الماكينه طلعت مسامير الثلاجة طايحه في الراس وهوماسبب صوت مزعج وطقطقة وغيرت طقم بلوف مع بستم غيرته لانه حاس البلوف وبستم واحد واما البلوف فهي اكترونيه لاتوزن عند اي مكانيك بل لابد من كمبيوتر والسيارة كلها حساسات وضبط معي بس بقى عندي تفته بسيطه ابروح اصلحه عند مركز كمبيوتر بس تاكد قبل ذلك لان القطع يالله حصلته نصفها طلبيه والله يعينك موديل 2003

[ولد وايل]

اخي الكريم اذا تبي ورشه يخاف الله راسلني عالخاص وكم ماشي موترك يمكن اكثر من 100الف قد يكون جنزير المكينه يبغاله تغيير اذا عندك الكتالوج تاكد من كلامي

[abdulrhmank]

عندي نفس المشكلة وانا وضعت مشكلتي في نفس هذا المنتدى اليوم ....ولكن اعتقد والله اعلم انه مشكلة بسيطة ....في نظري ليش ؟؟
لانني ماشي عليه اكثر من عشرة الاف كيلو ...خلال الاشهر الماضية ولم اجد اي مشكلة الا فقط في صوت الطقطقة .... طبعا سيارتي ماشية 280000 موديل 2001 باث فندر .....

[بن محفوظ]

الله يبارك فيكم ...

أنا حطيت موتري عند ورشة ( كتشخيص مبدئي ) بعدين بشوف من يصلح المشكلة زين ..

وقبل فترة فيه أحد الاعضاء نبهنا على مشكلة مسامير الثلاجه .. لكن غفلنا عنها ..

[yaserx]

[quote=ق ب م 632;1362257]يمكن فعلا يكون وزن بلوف






بس اخوي انت من وين؟؟







اذا انت من القصيم رح لورشه بصناعيه عنيزه اسمها ((ورشه الموسى))والصراحه فاهمين بالباث وانت اذا رحت تبي تشوف باثفندرات عنده وسعره زين مهوب غالي








وينها فيه ( بأي مكان بعنيزة) ... ورشة الموسى ...؟؟

[جبل حبشي]

هل بالغالي انا مثلك حصلت لي المشكلة وانا في البر وفكيت راس الماكينه طلعت مسامير الثلاجة طايحه في الراس وهوماسبب صوت مزعج وطقطقة وغيرت طقم بلوف مع بستم غيرته لانه حاس البلوف وبستم واحد واما البلوف فهي اكترونيه لاتوزن عند اي مكانيك بل لابد من كمبيوتر والسيارة كلها حساسات وضبط معي بس بقى عندي تفته بسيطه ابروح اصلحه عند مركز كمبيوتر بس تاكد قبل ذلك لان القطع يالله حصلته نصفها طلبيه والله يعينك موديل 2003
تأكيد لكلامك زميلي عنده موديل2004 وحصل نفس المشكلة وفك المكينة ولقي فيها برغي طايح وغيروا قطع بالمكينة وكلفه 5000ريال ...

[معي باثفندر]

سبب خوف الميكانكين من الباث هو وجود مسمار براس المكينه في فكه بشكل غير صحيح يكسر الراس معلومه جات من ميكانكي والله اعلم والعهده على الراوي