ماهي مسببات ارتفاع الحرارة للجيب السفاري

[اسير المحبين]

بسم الله الرحمن الرحيم
مساء الخير يا الغالين انا عند واحد من اصدقائي عنده جيب سفاري ترتفع الحرارة اذا شغل المكيف ولا يدري شنو يسوي ما ادري شنو السبب هل اهي سيور ولا شي ثاني ارجوا يا الغالين الرد يكون سريع تكفون
لان الرجال بصراحه تعب مايدري شنو يسوي .

وكلي رجاء خاص منكم يكون الرد با اللي تعرفون

[مكشات]

أخي اسير المحبين
لإرتفاع درجة الحرارة عدة أسباب منها :
1 - إرتخاء سير المروحة ..
2 - وجود خلل في أوتوماتيك المروحة ..
3 - تسدد مجاري الإديتر الداخلية أومجاري الماء في الماكينة أو كليهما ..
4 - تسدد فتحات الإديتر الخارجية ..
5 - وجود عائق يمنع وصول الهواء للإديتر ..
6 - وجود خلل في بلف الماء ..
7 - وجود شعر في رأس الماكينة ..
8 - إحتراق وجه رأس الماكينة ..
9 - إنسفاط خرطوش المياه العلوي عند سحب الماء للماكينة ..
10 - وجود طعج في مواسير العادم ( كنداسة السيارة ) ..
11 - وجود خلل في كمبريسور المكيف كثقل دورانه مثلا ..
.................
هذا مايحضرني الآن :)
المطلوب هو عمل فحص لكل ماسبق ذكره بدءا بالأيسر منها ، متمنيا ان تنتهي مشكلة الحرارة ..
تحياتي لك

[Bader-M]

ادخل هذا الربط
يمكن يفيدك
هنا (http://www.mekshat.com/vb/showthread.php?s=&threadid=8553)