اللاندكروزر ..ايهما تفضل

[بن ذيب]

اخواني اعضاء المنتدي المحترمين

هذا موضوع دار علية نقاش حاد بيننا في الدوانية ولم نصل نتيجة ( كعادة العرب )

بس عسى ما يكون قد سبق طرحة حتي لا يكون مكررا

ايهما تفضل اللاند كروزر قصة اللكزس ( ليت خلفي عريض)

ام القصة القديمة ( ليت خلفي عادي)

بالنسبة لي افضل القصة القديمة لاني اراها مناسبة للبر

اما قصة اللكزس ارى ان الجيب يكون فخامة وثقيلا ولايصلح للبر حدة الديرة.

ادخل وشاركنا رايك...............

[الدبل الثقيل]

انا معك ياخوي ان القديمة افضل في الشكل وفي البر...
من ناحية الشكل الصراحة خلفية اللكزس احلى لكن يوم انتشرت عندنا السعودية من موديل 2000 صارت بايخة لأن كل الناس طايحين فيها..لذلك اشوف القديمة مميزة بينها ورجعت هي الأحلى..
ومن ناحية البر القديمة افضل لأن الأستبنة في الظهر.. ولو كانت تحت بتحك في المطانيج البرية خصوصا الكفر العريض لأنه واطي..
وجزاك الله خير...

[طيـــ بر ـــر]

مشكلة الاستبنه الخلفيّة ..... انها بعدين ترجّ ... وتقرقع .... وتسوي ازعاج ...

[المري]

يالربع انا مع اخوي طير بر

الاستبة اللي في الظهر والله انها عله وتقرقع اما اذا صارت تحت ومن ورى ماهو

بابين (( صفاقين )) يعنى يكون شنطه فهذا احلى شي لان الشنطه ماتسمع لها


قرقعه ولا صوت.. مجرب .


اخوكم /المري

[طالبان]

جيب الربع أخف ..

[المترو]

السلام عليكم ورحمة الله وبركاته

اشارك برأي ومن واقع خبرتي وقد تختلف من شخص لاخر لكن انا افضل السبير يكون خلفي لعدة
اسباب منها 1- مكان للتانكي تحت الموتر -2 حماية للسيارة من الخلف لانه بصراحه واحد صدم بسيارتي من الخلف وجت سليمه بغطاء الاستبنه
3 الاسبير السفلي يدق بالرمال والحصاء وخاصه لمن هو راعي بر وعثاميرو نفود وجلد حتى انه احد الاخوان قال انه طاح الاسبير عليه وهو ماشي لانه قاعدته ماهي قويه
4-سهولة فكه وتركيبه عند البنشر (تعلق الذبيحه فيه انا شخصيا مسوي قاعده بنفس قاعدة الكفر لتعليق الذبيحه وكذلك لانتل الراديو
5-ممكن تدبل الاسبير الخلفي تربط كفرين بنفس القاعده الخلفيه سويتها بالرع الخالي
وهذا كله شيء والشنطه شيئ ثاني لانه الابواب ما تنفع تقرقع وسريعة التلف وخاصه الجلد للابواب الخلفيه
الشء الوحيد الي عاجبني فقط فقط خلفية الاسبير السفلي استب خلفية اللكزس فقط

وتحياتي للجميع

[بن ذيب]

الاخوة الاعزاء

الدبل الثقيل
طــيــ بر ـــــــــــر
المري
طالبان
الرحال2003

يشرفني مروركم علي موضوعي المتواضع

وابداء ارائكم القيمة، جزاكم اللة كل خير

ولكم تحياتي.............

[mohamad1121]

الاخوه الافاضل
مع التحيه
راعي البر يرفع السياره من الامام والخلف ، ولايهمه فاذا شال الاسبير او شرى السياره اسبير تحت واحتاج الى مكانه كترهيم فيضع تانك اشد واخطر في حال ان السياره تعرضت الى ارتطام مع السرعه في صخر فهي تكون قابله للاشتعال .
ويكفي ان السيارت الفل كامل تأتي بأسبيرين (ليس للعلاج ) انما كفرين احتياط وهي تتميز (هذه السيارات) بالسعر الاغلى فالترهيم لايكون مفيدأ في احوال كثيره.

ـــــــــــــــــــــــــــ رأي شخصي ــــــــــــــــــــــــ



ابوكاسر