وش حيلت اللي صابته رمية الهديف (تجميد)

[عبدالله العمير]

السلام عليكم


وش حيلت اللي صابته رمية الهديف
خويك صويب طايح تنزف طعونه

مما جرى لها يطلب النجد والتسعيف
عيونه تخونه لين ما باح مكنونه

صويب الغزال اللي رعى عالي التنيف
في مرتع عسر على اللي يرودونه

غرير حسين الوصف ومكمل التوصيف
نذير يصون العرض واهله يدارونه

تبعد يميل الصيد شم الهوى طريف
وارموا مكانه وين كانوا يحيدونه

لو كان رماين على شارته هديف
على الشلش ولا تركد على هونه

كلمات/ سمو الشيخ.. محمد بن راشد آل مكتوم

http://www.kashtah.com/4images/data/media/4/DSC_0045.jpg

الوقت ماكان هوا الوقت النموذجي
بحيث ان التصوير تم الساعة 2 ظهرا
والوقت الانسب هو بعده بساعة الى ساعة ونص
ولكن مابغينا نصيف على ربعنا بالغداء:p
واستعجلنا بفكرة الرحلة وهي تجربة التصوير السريع(الأكشن)أو (التجميد)

طبعا يساعدك كامصور هذا الوقت باختيار سرعة غالق عالية تساعدك على تجميد الظرف الفارغ
وايضا يعطيك مجال باستخدام فتحت عدسة مناسبة نوعا ما
وهي :7.1
بحيث ان هالخيارين هما ما اعطاني النتيجة الأفضل

ملاحظة: السلاح المستخدم سلاح مصرح
والمنطقة التي تم بها التصوير منطقة معزولة

نقدكم وتوجيهكم مانستغني عنه يالربع

[العميد ابواروى]

والله قمة .. في الدقة.. والتجميد
تسلم يابو عابد على هيك شغل


وين الإطار؟
.
.

[( برى بحرى)]

ما شاء الله تبارك الرحمن

رائع استاذى عبدالله

تجميد رائعه للحركه

ومن ثم السلاح البنللى يساعد هههههههههه

تحياتى لك وللعمل الجميل

[عبدالله العمير]

تسلم والله يابعدي يابواروا
وهذا من ذوقك يالغالي

والمهم ان تكون الصورة قدم المقام ياطويل العمر والله

-----------------

بري بحري

هلا وغل ومراحب كبار

تسلم على لاطراء

وانا مادريت ان البندق اخشابها سوداء ولا كان جبت بندقي اتوقع تكون احلى

لكن العوض ولا القطيعة :)

[abu yaser]

روعة سلمت يداك

[عبدالله العمير]

الله يسلمك والله يابوياسر
وهذا من ذوقك والله

والروعة مرورك وثنائك

[ابوالجازي]

السلام عليكم
صوره رائعه ياعبد الله العمير
ذكرتني بصوره قد صورتها مماثله

http://www.saqar.com/vb/uploaded/299_1200779815.jpg

لاهنت وبيض الله وجهك
والقلوب عند بعض والافكار متشابهه

[عبدالله العمير]

اف اف اف

والله صورة خلابه

ويعلم الله انك فتح مخي لفكرة خلابة

يعني ماطرت ولا واحد بالمية هاللقطة بخاطري

تسلم يمينك والله وان الله اراد نبي نعيد على مثل رميتك

[قرناس نجد]

صورة فوق الخيال تسلم اخوي عبد الله

[ابوجرحين]

الصراحه
تصوير رائع
تجميد رائع
كلماتك رائعه
موضوعك كله بالنهايه رائع فوووق رائع
مشكووور اخوي الموضوع لايحتاج اي تعليق
اخووكــ
ابوجرحين

[فل اوبشن]

ماشاء الله عليك مبدع دائما اخي عبدالله لاتحرمنا جديدك ..

[الحسن القاضي]

عبدالله العمير.
فنان من طراز نادر.
ومدرسة قائمة بذاتها في عالم ازدحمت فيه مدارس العدسات.
سيدي أنا هنا كي أرفع لك القبعة.
من أجل كل هذا الجمال.

[الرجم العالي]

:good: :good: ممتــازه :good: :good:

بارك الله فيك والله يعطيك العافيه ..

[فتى الدهناء]

رائعه .. ماشاء الله
ماجربتها أسود وأبيض وزيادة تباين ..

متابع جديدك وفقك الله

[بلاتين]

صورة رااااااااائعه تسلم يمينك على هل صوره ...

تحياتي ’’’

[راعي الناوي]

فكره حلوه وتصوير احلى الله لايحرمنا من إبداعاتك

[أبومنصور]

رائعه بحق اخي عبدالله

[Falcon7]

عمل في غاية الروعه يا اخوي عبدالله

تسلم يمناك و الله يعطيك الصحه و العافيه

تقبل مروري و لا تحرمنا من جديدك

[مقدور]

اخوي عبدالله مبدع بصراحه

لكن ملاحظ فيه تشويش خفيف وخاصة عند الصفره مادري هو من نفس التصوير وسرعة الغالق؟ والى ابو قزال دخنته واجد؟

ولا تهون صورة اخوي ابو الجازي بصراحه ابداع

واستمتعنا باللقطات الجميله

[عليان الليل]

مادراشوف البندق..
مادري اشوف الفشق
مادري اشوف الجونتي
لالا النظارات لحاله....
فنان يابو لينا فنان

[عبدالله العمير]

قرناس نجد

تسلم والله يابعدي والله احرجتني بكلامك الجميل

----------------------------

ابوجرحين

هلا ومسهلا بالغالي
ويابعدي والله على الاطراء الجميل

وشهادة اعتز بها من كل قلبي يالغالي

[ابوعدي]

ما شاء الله تبارك الله على دقة وسرعة التجميد
مشكور على الابداع
ولكن صورة ابو الجازي اوضح والكل رائع

[ابو مشعل 1]

ماشاء الله تبارك الله

ابداع x ابداع

وتسلم ايديك

[الوشاح]

شغل عدل يالأزرق
الفكرة والتنفيذ روووعة
التشخيصه ووقفة الرجال محترمة
لاكن فيه شي شدني اكثر
السوبر بنلي مشاءالله تبارك الله
بندق محترمة
لاكن اكيد مصرحه
اخبرك تقول ماحب اصرح اسلحتي :D

[(محمد العبري)]

صورة غاية في الإبداع جميلة جداً
رافقها درس خفيف سهل الهضم
تحياتي لك على هالفكرة الرائعة
كذلك اعجبتني كثيراً صورة الأخ ابو الجازي فله التحية والتقدير
وليته أفرد صورنه في موضوع مستقل حتى تأخذ حقها من الثناء والإشاده اللتي تستحق وينوه على انه على موضوعك وسبب ادراجها
تحياتي لك وتحياتي لأبو الجازي وللجميع

[عبدالله العمير]

الله يحفظكم يااخواني جميعا وتسلمون على ثنائكم واطرائكم جميعا

وهذا غير مستغرب من اخواني الغالين

وبخصوص الالوان الاحادية والله كان ودي لكن كانت بالألوان ابلغ بحيث يظهر الظرف الفارغ اكثر

ولا انا احبها بألوان السيبيا

والتشتيت امام فتحت الظرف الفارغ هذا غبار الفشق ماهوي تشويش

سلمكم الله ياخواني وبارك الله فيكم

[عشقتك يامكشات]

ماشاء الله تبارك الله

رائعة من روائعك الكثيره

وان شاء الله اطبق الفكره

[جلوبلستار]

إبداع بلا حدود .. أقل ما يقال عن الصوره .
وبعد اذنك سويت ( لمسه ) بسيطه على الصوره .

http://www.ab4u.net/ab4u/images/jhh.jpg

[فيصل الضويحي]

اعتذر عن تقييمي لهذه الصوره

انت اعلى من ان اكون انا من اقيميك

لاكن ما اقول الا ماشاء الله تبارك الله

موفق اخي عبدالله

[عبدالله العمير]

سني

مرحبا مليون
وتسلم يلغالي
ويسعدني ان الصور تليق بمقامك والله

ويالله عاد ورنا فنك بس انتبه لاتكون قدام البندق:)

--------------------------

جلوبلستار (http://www.mekshat.com/vb/member.php?u=2354) http://www.mekshat.com/vb/images/statusicon/user_offline.gif
مكشاتي نشيط


يابعدي والله يالغالي

وهذا من ذوقك يالطربى

وتسلم على الهدية الطيبة من رجال(ن) طيب وغالي

-------------------

فيصل
ياخي لاتخليني طارق ريري وتنفخني زووود

الا انقد وانقد ان اقل شي عطنى وش يجول بخاطرك علشان الأفكار تتوارد

وبعدين انت راعي الأولة يعني مالي فضل :)

[الحضري]

مبدع ياعبدالله

بصراحة صورة فيها قوة :) لاهنت ياغالي

[alturki]

مبدع ياعبد الله

وفي الحقيقه ابو الجازي لقطته اكر صفاوه

[االديحاني]

بداع لايعلى عليه

[حب الوطن]

اخي ( عبدالله العمير ) وش حيلت اللي صابته رمية الهديف ,,,,,,,,,, انا اقول

وش حيلتك انت مالك حيله تميز في تميز ماشاءالله عليك وكفو والله لقطه خنفشاريه:D

اخوك / حب الوطن

[No.1]

اسمح لي بسؤال واحد ما يعرف في التصوير شي

وش يعني تجميد ؟
وهل الكاميرا تفعل هذا ام ان برامج كالفوتوشوب لها دور ؟

سؤال ثاني واخير
ما نوع الكاميرا التي التقطت بها الصورة ؟

اخوك

[عبدالله العمير]

يابعدي والله كلكم

احرجتوني والله
وهذا من ذوقكم ودعمكم ونقدكم البناء

ونجي لمعنى التجميد اخوي الغالي

التجميد باختصار شديد هوا اظهار الهدف المتحرك بشكل ثابت او جامد وبحدة ووضوح مقارب لماهوا ثابت بالصورة اصلا

ويتم ذالك باستخدام سرعة غالق عالية

باختيارها يدويا باي كاميرا ويكون الرقم عالي مثل 1000/1
وبكذا تقدر تصور سيارة مسرعة او رجل يركض ويكون واضح المعالم

هذا باختصار شديد جدا :)

والكاميرا المستخدمة هي نيكون d80
واي استفسار اخوك حاضر بالي تبي

[النداوي HZ2AF]

فكرة جميلة أن شاء الله راح أجربها
لكن ليه ما أستخدمت فشق أزرق اللون كان تضبط
الفكرة أحسن تقبل مرور أخوك أبو عبدالله

[عبدالله العمير]

هلا وغلا فيك اخوي ابوعبدالله

وتسلم والله يابعدي على الكلام الطيب

وعليك بالتجربة وابشر بالنصح

والفشق هذا له سالفة

كانت التجربة الأولة بفشق كان اسود وهو الي كان متوفر معي

وخويي ملزم على فشق ابوغزال

ومشكلة ابوغزال مع البانلي مشكلة

كثير التعليق

لكن بتوقع الخوي ان وقعه على القلوب يكون اكثر بحكم انه الفشق الاقدم وله صولات وجولات مع الناس

وكان هذا العمل

وباقي اعمال ان شاءالله تعجبك راح انزلها بالقريب العاجل

[بندر النويشر]

رائعة عبدالله وأسجل إعجابي بها مرة ثانية لكن ليش ماأعطيت مساحة للكادر من جهة اليمين لإظهار سبطانة البندقية .
ودمت بخير وعافية .....

[الفهد11]

كلااااام يابو عمير الصوره

تسلم يديك يامبدع

تحياتي لك .

[عبدالله العمير]

هلا وغلا بندووورة الغالي

والحقيقة ماحبيت ان يكون هنالك اكثر من موضوع فلو اظهرت السبطانه راح احتار وين يكون التركيز
على السبطانه او على الفشق او على الشخص

وراح يكون هنالك عزل لاحدهم ماراح يكون بالشكل النسب ولو وضعت فتحة عدسة ضيقة راح تقل السرعة ولو رفتع السرعة راح تعتم الصورة اكثر

حاولت والله كثير لكن ابشر بعزك ان الله اراد ابعيد المحاولة ونحاول نشوف النتائج

-----------------

تسلم ولله يالفهد

والحمد لله ان الصورة اعجبتك والله

[ابو خضير]

من زينيييييييييييييييييك؟؟؟؟؟

[عبدالله العمير]

هههههههههههههههههههههههههههههههههه

يعني لهدرجة مشتب تبي تشوف صورك

ههههههههههههههههههههههههههه
ابشر بعزك يابومحمد وابفاجئك بوحدة ماهي على البال:)