المساعد الشخصي الرقمي

مشاهدة النسخة كاملة : ابي اركب بطارية إضافية وش الزين من ...


ظنى مرزوق
20/01/2008, 01:36 PM
السلام عليكم ..

بصراحة ودي اركب بطارية إضافية ومحول كهرب على موتري سفاري ولا ادري وش افضل شيء من النوع للبطارية وكذلك الورشة، مع العلم ان فيه ورش تركب مثل السوافي لكن ما ادري عن الاسعار والشغل .
فلا تبخلوا علينا بالمشورة ..

ودمتم
عاشق Vtc 4800
20/01/2008, 09:48 PM
ياشباب أفيدونا الله يجزاكم خير ...


لاتحرموننا من خبرتكم ...
تميراااااااوي
20/01/2008, 10:14 PM
مساكم الله بالخير
البطارية والكتاوت مع التركيب عند السوافي يبدأ من 850 ريال
المحول ب550 ريال
وقد قمة بتركيبها عند السوافي ولها سنه من أفضل مايمكن
والآن أركبها على سيارة أخرى
مع خالص التحية
دغيم1
20/01/2008, 10:40 PM
السلام عليكم ورحمة الله وبركاته

حياك الله أخي الكريم

بالنسبة لتركيب بطارية إضافية ومحول يجب عليك الذهاب لكهربائي جيد

لأنك تعرف أن التوصيلات الكهربائية في السيارة خطيرة جدا .

وهناك ورشة في صناعية العاصمة ( الدائري الغربي )

أسمها - سندباد الشمال - شرق جنوب المسجد .

تعمل على إضافة بطارية وهناك مهندس سعودي جيد

تمنياتي لك بالتوفيق

دمت بخير
برق بريده
21/01/2008, 12:02 AM
انصحك اخوي با النسبه لاالبطاريات بطاريات با قادر
ميهاف
21/01/2008, 03:27 AM
شف فيه العثيم ببريده شغله نظيف ورخيص ياخذ 200 على تركيب البطارية وبالنسبة للبطارية اي بطارية بس المهم انه تكون ام اصابع (تعبى ماء)
راعي الجكس
21/01/2008, 10:58 AM
مساكم الله بالخير
البطارية والكتاوت مع التركيب عند السوافي يبدأ من 850 ريال
المحول ب550 ريال
وقد قمة بتركيبها عند السوافي ولها سنه من أفضل مايمكن
والآن أركبها على سيارة أخرى
مع خالص التحية
السلام والرحمه
اخوي انا مشتري المحول ب25 ريال من محلات فورد قله كتاوت وشف شكله وطبقه مع ابو 500 لاكن ماذكر وشو كتاوته بالظبط بسال واعلمك انشالله وشغال معي ري الفل
صاروخ
21/01/2008, 11:12 AM
يا الربع هل يوجد ورشه ( ببريده ) عندها كل مستلزمات البطاريه الاضافيه يعني اوقف السياره ساعه ونصف واخذه جاهزه .

يعني يصلح لك كرسي للبطاريه و عنده المسمار الطويل والعارضه اللى فوف البطاريه بالاضافه الى الدقمه والتوصيل أو لابد من الذهاب للحداد وقطع الغيار ثم الكهربائي .
Mohammad
21/01/2008, 01:28 PM
يا الربع هل يوجد ورشه ( ببريده ) عندها كل مستلزمات البطاريه الاضافيه يعني اوقف السياره ساعه ونصف واخذه جاهزه .

يعني يصلح لك كرسي للبطاريه و عنده المسمار الطويل والعارضه اللى فوف البطاريه بالاضافه الى الدقمه والتوصيل أو لابد من الذهاب للحداد وقطع الغيار ثم الكهربائي .

الذى اعرفه كل شىء على الورشه ...ولكن انا لست مقتنع بالسعر بطاريه 200 ريال كتاوت 100 ريال وشوية اسلاك ويطلبون قريب او كثر من الف ريال! هذا اذا ما كان الشغل غير ثقه!
قرقس الكشتة
21/01/2008, 01:37 PM
السلام عليكم فيه ورشة اسمه (سوافي ) ممتازة جداً
أنا مركب عنده وماشاء الله إلى الأن شغلهم مضبوط
رح لمهم ولن تندم
لكنهم يكون بالسعر شوي
تقبل مروري
أبوسليمان 222
22/01/2008, 10:36 AM
ياجماعة ورشة السوافي بأي مدينة ووين مكانها؟!
abo fasil
22/01/2008, 10:44 AM
السلام عليكم ورحمة الله

في ورشة علي خبري من سنتين والي يشتغل فيها شاب سعودي يشتغل بيدة
في حي السلي قبل مدخل سكن الحرس الوطني علي يدك اليسار في محطة بنزين (ناسي اسمها )

هذا الي اقدر افيدك فية والشباب ما قصروووو
مواطن
22/01/2008, 01:32 PM
فيه واحد يقاله البازعي بالرياض بإستراحات السلي يمدحون شغله الشباب
ظنى مرزوق
23/01/2008, 10:59 AM
اشكر الجميع على الردود والتجاوب السريع، وشكلها عند السوافي الله والعالم لان شغله تكيه .

ودمتم...
ابو شـــــادن
23/01/2008, 11:44 AM
مين يوصف لنا ورشة السوافي ويكون مشكور
محمد العياف
23/01/2008, 12:09 PM
الكهربائي المشرف اسمه فيروز رقم جواله 0568992163 وموقعهم اذا كنت جاي على الدائري الشرقي تأخذ مخرج رقم 18 بتجاه الشرق بعد ثاني عمارة تأخذ يمين مع الشارع العريض وتصل عليهم يدلونك أكثر
ظنى مرزوق
23/01/2008, 01:35 PM
مشكور اخوي محمد على التوضيح
بن محفوظ
23/01/2008, 03:15 PM
ياكثر طلباتك ابوراشد ....

الظاهر ان الشباب ما قصروا ... لكن ترى بطارية قولدن توفي بالغرض ..

والله يعين على سعرها
رعد النجدي
23/01/2008, 10:34 PM
مساكم الله بالخير
البطارية والكتاوت مع التركيب عند السوافي يبدأ من 850 ريال
المحول ب550 ريال
وقد قمة بتركيبها عند السوافي ولها سنه من أفضل مايمكن
والآن أركبها على سيارة أخرى
مع خالص التحية


والله مدري وش لاقين في هالسوافي
يكيفيكم اسمه

اسمعني يالحبيب
قاطع كهرب حق قلابي تلقاه في الصناعيه عند الي يبيعون قطع غيار القلابيات
اسلاك كهرب متينه وتكبس اطرافها
وفصل قاعده في المكان الي تبيه
وخلاص انمت سو الشغله بيدك القاطع علشان اذا جيت لمحلك شغله خل الجهد على البطاريه الأحتياط دون المساس بالأصليه
واذا مسكت الخط خلاص شغله علشان تعبي كهرب
الياباني ما يحتاج جهاز يسحب الكهرب الزايد
خلاص اشغاه من غير سعر البطاريه ما تكلف 200 ريال
fza3
26/01/2008, 08:45 AM
بالدمام موجود ورشة بتار والشهاده لله ان الشغل كايف وجميع اغراضه من افضل الانواع الاصليه وبالنسبه للسعر 850 ريال.
للتواصل/0507020339
ظنى مرزوق
26/01/2008, 11:13 AM
ما يصح إلا الصحيح يابو فهد، وتوضيح رعد النجدي ممتاز لكن وين اللي يطبقه .
ونشكر الجميع على التفاعل
باترول 82
26/01/2008, 12:57 PM
غريبه هذي الاسعار اتوقع ان الشغله تكلف 300ريال فقط وياخذون 850ريال الله يعين