المساعد الشخصي الرقمي

مشاهدة النسخة كاملة : وين اهل الجيب الشاص 2005


ابا الأفلح
20/01/2008, 07:01 PM
السلام عليكم ورحمة الله وبركاته00000 الله حيهم اشكر ادارة منتدا مكشات على اتاحة الفرصه لنا بالتسجيل بهذا المنتدا المبارك 00 المهم انا عندي مشكله بالجيب الشاص2005 وارجو من الله ان اجد الحل في هذا المنتدا المعروف000 المشكله هي انك مجرد ماتشغل الدبل وتمشي ثلاثه متر تقريبا تطلع ريحة الكلتش وبقوه لا وبعد الدبل الخفيف وش الحل يا نشاما ترى غيرة الكلتش بالوكاله ولا فيه فايده والسياره ماشيه تقريبا 55 الف فقط اخوكم اباالأفلح:confused: :confused: :confused:
ابا الأفلح
20/01/2008, 08:09 PM
وش السالفه وين الميكانيكيه ما احد رد لا امس ولا اليوم
الدبل الثقيل
20/01/2008, 08:52 PM
إن شاء الله يردون عليك الإخوان .
ق ب م 632
20/01/2008, 09:02 PM
لاتستعجل وانا اخوك




والذيابه تفيدك
فتك4800
20/01/2008, 09:12 PM
من رايي يمكن ان كلتشك مرتفع

او انك من النوع الي اذا غرز يستعمل الخفيف وهذ غلط من يوم يغرز الموتر نستعمل الثقيل افضل بكثير

وهذ رايي وشكرآ
ابا الأفلح
20/01/2008, 09:59 PM
الدبل الثقيل/ بيض وجهك
ق ب م 632 / الله يجزاك خير
فتك 4800 / اخوي لو استخدمت الثقيل بتكون اقوى من واقع تجربه والسياره معي وكاله من اول ما اخذتها وهي كذا الظاهر ان العيب مصنعي عل العموم بيض الله وجهك وما قصرتو جميع0
سراي ليل
21/01/2008, 12:18 AM
ابا الافلح كيف حالك

انا صارت معي نفس المشكلة من يوم مشى الموتر 1500 وبداء صوت صرصره واخذت تزداد كل فترة واذا دعست كلتش راحت الصرصرة حتى مشى الموتر 14000 وانا اطب على ابو جميل بالرياض (علشان الضمان ) قال السيارة اللي معك خليجية ماهي سعودية علشان كذا ما تدخل الضمان (قلت ماهو شغلي خليجية ولا روسية تصلحونها يعني تصلحونها بالطيب والا بالغصب :mad:) وافقوا على مضض
وغيروا الفحمة وصحن الكلتش والدسك .
ورجعت المشكلة عندما مشى الموتر 28000 ورجعت لهم وسوينا نفس الموال السابق ولكنهم قالوا تدفع 300 ريال قيمة الفحمة
قلت ماهي مشكلة ادفع ( وافقت لأني عندي ضروف ولاني فاضي لهم مثل الاوله).
وبعد مامشى الموتر 61000 (يعني بعد ماخلص الضمان بـ 1000 كيلو ) رجعت نفس المشكلة لكن بشكل بسيط جدا.
عرضت المشكلة على ورش خارجية وقالو ان الحذاف محتاج خرط وقد يكون هو السبب ؛ لان الموتر عند القومة بالواحد فية رجة وبالثاني خضة (يعني دبل رجة;))
مع العلم اني من يوم اخذت الموتر من المعرض وانا احس بهذه الرجة وقلت للوكالة كم مرة قالو طبيعي ينتظرون حتى يخلص الضمان.
ميهاف
21/01/2008, 03:22 AM
يا اخي ابسئلك سؤال انا معي شاص 2005 ولا شفتبه شي الحمدلله(اذكروا الله) الشاهد انت تسحب السيارات المغرزة بالخفيف
ابا الأفلح
23/01/2008, 03:18 PM
ساري اليل يالله حيه المشكله ماهي رجه المشكله الريحه الي تطلع من الكلتش والسياره جديده اكيد عيب مصنعي000 ومشكور وماقصرة
ابا الأفلح
23/01/2008, 03:22 PM
ميهاف ماشاء الله تبارك الله الريحه تطلع بدون سحب ولو شغلة الدبل على الزفلة طلعة عل العموم بيظ الله وجهك
سراي ليل
24/01/2008, 09:23 PM
ساري اليل يالله حيه المشكله ماهي رجه المشكله الريحه الي تطلع من الكلتش والسياره جديده اكيد عيب مصنعي000 ومشكور وماقصرة
انا قلت لك عندي نفس المشكلة اذا شبكت الدبل طلعت ريحة الكلتش ولكن قالوا لي انه السبب يمكن الحذاف لازم يخرط او يغير لانه احتمال كبير انه بسببه يتأآكل الكلتش
لكن شف لك ميكانيكي ممتاز وخلة يشيك على الحذاف
ابا الأفلح
28/01/2008, 03:32 PM
سراي ليل غيرة كلش حتى الحذاف مع العلم قالو الحذاف القديم ما فيه شي ولا فيه جدوا الله يستر عليك
Mohammad
28/01/2008, 03:53 PM
الوكاله يغيرون اشياء مالها لزوم..سحب قرووش! الله يكفينا فيهم!

اخى موترك ليس معقد ومعروف واكيد هناك ورش خارجيه قويه على الاقل يعطيك المعلومه الصحيحه
ابا الأفلح
28/01/2008, 07:44 PM
محمد بيظ الله وجهك بنشوف الورش ربك يحلها