استشاره , يالوجيه الطيبه .

[نجمة سهيل]

السلام عليكم ورحمة الله وبركاته .


كيف حال الشباب والشيبان:) .

ودي ادخل بالموضوع على طول .

موضوعي هو : ودي اشتري لي جيب لكزس LX470 فوش رايكم فيه !


قصدي الي جربه بالبر . يعطينا مميزاته وعيوبه ـ وهل هو يستاهل من يشتريه والا .

اتمنى منكم الرد باسرع وقت .

وتفضلوا صورة الجيب المقصود لكن ماهوب نفس اللون اللي بالبال:)

http://www.syarty.com/ver2/images/Q937L.JPG

[فرد حمزة]

عليكم السلام والرحمة

مراحب ،،،


من وجهة نظري قد تكون صائبة أو خاطئة ،،، أنه ليس بسيارة البر المثاليه المتعددة القدرات للسير في جميع تضاريس البر لدينا إن لم يكن أغلبها ...
هذا بغض النظر عن سعره !!

[القماري]

أقول إن كنت من أصحاب البرور والطعوس وماودك بوجع قلب (لا تأخذ الكزس) ليس بسبب عيب إو ضعف بالسيارة. لكن حرام تعدمها في البراري (بلاستك + إكسسوارات + فخامة)

[طيـــ بر ـــر]

والله أخوي ..

إن كنت ( طير بر ) وكذلك ( تحب الزين والمنظر ) ...

انصحك بالفي اكس ار .... الدرجة الأخيرة ..

لأن .. مواصفاته حول اللكزس ..
وكذلك يوفّر عليك .. دراهمك ..

من عيوب اللكزس :
1- احتمال انقلابه في حالة انفجار الإطار ..
2- ثقيل في البرّ ... ( أذكر .. مرّة من المراريت .. طلع جيب لكزس في قشعه .. ونشب .. والله ياجماعه .. أنه جيب لاندكروزر .. وبليزر ... كلهم شابكين الوايرات فيه ويجرّونه .. وحول عشرة يدفّون الموتر .. من ورا ... وياله طلع بعد نص ساعة .. )

طيــ بر ــر

[العنكبوت]

لا تنسي انه ما يجي الا تماتيك !!!
والله ولي التوفيق

[نجمة سهيل]

الاخوان :

:heart: فرد حمزة . القماري . طير بر . العنكبوت :heart:

في الحقيقه اشكركم على تعقيبكم على الموضوع .

وحبيت أوضح انه واحد في الامارات عنده فكسار ولكزس 470 . ويقول الفروق واااجد .

تفضلوا هالرابط وراح يفيدكم ان شاء الله .

http://alsaha.fares.net/sahat?128@109.NAkxgTFZZm2.16@.1dd44d33

على العموم ماراح استعجل على الموتر . لازم أسأل عنه اول وأجربه بنفسي أفضل:)

[العليمي]

خذ لك لاندكروزر VX-R فل اوبشن كامل المواصفات :

- محرك 8 سلندر .
-هزاز .
- ونش .
- قير عادي افضل للبر .

والله انه موتر عليه الكلام و يكرف سنيييييييين ....

هذا رئيي لك..

[الدبل الثقيل]

خذ فكسار ثري ابرك وافضل...اما جيب اللكزس فيه هيدروليك لكل الكفرات اذا انفقع واحد منها سعره 10000ريال يعني الأربعة ب40 الف .. قيمة هايلكس غمارة مكيف جديد.........
وجزاك الله خير..