إلى هذا الحد الغش في شركة عبداللطيف جميل سيارات مصدومة تباع أنها جديدة

[خادم الإسلام]

بسم الله الرحمن الرحيم

السلام عليكم ورحمة الله وبركاته

هذه القصة حصلت في محافظة الطائف يوم الأربعاء قام احد الأخوان بشراء سيارة ونيت غمارتين موديل 2008 من الشركة وإذا به يكتشف أنها مسمكرة :confused: من الخلف والأمام !! ولم يخبروه وما اكتشفها إلا بالصدفة .

فإلى متى هذه الشركة تستهتر بالزبائن . والغريب حينما عرف بالموضوع وعاد إليهم يوم الخميس وصارت مشادة بينهم يقولون له لا تفضحنا مع الناس لا نستدعي لك الشرطة ! . فكم من سيارة غُش صاحبها ياشركة عبداللطيف جميل .

[راس الرعيلة]

أخوي خادم الإسلام أطال الله بعمرك

وش اللي صار عقب ؟؟
هل ردها هل قبلوها؟؟
هل؟؟

إذا كان ما ردها ولا أشتكا معليش يعني وش قاعد ينتظر؟؟؟؟

الله يعينه

[االديحاني]

الله يكون في عونه

[ذيب بلاده]

وعليكم السلام ورحمة الله وبركاته
لاحول ولاقوه ألا بالله انا لله وانا أليه راجعون خلهم ينادون الشراطة الشركه وشو بيقولون للشرطه؟ :mad: بلعكس المفروض هو يرفع قضيه هو شاري موتر جديدلا زم مايسكت:no: .على قولة اخوانا المصريين ضربني وبكى وسبأني واشتكى الله هديهم المال الي ياخذونه حلال ولا حرام مايخافون منذي الشي !!!

[خادم الإسلام]

أخوي خادم الإسلام أطال الله بعمرك

وش اللي صار عقب ؟؟
هل ردها هل قبلوها؟؟
هل؟؟

إذا كان ما ردها ولا أشتكا معليش يعني وش قاعد ينتظر؟؟؟؟

الله يعينه

حياك الله

الرجال هو شاريها اقساط وباعها يوم الأربعاءبـ 66000 ويوم الخميس الظهر اتصل به المشتري وقال يا بو فلاان ترى السيارة مسمكرة وما تصلح لي فرد له قروشه وسوى معهم المشكلة المذكورة وبعدين جابو له واحد شراها من معارض جدة بـ 65500 ولكن خوينا بين له العيب فقبل واشتراها .

[Cyber]

ياويلهم من الله

[ميهاف]

للمعلومية كل الجيوب الربع 2007 اللي تبع عبد اللطيف جميل فيها رفرف امامي يمين اغلبها لانه جت من اليابان به الخرطوش حق الهواء الخارجي مثل الشاص الديزل وسوله سمكرة في الامارات علشان كذا وهذا الدليل تباع ب88000 جديد والبيج بقرابة 95000 وكلها نفس الموديل اعرف واحد توه شاريه وتاكدنا ان فيه رفرف امامي يمين(((مسمكر)))

[مقهوي الذيب]

الله يكون في عونه بس ودك تعلن في جريده مشهوره

عشان يروحون فيهااااااااااااااااااااااااااااااا

[احب البرواهله]

حتى الجديد فيه نصب وكذب وتدليس كأننا عايشين مع عصابات الله يخارجنا الكل يلعب مكأننا عايشين بديرة الإسلام ومهده

[خادم الإسلام]

اشكر كل الأخوان الذين تكرموا بالرد والمشاركة

ولكن لا اقول إلا من أمن العقوبة اساااااااء الأدب .

ولكن اقول: ياشركة عبداللطيف جميل قال النبي صلى الله عليه وسلم ( من غشنا ليس منا ).

وقال عليه الصلاة والسلام : ( يأتي زمن لا يبالي العبد أأكل من حلال أم من حرام ) البخاري .

[فهد325]

للأسف ما قالو الوكالة نجيب الشرطة
إلا أنها عارفة نظام الشرطة
أول من يشتكي حتى ولو غالط عليك يكون الحق معه
الله يكون في عونه

[abo fasil]

هذا شي موجديد

لكن من الي يعرف لهم
في قصة حصلت لزميل شرا جيب جديد غير تايوتا وراح لربعه بالكويت وحب يشيك علي السياره عن الوكالة بالكويت ويتفاجأ ان قريبة ومهندس الوكالة يقولون له مبروك عليك السياره شكلك مشتريها برخيص خصوص ان مديل سنتها وسمكرتها ممتازه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:confused: :confused: :confused:

المهم من الصدمة الرجال قال لهم ان السيارة وكالة مو من معرض وانها جديده انهبل المهندس وبسرعة غريبة ناقش الموضوع مع الادارة عندة واتصلووووووووو علي وكالة السعوديه

تخيل وش صار !!!!!!!!!!!!!!!!!!

قالوا عطنا صاحب السيارة بعد ما تاكدو منه ورقم اللوحة لنها مسجل عندهم كل السيارات المسكره وعلي كلام وكيل الكويت انها شي طبيعي تنصدم السيارات عندنا من الباخره وقت التنزيل ولكن نبيعها علي صدمتها!!:good:

المهم رجع خوينا للرياض وستقبلوه احلا استقبال وقالو له تخير اي سيارة تبي وخذها بدل سيارتك
المهم اخذ جيب ثاني فل كامل ومشي من عندهم

وفي سالفه لقريب لي ما درا ان سيارة مسمكره الي يوم دخل فيها المعارض يبي يبيع (وكالة مشهوره جدا )


حسبنا الله ونعم الوكيل

[ابن صاعب]

يارجال يكفيك مواصفاته الي تجيب الهم

[ناصح]

الرجاء التقيد بأسلوب أفضل في النقاش وعدم عرض صور أشخاص لهم صلة بالموضوع

فنحن نتكلم عن وكالة وليس شخص بعينه ..
------------
----
-

وكان بودي أن صاحب السيارة وثق القضية بالصور ..

فلا شك أن سيارة تباع على أنها جديدة لا بد أن تكون خالية من السمكرة

أو أن تضع الوكالة عرض خاص على السيارت المسمكرة..

فلن يضرهم لو نزل في قيمة السيارة بضعة ألوف من الريالات مقابل الامانة والمصداقية ..

على كل حال لن تفلح كثير من مثل هذه المواضيع ما لم يتم فيها توثيق مصور ويرسل للوكالة الأم في اليابان أو عبر القنوات الرسمية في بلادنا ..

لكن تفيد في تحذير رواد المنتدى عند شراء سيارة جديدة من شركة قامت بمثل هذه التدليس أن يأخذوا حذرهم وأن يتفقدوا السيارة جيدا قبل إتمام الشراء والتسليم ..

[المعلم طربئها]

يا جماعة الخير وأنا بعد مقهور وبموت من القهر ؟؟؟

طلعت جيب فورنتنر 2008 ومن يومها كل ما سكرت الباب وأنا أسمعه يلك يعني يا مصدووووووووووم ومسمكر يا إنه مغير يا يا يا إلي آخــــــــــــره من البلاوي المتلتله ؟؟

آآه ثم آآه إذا كنت دافع كل هالفلوس وآخرتها ينضحك علي :confused:

[ابوحماد]

لا تستغربون الغش عندنا

تذكرون سيارات العيسائي

96 م يوم يكسرها البرد عاد 1416هجري

سمكرها عند ورشة وفاء 80 سيارة ورجعها للوكالة على أنها جديده

ونصب على الناس

يعني ماعندك أحد

[المصطفق]

على قولتهم (اذغاب القط العب يا؟؟؟؟....)

[ابوحماد]

على قولتهم (اذغاب القط العب يا؟؟؟؟....)

وهو فيه القط من الاصل

يا أخي أنا بموت بس أبي أشوق موظفين حماية المستهلك

من هنا حرامية وهناك حرامية

[1400]

ولد عمي توه مشتري فورتشينر 2008

وانواع الاصواااااااااااات

والشخص موجود ومازالت السياره معه

لكن ((اشكيك لمين؟؟؟))

نشتكيكم لرب العالمين

[ابوحماد]

ولد عمي توه مشتري فورتشينر 2008

وانواع الاصواااااااااااات

والشخص موجود ومازالت السياره معه

لكن ((اشكيك لمين؟؟؟))

نشتكيكم لرب العالمين

خل ولد عمك يهددهم في صحيفة سبق

تراهم يخافون منها

عاد سبق تحب المواضيع هذي

[ولد وايل]

لو تدرورن منهو المدير المبيعات الغير مباشر واكبر مسؤل بتعرفون الدنيا رايحه فيها جنسيته.... بنقالي يستلم راتب فوق 100الف ريال

[جوالة]

ذكرتني بموقف حصل لي ولاخوي رحمه الله .
قام واشترى ددسن من أحد المعارض وشفنا السيارة وفحصناها طبعا مشرية أقساط والمعرض يبيعها كاش يعني طايح فيها 2000 ريال تقريبا والسيارة جديدة .
فحصنا بديها وشفنا السيارة وتمام التمام .
قمنا دفعنا قيمة السيارة كاش وقلنا لهم انتبهوا ترا مكان السيارة مهب زين لا يجي أحد يصدمها (كانوا موقفينها في زاوية المعرض من الخارج) .
الشاهد رحنا من الغد ودخلنا المعرض وعطونا الاستمارة وقالوا لنا تفضلوا روحوا للمستودع .
رحنا المستودع دخلناه أخذ أخوي المفتاح وركب السيارة .
قلت لاخوي اصبر شوي السيارة لك عليها !!!
طبعا شفت الباب الخلفي خلف السواق مصدوم صدمة خفيفة وداخل الباب شوي .
مباشرة قلت لاخوي انزل من السيارة ومشينا للمعرض ... قال الهندي رح بالسيارة للمعرض يشوفونها لك فرفضت استلام السيارة ...
دخلت على المعرض بينت لهم أن السيارة انصدمت بعد أمس .
قال لي صاحب المعرض لا السيارة من الأصل مصدومة وشكلك ما شفتها قلت له لا السيارة فاحصها 10000% وما فيها صدمة .
قام اتصل على المستودع وجابوا السيارة .
طبعا الهنود شكلهم صادمين فيها عند نقلها للمستودع ويوم جابوها ولاهم عافطين الباب زيادة عن الأول والرشة رايحة أيضا بسبب فركهم للباب يقال انهم يبي يصلحون الباب.
تبين الآن بالدليل القاطع أن الهنود هم السبب .
بعدها قال لنا صاحب المعرض أسمكرها لكم في الوكالة وعلى حسابنا !!!
قلت له ما فيه أحد يشتري سيارة جديدة مسمكرة .
قال طيب وش تبيني أسوي لك !!!
قلت له رجع دراهمي وسيارتك تصرف فيها .
وأنا واياه بشد وجذب وفي الأخير قال نبي نغير الباب بباب سيارة جديدة عندنا واستلموا السيارة الآن والوعد غدا عند ورشة كذا نسيتها صراحة .
قلت أنا ما استلم السيارة إلا سيارة جديدة وما علي منك .
حسم أخوي الموضوع رحمه الله و قال خلاص الوعد بكرا .
طبعا سكت فاخوي الكبير وكلمته مسموعة ولا لي كلمة على كلمته رحمه الله.

الشاهد واللي استغربته يقول لي وش تبي أسويلك ؟

[كاشخ 24 ساعه]

ودي أصدقك

بس والله قويه

ما تنبلع

[المتزن]

ودي أصدقك

بس والله قويه

ما تنبلع
كلن يرى الناس بعين طبعه

[كاشخ 24 ساعه]

كلن يرى الناس بعين طبعه




طيب انت تعرفني وتعرف طبعي؟؟؟؟؟؟؟؟؟


الله يصلحك ويشفيك

[barracuda]

مهي غريبه عليهم ما خفي كان اعظم

[s3ed]

الله يعينكم والله هذة الوكالات تنصب على الناس عيل شو اتسوي معارض السيارات


المفروض عليكم مقاطعة هذة الوكالات لمدة 4 شهور والله ليبيعها لكم برخص التراب

[q.8]

الله يكون في عون راعيها

[مقلع الرمث]

الله يسترررر
ويعوضه افضل منها

[سيف الظفير]

حذف ردي لواقعيته

[القصبي]

الله يكون في عونة
الشكاوى دق على الشرطة والله يعينك على المحاكم

[العضيلي]

أي وكيل للسيارات يأخذ تجاربه وخدعة من الشريطية ,,,
الوالـــــــــــد شرى سيارة ددسن غمارتين بغبارها ما شيه أقل من ألف كيلو وسبحان ربي ,, تطلع السيارة قالبة ومسمكرة ومغبرة ومكيسة ,,,

الوالد من ضيقة الصدر أعطى أحد الأخوان وكالة لبيعها لأن النفس وقفت منها وأشترط عليه أن يبين للشاري مافيها وخسارة بعشرات الألوف ,,,

[hightech]

شي عجيب
وعلى ذلك يهددونه بالشرطة
واللة فوضة
لو في دولة ثانية واللة ياشيخ يسحبون التوكيل منه
ويشرشحونة في الاعلام لكن ماعندك احد

[Khalid AlGhamdi]

وش نسوي منحدين عليهم خصوصا اللي ماخذين مواترهم تقسيط !