يا جماعة الخير نيسان (Xterra) حيرني !!!!!

[*خالد العتيبي*]

مساكم الله بالخيرات

يا جماعة الخير أنا بشتري سيارة هالأيام

وطاحت عيني على (Xterra)

سعر مناسب وقوة .

يا جماعة أجزم عليه ولا لا .

هذي أول سيارة أشتريها بعد الوظيفة الجديدة

دلوني على العيوب إن وجدت .

أنا حاجز الموتر في الوكالة إلى الأسبوع الجاي .

دلوني أشريه ولا آخذ غيره يا جماعة .

بارك الله فيكم

[جبل مشرف]

السلام عليكم والله اني اعاني نفس مشكلتك تماماً .. لازم واحد منا يجرب
تقبل تحيات اخيك:جبل مشرف

[barracuda]

اخي العزيز السياره قويه وان شاء الله مافيها عيوب
مجربينها سياره قويه بمعنى الكلمه بس المشكله كان سعرها اول ما نزلت كانت غاليه بس ما باليد حيله
اخذها ولد العم وبيضت الوجه فأنصحك بها

[خشف.]

والله ما جربتها
كان ودي اخدمك

[*خالد العتيبي*]

السلام عليكم والله اني اعاني نفس مشكلتك تماماً .. لازم واحد منا يجرب
تقبل تحيات اخيك:جبل مشرف


والله العالم شكلي أبجربها وأعطيك علم عنها بإذن الله تعالى .

بس أنا محتار آخذ قير أتوماتيك ولا قير عادي

يا شين الحيرة

[*خالد العتيبي*]

اخي العزيز السياره قويه وان شاء الله مافيها عيوب
مجربينها سياره قويه بمعنى الكلمه بس المشكله كان سعرها اول ما نزلت كانت غاليه بس ما باليد حيله
اخذها ولد العم وبيضت الوجه فأنصحك بها


الله يجزاك خير على هالنصيحة يا أخوي لكن أبي أسألك إذا ما فيها كلافة :
ولد العم أخذ قير عادي ولا أتوماتيك ؟؟؟

وأنت وش تنصحني به .

عادي ولا أتوماتيك .

بيض الله وجهك

[*خالد العتيبي*]

والله ما جربتها
كان ودي اخدمك


الله يجزاك خير ،،، تسلم والله ...

[أبوناصر]

سألت اليوم

خصم للكاش في الاكستيرا 7500

ورايي العادي اذا أنت راعي بر بالحيل ورجلك حاره

اذا انت راكد وطلعات خفافيه للبر وفي المدينة راعي مشاوير فعليك بالتماتيك

[مساير الليل]

أتوقع السياره ناجحه بكل أشتر وتوكل على الله

ومكينتها على الباث من 2006 ولا أحد أشتكا منها

وأنا جربتها عند الحمراني سيارهـ أشهد أنها ماشاء الله تبارك الله

طيارهـ على الأرض

لاتنسى صلاة الأستخارهـ

[مساير الليل]

http://www.mekshat.com/pix/upload02/images59/mk53963_64870686.jpg




وهاذي صورهـ له للي مايعرفه

[.أبوعبدالرحمن]

اخوي انصحك والله انك تفكر زين


لان الاكستيرا ما اعجبني بسبب اشياء كثيرة


منها انه غير مريحة بحكم انه سست من الخلف

الشيء الثاني ما فيه مكيف ورا

الشيء الثالث الباب الخلفي ضيق مرة

الشيء الرابع شكله ماهوب مرة


والشيء اللي اعجبني فيه الصراحة عزمه وقوته ونشييييييييييييييييييييييييييييييييييط



وبالنسبة لي انصحك تاخذ باثفندر ولو كان سياحي

لانه الصراحة اوسع وفيه مكيف ورا وارسم ( اشخص )

ـــــــــــــــــــــــــــــــــــــــــــــ


اما اذا انت معزم على الاكستيرا

خذ تماتيك وحتى اذا كنت راعي بر دائما

ومعروف النيسان بالتماتيك حقه عزم ماشاء الله

وطبعا زي ما انت عارف ان الاكستيرا والباثفندر قيورهن تماتيك وعايدي


ولا تنسى انك تستخير

[مساير الليل]

وبالنسبة لي انصحك تاخذ باثفندر ولو كان سياحي


أخوي أبوعبدالرحمن هناك فرق بين الباث فندر الجديد والأكستيرا صح أنها نفس المكينه لكن

الباثفندر فليور ورى

والأكستيرا دفرنس

الأكيد أن الأفضليه لصالح الأكستيرا

والشي الثاني فارق الوزن

الباثفندر 2100 كيلو

والأكستيرا 1800 كيلو

أخف وأحسن في البر من الباث بيكون ثقيل

وبعدين الباث فندر على حسب معلوماتي أن السياحي مرهـ مايجي مكيف خلفي

[*خالد العتيبي*]

سألت اليوم

خصم للكاش في الاكستيرا 7500

ورايي العادي اذا أنت راعي بر بالحيل ورجلك حاره

اذا انت راكد وطلعات خفافيه للبر وفي المدينة راعي مشاوير فعليك بالتماتيك


بيض الله وجهك يا أبو ناصر
معلومتك مهمة بالحيل

الله يعطيك العافية

[Abu Saad]

الله يوفقك يخوي ويطرح لك البركة ..


الي اقدر افيدك فيه انه اخذ المركز الاول في الاختبار من بين ثلاث جيوب عالمية ..راجع هذا الرابط :
http://www.mekshat.com/vb/showthread.php?t=107208


وهذي تجربة اخونا العضو صالح لعلها تعطيك تصور اكثر عن السيارة :

http://www.mekshat.com/vb/showthread.php?t=115584

ولاتنسى الاستخارة .
الله يكتب لك الي فيه الخيرة.

[*خالد العتيبي*]

أخوي مساير الليل وأبو سعود وأبو عبد الرحمن ،،، الله يجزاكم خير على نصايحكم الثمينة .
بيض الله وجيهكم وأحسن الله إليكم كما أحسنتم إلي ...

لازلت متابع وقفتكم معي وبإذن الله قرار شراء الأكستيرا صار عندي واضح ولله الحمد
وبإذن الله راح أتوكل على الله وأشتريه

والله يجزاكم خير

[أشيقراوي]

والله الموتر قوة بس الشكل لك عليه


ولكن لك الخيار

ماجربته