تابع الموضوع السابق مشكلة الباثفندر في المكينة (( بالصور )) .. بن محفوظ

[بن محفوظ]

السلام عليكم ورحمة الله وبركاته ...


تابع للموضع السابق لكن الان بالصور ..


عرفنا مشكلة الباثفندر وهي الصوت الي طلع في المكينة وكان مثل صوت الطقطقه ..


بدأ الميكانيكي بفك الثلاجه .. وبعدها طلعت له فتحات التبريد وكل فتحه لها غالق أو سداد مثل الريال الحديد ..


طبعاً هي 6 فتحات , الفتحة ماقبل الاخيرة حصل سدادها طالع أو لازق فوق السداد الاخير .. والمسامير الي كانت تمسك السداد سقطت داخل المكينة ..


الميكانيكي يقول بحاول اسحب المسامير بحديده مغناطيس علشان اطلعها بدون فك راس المكينة ... واذا ما قدر راح يفك المكينة ..


الصور ...
هذي صورة الثلاجة


http://www.mekshat.com/pix/upload02/images59/mk31353_20080121421.jpg


هذي صورة السداد الي طاحت مساميرة


http://www.mekshat.com/pix/upload02/images59/mk31353_20080121422.jpg


والحمد لله على قضاءه و قدره ..

دعواتكم للموتر:D

[google1]

الله يعوض عليك

ويكفينا ان شاء الله

[بن محفوظ]

جزاك الله خير

[شروكي ربع]

الله يرفع عن موترك :D

[ابن مرصوع]

لا هنت يا بن محفوظ ع هـ المعلومة
وانشاء الله يضبط الموتر

[عبدالرحمن السالم]

الحمد الله على سلامتك وعلى سلامت موترك
والله لايهينك وبيض الله ووجهك وجعلك ماتشوف مكروه

ألف شكر لك بن محفوظ

[.أبوعبدالرحمن]

الله يعينك

وان شاء الله ما يحتاج فك راس المكينة

[باثفاندر 2006]

السلام عليكم ورحمة الله وبركاته وبعد
ارجو التكرم بمساعدتي إذا كنت تعرف انا شريت باثفاندر 2007 وعجزت احصل شبك او عوارض للشبك إذا كنت تعرف ارجو ترد علي انا من اهل الرياص
جزاك الله خير على إهتمامك

[alkongrs]

الله يشفي موترك وما يشوف شر :) انشاء الله مايجرالوه عمليه :)

[التسعاوي]

الله يجزاك خير
وترى هذي المشكله تكررت كثير للباثفيندر والباترول.

[Black VTC]

الله لا يوريك مكروه لا انت ولا موترك وان شاء الله آآآآآآآآخر الخرابات و ابشر بتوفيق ربك ما راح تحتاج تفك رأس الماكينة ...

[ظنى مرزوق]

ماجور يابو فهد وإن شاء الله تزين الامور، هذا يمكن عقب سيل العام والله العالم مرمرت الموتر بالشعبان وعطاك عمره قبل السيل .
فيه مقوله للقاضي الفضيل ابن عياض رحمه الله: إنما جعلت العلل ليؤدب بها العباد، ليس كل من مرض مات. اهـ
طبعا تنطبق على الدابة من باب اولى .
وابشر الفزعة يابو فهد

[شبح الصحراء]

سؤال الا يعتبر هذا خلل مصنعي ؟؟؟!! هذه القطع جزء من المحرك وليست من القطع الإستهلاكية المتعارف عليها ، والمفترض ان هذه المسامير تصمد طوال عمر المحرك ولكن يبدوا انه هناك خطأ مصنعي في تصميم هذه القطع او طريقة تركيبها والمفترض ان تقوم نيسان ممثلة بوكلائها بسحب جميع السيارات التي تعاني من هذه المشكلة وتصليحها على حسابها الخاص .

[ظنى مرزوق]

كلامك صحيح ياشبح الصحراء، لكن كل محرك قوي لازم تبين فيه عيوب مع الاستعمال.

[باترول 585]

السلام عليكم ...
اخوي بن محفوظ وسع صدرك ترا راس ماله سياره وانا عانيت مثل ماتعاني على الفتك حقي موديل 2006 بس الفرق اني انا لحقت عليه قبل مايقضي الضمان بشوي .
واخوي شبح الصحراء حنا لو الله يفكنا من الحمراني كان نيسان بخير لانه الصراحه وكيل زفت لابعد الحدود.

[بن محفوظ]

شكراً للجميع على المرور و التعليق ... والله لايوريكم مكروه ..

ظنى مرزوق ... حياك الله نورت الموضوع بالديزل ..:d

ومشكور على الفائدة .. لكن مانقول الا صبرُُ ُ جميل والله المستعان

ودعواتكم لي و للموتر الظاهر أني بديت أتعب مثله ..:)

[ربيعي1]

كان الله في عونك مثل ماقلت لك حصل معي زي ماحصل لك والحمد لله على كل حال وانصحك من الحين تطلب مسامير الثلاجه المدوره لان موتري توه طالع له اسبوعين وسبب التاخير القطع لانها طلبيه من جدة فاطلبها من الحين لان يوم ادور بالرياض ماحصلتها فحاول يعطيك المكانيكي القطع اول باول واذا ماحصلتها اطلبها مباشرة حتى لايتاخر موترك

[Abo Nader]

السلام عليكم...معوض خير...

طيب كيف أتفادى المشكله...سمعت يلحمون المسامير...ماعندك خلفيه..

[ربيعي1]

تروح لمكانيكي متخصص ويفك الثلاجة ويلحم مسامير الثلاجة بغرا والافضل تشتري جديدة وتلحمها لان الحبه تقريبا ب8 ريال

[بدراان]

مهيب طبات مويه ؟؟؟ ارجوا التوضيح ؟

[ولدزايد]

والله ياأخوان انا معي بافندر وسمعت عن هالمشكلة ولحقت عليه وبرشمت المسامير في القصيم عند الخضير بالتشليح.وطلعت مشكله ثانيه وهي نقص الزيت وجربت انواع الزيوت والمشكله نفسه وهي النقص وهي تبخير بالأصح لأن النقص يعني دخان ازرق من الشكمان وعلى فكره تر حتى السفاري نفس المشكله سواء المسامير اوالنقص لكن على خفيف والغريب اني كلمت واحد من الشباب بالوكاله ويقول عارفين هالمشاكل بس مطنشين وأضعف الايمان يغيرون المسامير يعني بعد فتره ترجع نفس المشكله ,اقول مامثل تايوتاعزالله دواء قلبك بعد توفيق الله.

[نمر 33]

الله يغوضك ويسرلك أمرك

بشرنى عن الموتر

[ولدزايد]

بالنسبة لتكلفت اصلاح المسامير فهو250ريال فقط ,امانقص الزيت فجربت انواع الزيوت ونفس المشكله يعني خلل تصنيعي حسبي الله عليهم الشركة والوكيل من افشل الوكلات نيسان والله ان هوندا اللي يسبون وكيله انه ازين الف مره مجرب الهوندا ,اخوي ابوبندر معليش ماقدرت ارسلك رساله لان مشاركاتي قليله علشان كذا ماقدرت ارسالك وشكرا.

[Abo Nader]

ما قصرت أخوي...

وديت والله سيارتي عند أحد المحلات بالرياض..عنده خلفيه عن المشكله...الإتفاق600...المده يوم واحد...يفك الثلاجه ويغري المسامير...السبت أبي أستلم السياره إن شاء الله لني بعد أبي أغير كل الربلات الي تحت (عمود التوازن+جلد المقصات الخلفيه+الأماميه)..يعني حول 17 جلده..

الحمد لله..

[باترول 585]

السلام عليكم
اخوي ابونادر تكفا وين زينت مسامير الثلاجه وين المحل عشان اخوي يبي يزينه.

[Abo Nader]

وعليكم السلام ورحمة الله وبركاته...

أخوي باترول 585 (http://www.mekshat.com/vb/member.php?u=61296)...

لك رساله خاصه...

[مطاربروق]

السلام عليكم ورحمة الله وبركاته ...



تابع للموضع السابق لكن الان بالصور ..


عرفنا مشكلة الباثفندر وهي الصوت الي طلع في المكينة وكان مثل صوت الطقطقه ..


بدأ الميكانيكي بفك الثلاجه .. وبعدها طلعت له فتحات التبريد وكل فتحه لها غالق أو سداد مثل الريال الحديد ..


طبعاً هي 6 فتحات , الفتحة ماقبل الاخيرة حصل سدادها طالع أو لازق فوق السداد الاخير .. والمسامير الي كانت تمسك السداد سقطت داخل المكينة ..


الميكانيكي يقول بحاول اسحب المسامير بحديده مغناطيس علشان اطلعها بدون فك راس المكينة ... واذا ما قدر راح يفك المكينة ..


الصور ...
هذي صورة الثلاجة


http://www.mekshat.com/pix/upload02/images59/mk31353_20080121421.jpg


هذي صورة السداد الي طاحت مساميرة


http://www.mekshat.com/pix/upload02/images59/mk31353_20080121422.jpg


والحمد لله على قضاءه و قدره ..

دعواتكم للموتر:D
اخوي بن محفوظ شاكر للك جهدك بس بالله سوال سبق وكتبت موضوع بخصوص المشكله هذي ولكن لم اجد تجاوب من الاخوان لذ ارجو ان كان تعرف ورشه في الشرقيه ممكن تحل لى هذي المشكله ان تدلني عليها والله يجزاك الف خير على التنبيه علما اني املك باثفيندر 2004 وشكرا

[أبوناصر]

اخوي ابن محفوظ لدي استفسار بسيط


هل عزم الموتر تغير بعد ظهور الصوت يعني هل العزم ضعف بشكل واضح


وهل بعد ما صلحت المشكلة تغير عليك العزك وصار أقوى ؟؟؟

[بن محفوظ]

السلام عليكم ....

حياكم الله جميعاً .....


واعتذر عن الرد .. لاني طلعت برى الرياض لشغل بسيط...

موتري ما ادري عنه من الاشغال نسيته ...

لكن بالنسبة للي يستفسر عن الورش الممتازه .... انا والله ماعندي خلفيه ... سواء بالرياض والا خارجها

كذلك لمن استفسر عن العزم ... انا من يوم طلع الصوت وقفت ...

لكن ما اتوقع لها دخل بالعزم .... لان الصوت من الثلاجة ..

الحقوا على انفسكم وقت الفضوه ... والبر ما جاء وقته ... مايضر

الموتر يجلس يومين في الورشة.....

الله يشفي موتري ويطلعه بالسلامة ..

[بن محفوظ]

ابو ناصر ... افدني على الخاص لاهنت

[yaserx]

كم موديل موترك يا بن محفوظ ...؟؟

وكم ماشي ...؟؟

[بن محفوظ]

حياك

موديله 2004م وماشي 150 الف

[ربيعي1]

حبذا لوعلمتنا اسم الورشة اذاكان شغلهم زين علشان يستفيدون الشباب لان الباثفندر ماكلن يعرف له

[ص و ص 707]

صدقت يابن محفوظ الباثفندر بدت مشاكلة من الفين وثلاثة الحقيقة كان معي الفين وثلاثة والمشكلة اني محافظ علية وذاك اليوم كشت مع الشباب وتعرف المطاعس ما اطول عليكم وطفى علي المشكلة بالدعسة كبر الاصبع تدري كم كلفت ثلاث الالف ريال وخمس مية واكتشفت ان الضرر من الفلتر ان شاء ما طولت عليكم تقبلو مروري.

[yaserx]

طيب ياشباب ... الأخ بن محفوظ ..... يقول موتره 2004 وماشي 150000 كم

فهل فيه أحد معه باث 2005 وصارت له نفس المشكلة ..؟؟

[ولدزايد]

ياأخوان هي توفيق من الله اناأعرف واحد معه2005 ومامشى تقريبا 12الف وطاحت المساميروواحدمعه 2003ماشي 260الف ماطاحت المسامير ماشاءالله وعلى فكره ياأخوان ترا الغرا ماينفع لأن بعدفتره ترجع نفس المشكله لازم المسامير تبرشم يعني تطبع طبع والمشكله ياأخوان بنقص الزيت مالقيتله حل والله رايح اليوم ابيعه مليت واخاف يطيح< بسبدي> قهر 2004 يسوي كذا اجل بعدسنتين وش بيطلع.

[Abo Nader]

ولد زايد...هو ماهو غرا..يقولك تلحيم ثم غرا..أظنه يقصد تلحيم بارد...

[ظنى مرزوق]

انا اقول استقعدوا للحمراني وراسلوا الشركة الام ترى يمكن تلقون صدى، وكان الله في عونكم جميعاً..

[بن محفوظ]

أبو راشد ...... حلوه الشركة الام

[بن محفوظ]

بفضل من الله .... صلح الموتر ..

والصوت راح ...

الهم لك الحمد ولك الشكر

لا أحد يسألني وشلون ... لاني من يوم قال انه صلح أخذته ...

واعى فكره ... كل عود وفيه دخان

[التسعاوي]

اهم شي فكيت الراس ولا لأ

[system]

الحمد لله على السلامه ..........

هذا الموضوع طرح سابقا ونفس هذا النقاش دار بين الاعضاء واشوفهم يسألون عن ورش تصلح هالمشكله قبل وقوعها وعن اذا ماكان عيب مصنعي في اغلب السيارات سواء باث فايندر وباترول جيت انا وادليت بدلوي ووصفت ورشه بالشرقيه تحديدا بالدمام وراحوا الشباب وسألوا عنها وتفاجأت برد ميكانيكي الورشه (نقلا عن اللي مروا الورشه)انه ماسمع عن هالمشكله اطلاقا !!!!!!!!!!!
الحين جاء هالموضوع تأكيد للمشكله ومدعم بالصور.

لكن السوداني الميكانيكي اللي بورشه صبيا يوم قال اول مره اسمع بالمشكله هذي ولاعمرها مرت علي تراااااااااه كذاااااااااااااب لان هذي اسرار المهنه ولو علم اي واحد عنها بيقوله راعي السياره طيب لحملي البراغي ولا شوف لي حل بياخذ منك من 200 الى 600 ريال على العكس لو قال مدري راح توضب السياره عنده بعد فتره ب7500 ريال ينطح ريال .


القصد من هذا كله ان اي عضو لو كتب رد او طرح تجربه ماراح ياخذ على كتابته فلوس لكن راعي الورشه لو كذب بيستفيد من كذبته .

هالكلمتين تقرقع بصدري من زمان ودي اقولها وجت الفرصه ولله الحمد.

اشكر صاحب الموضوع وآآآآآآآآآآسف على الاطاله .

[Abo Nader]

السلام عليكم...

أبشركم اليوم طلعت سيارتي من الورشه...

كلفتني 600...ويقول فكيت البراغي وغريتها من فوق ومن تحت..ويقول أنه ماينفع التلحيم..

[بن محفوظ]

التسعاوي ... أبشرك سألت الميكانيكي وقال لا الراس ماجيته ..
والصراحة ما فهمت طريقته لكن بروح له بكره وبسوي معه لقاء علشان يعلمني الطريقه ...
لاني مافهمت عليه كلامه سريع والرجال مزحوم ...

[بن محفوظ]

system ..
حياك الله أخوي ... وكلامك عين الصواب كثير تصير مثل الحالات هذي ...
لكن الحمد لله الذي نجانا منهم ...

[بن محفوظ]

أبو نادر .. الحمد لله على سلامة موترك .. والله يعطيك خيره

أنا بعد ما صلحه يقول أني ربطت على البراغي كلها لانها مرتخيه واجد ..

قلت له حط غرى ... قال لا كذا أحسن .... (( ومدري وشق صده ))

بس كن الي صلحها لك غالي شوي ...

لانه أنا مع البهذله والحلول الي استخدموها أخذ 600

لكن فدوه لبو بندر ... الله يحفظه

[Abo Nader]

بن محفوظ...إيه والله غالي بالقصيم 250..بس الي خلاني أروح له أنه مسويها لأكثر من بثفندر..ولا أعرف إلا هو...ومدام العالم تختبر قلت خلني أعجل فيه...

والحمد لله على سلامت موترك...والحمدلله جت عليك سليمه..سمعت ناس مغيرين بستم والي وظب كامل...

والله يسلم ويخليك...

[ظنى مرزوق]

على البركة خروج الموتر يابو فهد وبيني وبينك مايهم السعر عند الشغل المضبوظ لو كلف دبل
ودمتم...

[بن محفوظ]

حياك الله ابو نادر .... ويسعدني تواصلك و ردودك والحمد لله على سلامة مواترنا .. والله يكتب لنا ولك الي في الخير

[بن محفوظ]

ابو راشد حياك الله .. وكلامك صحيح وفي محله ...

بس عندي ملاحظه ... ( وين كفرات البالون ))

[ظنى مرزوق]

موجودة يابو فهد تخبر بالديرة مالها غرض رجعنا حقت الوكالة اخف للموتر

[عبدالرحمن السالم]

بن محفوظ .. وابونادر تكفون دلونا على الورشه نبي نروح له .. انا معي 2005 وماشي 78 ألف وودي اجيهم ويفحصون على المسامير ..
لاهنتم والله يعطيكم ألف عافيه بصراحه استفدت من الموضوع كثير ..

[روافد]

شكرا لكم اخوي

[السرب]

ياخوان دلونا على ها الورشه نفحص السياره وهل هي بالرياض . ورشة الموسى الي بعنيزه باي مكان وكم رقم تلفونهم الله يجزاكم الجنه .

تحياتي

[ابوتركية]

اخي Abo Nader السلام عليكم ورحمة اللة وبركاتة
ارجوا ان تخبرني عن الحل لمشكلة المسامير التي تقع في المحرك ( للباثفندر ) وطرقة تصليحة واين صلحت سيارك وهل اللحام المستخدم لحام بارد ( لحام رصاص ) او لحام نحاس
وتقبل تحياتي

[speed 557]

الله يعوض عليك

[Abo Fhad]

يا اخوان والله خوفتونا من ابو بندر ...

المهم وين الورشه الى ممكن تضبطها في الشرقيه او الرياض ....

[أبو فهد11]

السلام عليكم أخوي دحيم آخر لفه

حل المسامير أنكـــ تلحمها فقط

لأنها في أي فتره تسقطــ في البستم

وطلع طقطقه قويه

وهذا رقم واحد ميكنيكي مضبوط

أسمه رشيد أتعامل معه

في الصناعيه القديمه بالرياض

يلحم لكــ الثلاجه

0504423159

وأي خدمه أبشر

[Abo Nader]

السلام عليكم...

ياشباب اسف على السحبه لأني نادر ما أدخل النت...

أبوفهد11...ماقصرت بنشر الرقم لكن للمعلوميه تراه غالي جدا أخذ علي أنا 600 وبالقصيم يصلحونه 250 ولشباب خيار..لكني كنت منزتق بالوقت والظروف..والحين لي أربعة شهور ومشيت 10000كيلو والأمور طيبه ولله الحمد...

[روافد]

ولا تنسون نقص الزيت

شكرا لكم اخوي

[Abo Fhad]

اخي صاحب الموضوع لماذا لا تضيف صورة الثلاجه بعد التصليح .


وشكراً

[جول قميري]

بالنسبة لي رحت لورشة بالقصيم بالتشليح معروف عنه بتلحيم مسامير الثلاجة ورحت لمه يوم الخميس بتاريخ 3/5/ 1429 .. ولحمها لحام بارد (اكسجين) ومدة تصليح السيارة 1:45 دقيقة من بدا الميكانيكي يفك حتى طلعت من الورشة بمبلغ 200 ريال فقط لا غير..

والله يستر على مواترنا والله بدينا نخاف من المسامير ونقص الزيت ... رحماك يارب

[Abo Fhad]

اخي صاحب الموضوع لماذا لا تضيف صورة الثلاجه بعد التصليح .


وشكراً

[وطني]

الله يعينك يا صاحب السيارة بس المهزلة هذي ماينسكت عنه هذا خلل مصنعي في غالب سيارات نيسان

وخاصة الباث فايندر والباترول

يجب عدم السكوت ومحاسبة الوكالة ورفع دعوى للتجارة.....

[وطني]

الله يعينك يا صاحب السيارة بس المهزلة هذي ماينسكت عنه هذا خلل مصنعي في غالب سيارات نيسان


وخاصة الباث فايندر والباترول


يجب عدم السكوت ومحاسبة الوكالة ورفع دعوى للتجارة.....

[monsixnet]

_

مشـــــــــــــــــــــــ وبارك الله فيك ــــــــــكور

[Abo Fhad]

يا اخوان انا رايح القصيم ان شاء الله ودي احد يرسلي رقمه علشان يوصفني مكان هذه الورش ولكم جزيل الشكر ....

جوالي 0505859054

[passat2.0]

في البدايه مشكور اخوي على طرحك

بالنسبه للصوت اللي يطلع من الموتر وهو على نمره ثقيله مثل بالثالث وامشي على هوني
يطلع صوت اللي اخبره بكل الموتر(القرقره) .. بس يصاحب هالصوت صوت زي الجرس خترشه
إذا تعست عليه لا تكون هذي مسامير الثلاجه:confused:

علماً ان الموتر 2005 ماشي 50الف

[alajmi100]

ابن محفوض الحمدلله على السلامه وأرجو التوضيح اكثر وهل المشكله على سيارات نيسان ككل ام على الباث والباترول
ولك جزيل الشكر يا ابن الع

[Abo Fhad]

في انتظار ردوكم يا اخوان

الموضوع ما ينسكت عليه

[الساهر2003]

في البدايه مشكور اخوي على طرحك

بالنسبه للصوت اللي يطلع من الموتر وهو على نمره ثقيله مثل بالثالث وامشي على هوني
يطلع صوت اللي اخبره بكل الموتر(القرقره) .. بس يصاحب هالصوت صوت زي الجرس خترشه
إذا تعست عليه لا تكون هذي مسامير الثلاجه:confused:

علماً ان الموتر 2005 ماشي 50الف


اخوي هذا الصوت من الكويلات طبيعي غير البنزين الى 95 وبعد ما تمشي عليه 2000 راح يخف الصوت بنسبة كبيرة وهو موجود بكثير من السيارات

[عبوووود]

يؤ يؤ

الصوت هذا عندي بالموتر و مبهذل بي

الله يستر بس :(

[سحابه]

والله انك ماقصرت ياخوي بن محفوظ