يالربع الي يعرف الحل يفزع تكفوووون

[الرس999]

المشكله يالربع عندي فتك2005 التناكي الثاني كان شغال ميه لميه.
شغلة السياره ولا الميه واللعه و الناكي الكبير شغال حاولة ابدل مارضى يقلب على الصغير
شيكة لفيوزات كلها عدله نزلة تحت ابى اشوف القسام حق التانكي او اسلاك التانكي ولا شي كله مخفي
الفزعه تكفون
وبعد مساعد الدركسون مافيه بديل اقوى منه بدى ينفض مع المطبات

بنتظار الرد

[عاشق النداوي]

السلام عليكم اخوي (الرس999) الله والعالم ( رح دور كهربائي مضبوط وقله يشيك على الفيوزات صح اذا كانن سليمات خله يشيك هل هو فيه التماس ولا لا اذا كان مافيه التماس خله يشوف القسام الي جواء السياره يمكن خربان اذا كان تمام خله يفك التانكي ويشيك عليه من جواء يمكن الطربه ماتدفع صح او القسام الي جواء خربان او فيه التماس جواء رح كهربائي وخله يشيك على الي قلتلك ونشاء الله بيلق الخراب ونشاء الله يكون الخراب رخيص )

ولاتنسان من الدعاء وبالله التوفيق

[أبو مها]

اخوي قريت في هذا المنتدى موضوع مشابه لمشكلتك مع السفاري
وكان حلها بسيط جدا

افصل اسلاك البطارية وخلة شوي وبعد ذلك رجعها وتنحل المشكلة

[الرس999]

عاشق النداوي (http://www.mekshat.com/vb/member.php?u=69165)

مشكور ياخوي ولاهنت ولا هان غاليك
على المرور
وربي يستر على ها الوجه

[الرس999]

هلا ابو مها

مشكور على المرور
وانشاء الله ببداء في الطريقه الي قلة لعل وعسى
مشكور اخوي ولاهنت

[Black VTC]

شف وانا اخوك انا عندي نفس المشكلة و سويت حلول اولية على النحو التالي :-

1= افصل احد اصابع البطارية لمدة بسيطة ومن ثم اربطه من جديد ..

راح تطفئ اللمبة وراح يرجع الموتر يفضي لك من التانكي الصغير للكبير ..

ــــ

* بعد فترة راح ترجع لك نفس المشكلة:D وش تبي تسوي

2- افصل الكيبل الاحمر من البطارية (الموجب) و وصله بفمك او باي اداة تنقل الكهرباء بالاصبع الاسود (السالب - الماص) طبعاً بدون كهرباء لانك فاصله عن البطارية والسيارة طافيه ولا تنسى تطلع المفتاح من السويتش..

ـــــــــ

*بعد فترة راح ترجع لك نفس المشكلة :p وسع صدرك.

3- افصل كيبل البطارية الاسود ( الماص ) الجراوند كيبل افصله من الثلاث اطراف الطرف الاول من البطارية و الطرف الثاني الاوسط المربوط بحامل البطارية و الطرف الاخير المربوط بالمسمار على الماكينة و صنفرة و نظفة و شحمه و رجعه كما كان ..

ـــــــــــ

* بعد فترة راح ترجع لك نفس المشكة :D :p :( طبعاً وجهك يبي يصير زي كذا بعد كل عملية شي مارن علي :):)

اذا رجعتلك المشكلة مره ثانية حط موضوع بالمنتدى زي اللي انا حطيته في الرابط ادناه وما راح تلقى حل :D وانا ما حبيت اوديها للوكالة لانهم كيف الحال و يبي لي زرقه للصناعية بس ما ادري متى تجي الفضوة :j

عموماً خذ الرابط و شف تجارب الاخوان و شف مصائبنا لتهون عليك تراي سميت هالمشكلة



انفلونزا الفتك
لانها تمر على كل الفتكات واللي عنده حل لا يقصر




الرابط هو


http://www.mekshat.com/vb/showthread.php?t=112728



ـــــــــ

اما بخصوص مساعد الدركسون انا ركبت قبل فترة مساعد دركسون استرالي من الرماية جيد وما عليه خلاف وكبر حق الوكالة مرتين وتحصله تقريبا بحدود 290 ريال والتركيب عند ورشتهم بخمسوعشرين ريال

[أبو مها]

هلا ابو مها

مشكور على المرور
وانشاء الله ببداء في الطريقه الي قلة لعل وعسى
مشكور اخوي ولاهنت
لاشكر على واجب

بس بلغنا وش يصير معاك انا بالانتظار

[راعي الجكس]

الحل عندي @











بعه :mad: :mad: واشتر لاند 94 جي اكس ##تراه نظيف :D
@هههههههههه@
حبيت امزح معك لاكن هذي مشكلة النيسان كثير الخرابات
الله يعيتك

[مقلع الرمث]

اخوي مره اتعبث بالسيارة انا وولعت عندي لمبه التانكي الثاني الصفراء يعني مايحول جيت فصلت البطاريه وشبكتها بعد اشوي ولله الحمد مزبوط الى هالحين لمده تقريبا 4 شهور وبالنسبه للدركسون انا ماركبت شي بس اشوف بعظهم يدبل مساعد دركسون وبعضهم يركب مساعد استرالي قوي وشف الي مجربين والله يكون في العون

[الرس999]

مرحبا خواني بيض الله وجيهكم
جربة فصل البطاريه وللاسف ماصار شي

وانشاء الله بجرب طريقة بلاك فتك

مشكورين للمره الثانيه,وانشاء الله اول ماحل المشكله ابلغكم

تحياتي لكم,وبالنسبه للمساعد شريت اليوم اولد مان الاصفر بس مافضيت اركبه

[الرس999]

السلام عليكم ورحمة الله وبركاته

بيض الله وجهك يابلاك فتك انتي وباقي الربع الي ردو عل الموضوع شبكة الاسلاك الموجب والسالب وضبط الوضع

وبصراحه المقروض يغيرون اسمك بدال بلاك فتك ألى موسوعة الفتك
تحياتي ولاهنتو

والي يعرف لمبة الدبل ليش ماتشتغل يعلمني الله يجزاه خير

[برنو بيشة]

يا خوي هذي غالب من زر تحويل قد يكون خربان عندك