انكشاف جانب المكينة من جانب الكفر وانكشاف الديمنو هل فيه مشكلة ؟

[ماطر]

السلام عليكم ورحمة الله وبركاته
انكشاف جانب المكينة من جانب الكفر وانكشاف الديمنو هل فيه مشكلة ؟
لأن سيارتي الجيب سقط منها الغطا البلاستيكي الواقع بين الكفر الامامي والمكينة واخشى ان شيء من الماء يصل الى الديمنو .

فهل بهذا الشكل فيه ضرر على السيارة ؟؟؟

ولكم جزيل الشكر ..

[الرسن]

طيب وش نوع سيارتك حتى تتضح الصورة.
كما ان هذا الغطاء لم يوضع الا لفائدته بكل تأكيد.
معالسلامة

[Black VTC]

ماطر كان مانيب واهم فموترك سفاري ...

ان كان سفاري رح للوكالة واشتر منهم الربل تراه بحدود 80 ريال وركبه وريح اعصابك يجي كامل مع الكلبسات و لا تهمله لانك اذا دخلت مستنقع ماء راح يوصل الماء من الكفر الى الدينمو و ممكن يسوي لك مشاكل انت في غنا عنها ...

ترا سعر الدينمو عند الوكالة للفتك 2800 ريال :) لا ويبي لك تطلبه طلبية ماهوب جاهز

[ابو سعد التميمي]

السلام عليكم ورحمة الله وبركاته

اخوي ماطر اشتر لك ربلة وفك نفسك على ماقالوا الاخوان لو يجي الدينمو ماء بتبلش فيه وتروح تشتري لك

دينمو اشتر راحة بالك وجيبك وركبها احسن لك

[احب البرواهله]

ياكثر ما تطيح ذا الربله خاصه الي على اليسار والي يخليها تطيح الهواء النتاتج عن دوران المروحه حسب تفسيري أذكر كان معي سفاري وأكثر من موديل ودايم تطيح فالأخير مليت ومعاد صرت أغيرها وماشفت من فقدانها ضرر بس من باب الوقايه يفترض أنك تشوف لها حل

[ابونايف الروقي]

نصيحه ركبه لا تخليه كذا عشان المويه والطين ماتعدم عليك الدينمو ..

[ماطر]

شكرا لكم ................ كثيرا

[ولد وايل]

عندي لك حل سررررررررررريع وبتدعي لي خذ قطعة لستك من البنشر او بطانة الجنط وقصها وحطها مكان الربل حتى انتها المطر او لين تحصل لك بديله مجربه

[ابو نوره]

وعليكم السلام اخوي ماطرانا صارت لي في السفاري وقمت وركبت بدالها لستكوالسبب انها تضر الدينمو او تطير حصاة وتضرب المروحه والاديتر

[.أبوعبدالرحمن]

مهمه القطعة بسبب انها تكشف الينمو والمروحة وبكرات المكينة

يعني لو انها بـ 1000 ريال ركبها

[ابونايف الروقي]

السلام عليكم
امس مريت بنشري واخذت لستك حق قلابي اليوم باذن الله بتوجه للورشه بخليه يقصه ويركب مكان الكلبسات البلاستيك مسامير مع وردات والي يبي يسويها يحرص على ان ماتكون فتحات المسامير قريبه من اطراف اللستك عشان ما ينقص بعني اترك فيه مسافه ولا تنسى الوردات ..

وبحاول اصور اذا قدرت وبحطها هنا

[ابونايف الروقي]

تمت المهمه بس للاسف ماصورت والشغل زي الحلاوه كنه شد بلد والتكلفه 20 ريال ههههههههههه

[Black VTC]

تمت المهمه بس للاسف ماصورت والشغل زي الحلاوه كنه شد بلد والتكلفه 20 ريال ههههههههههه


ما شاء الله تبارك الرحمن عليك يابطل :)...

بس جرب الموتر امش فيه 150 الى 180 مسافة لا بأس بها عشان تعرف قوة تحمل اللستك لاندفاع الهواء يمكن ينقطع او يمصع وخطر ممكن يدخل على السيور او شي ثاني فتأكد من ترهيمك :D

[عقام جدة]

ركبها ومانت خسران وعلى ماقالوا الوقاية خير من العلاج

[ابونايف الروقي]

اللستك الي ركبه انا قارنته بحق الوكاله والله اللستك اعرض منه ويتحمل اقوى من الوكاله