طلعت لنفود ومعي حلوت اللبن وولدي (الله يحفظهم) .. وصار التالي!!

[عرق رملان]

يوم الجمعة الماضي قلت اطلع إتغداء انا والغالية وابني ..الله يحفظهم .. في النفود على طريق الرياض مكة (تحت الزدية) .
الشاهد في الموضوع يوم انا خلصنا من الغداء وكان الجو رائع جداً فوق الطعس جالسين ( معي وانيت دبل ).
لا وانا اشاهد ذيك السياره ليست بالبعيدة من نوع كيا العائلية .. رجل ومعه عائلته وطفاله
المهم انه مغرز وشكله رايح فيها ولسى ما تغداء ( قلت بيني وبين نفسي خله يتعب شوي في التحفير عشان ياخذ درس ما يجيب هالسيارة في هالمكان )
يوم شفت ان الرجال حامت سبدة من التحفير .. قالت الوالدة الله يحفظها انزل ساعدة .. قلت ابشري والله .
ونزلت له ..وحصلت الرجال والله العظيم ان العرق مصبصب من وجهه ( قلت حلو خذا الدرس ان شاء الله )
المهم قمنا بالواجب ..

والزبدة من هالموضوع يوم اني خلصت من الجلسة وجاء حول امسيان وبرد الجو قلت للوالدة وشرايك نتمشى في هطعوس قبل ما نمشي .. قالت توكل على الله .
الشاهد يجماعة وانا امشي على جادة مهده ترابيه ( مسحية ) والنفود على اليمين واليسار
ويوم اني طلعت من المسحية بتقريباً 50 متر وطيح في رباظ يحبه قلبكم .. قلت للوالدة المور زينة ابنسم للكفر ويطلع المؤتر .. والله ونسم الكفر الى تقريباً 15 ولا حياة لمن تنادي الكفرات صارت تدور وقربت حول التعليقة ( لا حول ولا قوة الا بالله ) وش السوات ( المشكله البرد مخلي الناس زابنه في بيوتهم ذاك اليوم لانه بعد البرد الشديد الي مر علينا ولا حياة لمن تنادي لا على الخط السريع )
ويوم الله جاب ذاك النشمي راعي لاندكروزر الله يجزاه خير وحاول يسحبني وطاح في الرباظ معي وشغل الدفلك ونسم كفرات وبعد محاولات حثيثة طلع الموتر بعد ما سحبني لاندكروزر ..

السؤال المهم من هالموضوع للاهل الخبره:
كيف اعرف ان هالمنطقة رباظ ؟؟؟
كيف اطلع الموتر بدون مساعدة سيارة آخر ؟؟
هل الكفرات اذا صارت مستهلكة يعني ممسوحة تؤثر في المشي في الرمل ؟؟

وشكراً لكم

[عبدالرحمن السالم]

هلا والله ومسهلا اخوي أول مشاركه
وطلعه موفقه ان شاء الله والحمد الله على السلامه وبيض الله ووجهك يوم فزعت للرجال المغرز :d

انا بجاوب على إلى اخبره او اعرفه


كيف اعرف ان هالمنطقة رباظ ؟؟؟
الرباظه ياطويل العمر يجي لون رملتها زي الريغه بالتمام ويكون لونها مختلف عن باقي النفود والله وعلم ..


كيف اطلع الموتر بدون مساعدة سيارة آخر ؟؟
اذا طحت بالرباضه لا تدوس ولا شى اشبك الدبل اذا شفتها تحفر حاول بالثقيل ولا تحاول تدوس عشان ماينزل زياده .. اذا مانفع الخفيف ولا الثقيل مالك الا تنسم على الاقل إلى 5 وان شاء الله يطلع معك الموتر وعامتاً نادر انها تطلع من حالها كود سياره ثانيه تسحبك .. والله وعلم


هل الكفرات اذا صارت مستهلكة يعني ممسوحة تؤثر في المشي في الرمل ؟؟

هذي والله ماعندي خبره بها لكن اكيد انها تأثر عليها .. وراح يفيدونك الشباب بأذن الله

والله يطول بعمر والدتك ويخليها ذخر لكم ويخلي لك ولدك
تقبل خالص المحبه
أخوك عبدالرحمن

[abo fasil]

حفظم الله من كل شر

اتوقع زي ما قال اخوي قبل اذا تعلق الموتر مالة الي السحب

او انك من بدايتها تنسم ودبل ثقيل علي اساس ما يحفر معك وتحاول اول ماتدعس علي البانزين تلف الطاره يمين ويسار الي الاخر وراح يتحرك الموتر من مكانة ان شاء الله

هذا الي اعرفة وما يقصرون الشباب بالتوضيح اكثر

[جلاد الصحراء]

لك وللجميع
قبل تدخل النفود نسم الا 15 مهما كان نوع السيارة ولن تغرز

[عبدالرحمن السالم]

انا معاك أخوي جلاد الصحراء لابد من التنسيم لكن الرباضه ماتعرف منسم والا منت منسم تسحب السياره ..
وشى اكيد وحتى لو بتدخل 10 دقايق لازم تنسم ولا تدخل وكفراتك مليانه
وآسف على التدخل مره آخري

[rayes3]

اولا الحمدلله على السلامه
ثانيا الشخص اللي معه عائله لا يخاطر
مع شباب ممكن

[راعي البرهـ]

اخي .اول مشاركه/السلام عليكم
الرباطه تشوف لونها يختلف عن لون النفود افتح من لون الرمل اما اذا وقعت فيها نسم الكفرات وقم بالتبريح للكفرات الاربع واذا حولك اي شيء حجر.شجر حطه تحت الكفرات مع وظع الدبل في الخفيف ثم قم بمرجحه السياره قدام ثم ورا الين تحس ان السياره بدت تحرك ثم شد العزم وتوكل على الله
حفضنا الله واياكم من كل مكروه

[أبوسليمان 222]

أنا ياخوي ولا يهونون الربع كد صار لي نفس الموقف وكان الموتر لاند موديل 89 وجاء يجرن راعي لاند موديل 95 وغطس معي ونشد المجر بيننا والله لا يوريك ساعة وحن نحاول نرخي المجر , ويوم فكينا المجر زدت تنسيم الكفرات وفصلت الدبل وقول بسم الله وبديت ارقص على هوني إللين ما تحرك شوي وقعد على الكفرات لأنه كان مثولث قاعد على الدفرنسات فيوم نهض روحه شبكت الدبل ودوس لك ذيك الدوسه الا فز لك هاك الفزة اللي مابغت غيرها والحمد لله طلعت ونسمت لراعي اللاند وجريته والحمد لله . وتعلمت درس ما اكشت الا والكفرات ما يزودن عن 20 .
وسلامتكم ,,,

[عاشق سوريا]

اولا التنسيم
ثانيا التبريح ثم التبريح..................

هو حل مشكلة التغريز..... سواء معك جيب والا ددسن

واذا طحت برباضة افصل الدبل عشان يخف الموتر... لان مشكلة التغريز بتعلق الدفرنس...

ويستحسن ان يصير معك صاجات على طول بالموتر ماينزلن.....
ماياخذن مكان بالسيارة ورخيصات... ويمكن تحتاجهن بالطين بعد


اما الرباضة... عادة يكون لونها ابيض

[مواطن]

الله يكفينا وإياكام شر الرباضات والله مايضيع وقتك الا هن

[اشهب]

تبي تعرف سبب تغريزتك
ماهو الرباظ مثل ماتعتقد
سبب تغريزتك هو هالمقطع:


( قلت بيني وبين نفسي خله يتعب شوي في التحفير عشان ياخذ درس ما يجيب هالسيارة في هالمكان )
يوم شفت ان الرجال حامت سبدة من التحفير .. قالت الوالدة الله يحفظها انزل ساعدة .. قلت ابشري والله .


انت مارحت تساعد الرجال الا يوم امرتك الوالده والمفروض انت الي تقول للوالده ماهي هي الي تقول لك
يعني اذا كنت حسيت ولو بدرجه ضعيفه انك اقوى فربي حب يحطك بنفس موقفه لاننا بهالدنيا مثل ماندين ندان
المفروض طمرت وساعدته من اول لحظه شفته مغرز وحسيت انه يحتاج مساعده من اخ له مسلم
وخليت الرجال يستانس مع بزرانه
ونصحته النصيحه الي ان شاء الله تبي تحصل اذن صاغيه
خذ النصيحه من خبير بهالدينا وترا النصيحه تشرا بجمل وقلته لك ببلاش

[مقلع الرمث]

اخوي الرباضه مالك سنع اول ماينشب الموتر وشفت الموتر غرز نسم الكفر الين مايصيربه هواءيعني 5 او اقل بعدين طلع الموتر بالثقيل بس لا تجرب بالخفيف ابد بعدين لا خلصت تفخ وبالنسبه للكفر اذا كانت النقشه مافيه اكيد راح يتعبك بالنفود بس يبدا يفحط امل اني افتك

[عرق رملان]

هلا والله ومسهلا اخوي أول مشاركه
وطلعه موفقه ان شاء الله والحمد الله على السلامه وبيض الله ووجهك يوم فزعت للرجال المغرز :d

انا بجاوب على إلى اخبره او اعرفه


الرباظه ياطويل العمر يجي لون رملتها زي الريغه بالتمام ويكون لونها مختلف عن باقي النفود والله وعلم ..


اذا طحت بالرباضه لا تدوس ولا شى اشبك الدبل اذا شفتها تحفر حاول بالثقيل ولا تحاول تدوس عشان ماينزل زياده .. اذا مانفع الخفيف ولا الثقيل مالك الا تنسم على الاقل إلى 5 وان شاء الله يطلع معك الموتر وعامتاً نادر انها تطلع من حالها كود سياره ثانيه تسحبك .. والله وعلم


هذي والله ماعندي خبره بها لكن اكيد انها تأثر عليها .. وراح يفيدونك الشباب بأذن الله

والله يطول بعمر والدتك ويخليها ذخر لكم ويخلي لك ولدك
تقبل خالص المحبه
أخوك عبدالرحمن

الاخ/ عبدالرحمن
بيض الله وجهك يالذيب
ولا قصرت

[ولد وايل]

المهم بالموضوع ان الرباضه لونها افتح من لون الرمل الموجود فيه والاهم يكون معك رافعه هوائيه اللي بالشكمان مهمه جدا جدا

[عرق رملان]

اشكر جميع الإخوان بدون تحديد..
الذين شاركو في الموضوع وقدمو مالديهم من خبرة في الموضوع .
والله لا يحرمكم الاجر
وشكراً لكم
ونتتظر المزيد

[عرق رملان]

واين الشباب ..
واين اهل الخبره في النفود !!؟؟

الله يجزاكم خير

[ذئب اليل]

الرباضة مينفع معه الى عفريتات شكمان وجسور إذ مامعك سيارة ثنيه

والله اعلم

[VTC]

بسم الله
الرباضه غالبا لونها يكون واضح يعني افتح من لون الرمل العادي
واذا موترك دفع رباعي فماعليك خوف اذا اكتشفت انها رباضة فلا تقعد تحاول تطلعة بالخفيف
انزل الله يبارك فيك ونزل هواء الكفرات الى اقل من 5 وبأذن الله مايحتاج سحب يبي يطلع الموتر من نفسه

خبرتي في الرباضات على كثر ماطحت فيها احيانا انزل الهواء الى اني احط المعيار مايتحرك يعني الكفرات متبطحة وماشاء الله من يوم تعطيه اول وهو يفز من محله

[عرق رملان]

بارك الله فيكم يا إخوان

[شبح الصحراء]

يوم الجمعة الماضي قلت اطلع إتغداء انا والغالية وابني ..الله يحفظهم .. في النفود على طريق الرياض مكة (تحت الزدية) .
الشاهد في الموضوع يوم انا خلصنا من الغداء وكان الجو رائع جداً فوق الطعس جالسين ( معي وانيت دبل ).
لا وانا اشاهد ذيك السياره ليست بالبعيدة من نوع كيا العائلية .. رجل ومعه عائلته وطفاله
المهم انه مغرز وشكله رايح فيها ولسى ما تغداء ( قلت بيني وبين نفسي خله يتعب شوي في التحفير عشان ياخذ درس ما يجيب هالسيارة في هالمكان )




الله يهديك الرجال معاه كيا يعني على قد حاله ترى ماهو كل الناس معاها فلوس تشتري جيوب وتطلع للنفود ( ولو انه اخطأ حين غامر بأهله بالدخول للنفود على صغيرة ) يا ليتك طلعته من الأول وخليته يستانس بهالأجواء الجميلة .

بالنسبة للرباضة اذا طحت فيها اظن لازم تنسم واجد وتفرش الكفرات وتستخدم الدبل الثقيل مع عدم لف الطارة اكثر من اللازم (لانه يضر الدبل الثقيل) ولازم تحفر للسيارة أمام وخلف الكفرات علشان ما تغوص اكثر واستخدم غصون الأشجار تحت الكفرات وحاول انك من البداية ما تطيح برباضة بتنسيم الكفرات قبل دخول النفود ولو كانت المسافة قليلة على الأقل نسم على عشرين وحاول اذا دخلت ان عزم السيارة ما يبرد ولا توقف إلا في مكان يسهل الخروج منه .

[ملاعب الاسنه]

اهم مافى الامر لاطحت برباضه الدبل الثقيل ولاتلمس البنزين الا بشويش خل المتور يقص قص لو طول يدرج لين يطلع ان دست تعلقت وان تعلقت ماينفع لك الا كرد خشب تحطهن تحت الكفر والرباضه مثل ماقالو الاخوان يجى لونها مختلف وعادتن تجى بالطمان سافى رمل فوق بعض هذا الى اعرفه والله يستر على الجميع من كل شر

[wewe150]

المهم بالموضوع ان الرباضه لونها افتح من لون الرمل الموجود فيه والاهم يكون معك رافعه هوائيه اللي بالشكمان مهمه جدا جدا


وش رافعه هوائيه اللي بالشكمان

مككن توضيح أكثر أخوك ما يفهم بالامور ذي

[التعـ King ـديل]

بالنسبه للطلعه اتمنى انها كانت ممتعه بس انت لاتصير دب وتخلي الناس تكرف عاونهم من اول نظره علشان تجيك الناس لو صار لك شي

صدقني بقولك قصه صارت لي وانا بخط حرض راجع من الامارات شفت موتر جمس مسخن وقفت وعطيت راعيه المويه اللي معي ومشيت

وبعدها بمسافه ضرب عندي كفر الموتر اليمين واليسار ورا وبغيت انقلب لولا لطف الله سبحانه فيني وصدقني جاني بن حلال وعطاني كفر مع

الاستبنه اللي عندي ومشت اموري على خير وبالنسبه لأسئلتك انا مع اخوي دحيم بكلامه واتمنى الطلعه الجايه تكون شوي حنون وتساعد المحتاج

وخل عنك الدروس لان لو راعي الاند عطاك درس بتحقد عليه صح

[عرق رملان]

الله يجزاكم خير
ولا يحرمك الاجر

[altheeeb79]

الرباضة أعتقد مثل ماقالوا الاخوان نسم الكفرات الى5 والكفرات اذا كانت ممسوحه فتأكد إنها بتتعبك عند الغراز لان النقشه تساعد السياره على المشي والوقوف0مثل لما تمسك فرامل على الازفلت والكفرات ممسوحه ماتوقف السياره وتبدأ تزحف0

[a7la1]

السلام عليكم


عادة انا اقرا ولا ارد بس مدري وش الي خلاني ارد


يمكن عشانك ذكرت الوالده الله يحفضها ويخليها لك


سوف ادلو بدلوي ولا يهون الاخوان الي ردو


في البدايه التنسيم


ثانيا دور المعالي يعني الاماكن المرتفعه وابعد عن النقر


الرباضه هو تجمع الرمل في اماكن منخفضه ولم يأتها مطر
او ضغط


بمعنى اذا نقل الهوا الرمل من مكان الى اخر


فالمكان المنقول منه الرمل يكون قاسي والمقول اليه يكون


كثافته اقل اي رباضه


فإذا كان الهواء عادة يأتي من الجنوب فغالبا يكون شمال


الطعس رباضه


اهم شي تسويه بعد التنسيم ودخلت رباضه لا توقف حالول


تستمر في المشي


واذا حسيت الموتر بيوقف لف يمين ويسار عشان الكفر الي


قدام ما يدقر


وبالنسبه للكفرات كل ما صارت ممسوحه كان افضل


وخصوصا في الرمل


لانها ما تحفر


وانتبه لا تدعس كثير اذا وقف الموتر حتى ما يحفر ويتعلق


والحمد لله رب العالمين

[ابو كلام]

اخي .اول مشاركه/السلام عليكم
الرباطه تشوف لونها يختلف عن لون النفود افتح من لون الرمل اما اذا وقعت فيها نسم الكفرات وقم بالتبريح للكفرات الاربع واذا حولك اي شيء حجر.شجر حطه تحت الكفرات مع وظع الدبل في الخفيف ثم قم بمرجحه السياره قدام ثم ورا الين تحس ان السياره بدت تحرك ثم شد العزم وتوكل على الله
حفضنا الله واياكم من كل مكروه
انا اشاركه الرأي ولكن بالدبل الثقيل اولا عشان ما يحترق الكلتش وبعدين اذا مشلى الموتر من قدام شوي ومن ورى شوي حطه بخفيف وامش شوي وشد عليه فقط.
اما كيفيه ان كيف تعرف الرباظ من الصعب معرفته الى اهلها هم الذين يعرفونها هذا شي واذا نويت تروح للنفود خذ مع صيج نصف متر في متر اذا طبيت في رباض وقام يحفر الموتر لا يروح قدام ولا ورى حطها تحت الكفرات الخلفيه وارجع عليها الين ترقى على محل الرباضه القشرى ثمن كمل عاد حسب ما شرح اعلاه.

[حر الشمال]

مناحيه التنسيم بالرباظه من 10 الى 5

واذا طحت في رباظه على طول اشبك دبل ثقيل وحاول تشوف المكان الاسهل لك يعني مثلا
شوف بالنظر اذا قدام شفت الرمل كثيف ارجع ريوس واذا كان وراك الرمل كثيف روح قدام يعني اتجه على المكان الاسهل لك وحاول انك ماتحمي على الكلتش ولا تعطي ريس كامل على شان مايروح الكلتش

يعني ادبله على خفيف

وسلامتك

[عرق رملان]

الرباضة أعتقد مثل ماقالوا الاخوان نسم الكفرات الى5 والكفرات اذا كانت ممسوحه فتأكد إنها بتتعبك عند الغراز لان النقشه تساعد السياره على المشي والوقوف0مثل لما تمسك فرامل على الازفلت والكفرات ممسوحه ماتوقف السياره وتبدأ تزحف0

بارك الله فيك يالنشمي

[عرق رملان]

السلام عليكم



عادة انا اقرا ولا ارد بس مدري وش الي خلاني ارد


يمكن عشانك ذكرت الوالده الله يحفضها ويخليها لك


سوف ادلو بدلوي ولا يهون الاخوان الي ردو


في البدايه التنسيم




ثانيا دور المعالي يعني الاماكن المرتفعه وابعد عن النقر


الرباضه هو تجمع الرمل في اماكن منخفضه ولم يأتها مطر
او ضغط


بمعنى اذا نقل الهوا الرمل من مكان الى اخر


فالمكان المنقول منه الرمل يكون قاسي والمقول اليه يكون


كثافته اقل اي رباضه


فإذا كان الهواء عادة يأتي من الجنوب فغالبا يكون شمال


الطعس رباضه


اهم شي تسويه بعد التنسيم ودخلت رباضه لا توقف حالول


تستمر في المشي


واذا حسيت الموتر بيوقف لف يمين ويسار عشان الكفر الي


قدام ما يدقر


وبالنسبه للكفرات كل ما صارت ممسوحه كان افضل


وخصوصا في الرمل


لانها ما تحفر


وانتبه لا تدعس كثير اذا وقف الموتر حتى ما يحفر ويتعلق



والحمد لله رب العالمين


الله يجزاك خير على معلوماتك القيمة
وان ذكرت موضوعي هذا عند الوالدة ان شاء الله اني لخليها تصكك بدعوة طيبة
لانك ما رديت لا عشانها ههههههههههههههه

الله يجزاك خير

[عرق رملان]

انا اشاركه الرأي ولكن بالدبل الثقيل اولا عشان ما يحترق الكلتش وبعدين اذا مشلى الموتر من قدام شوي ومن ورى شوي حطه بخفيف وامش شوي وشد عليه فقط.
اما كيفيه ان كيف تعرف الرباظ من الصعب معرفته الى اهلها هم الذين يعرفونها هذا شي واذا نويت تروح للنفود خذ مع صيج نصف متر في متر اذا طبيت في رباض وقام يحفر الموتر لا يروح قدام ولا ورى حطها تحت الكفرات الخلفيه وارجع عليها الين ترقى على محل الرباضه القشرى ثمن كمل عاد حسب ما شرح اعلاه.

بارك الله فيك

[عرق رملان]

مناحيه التنسيم بالرباظه من 10 الى 5

واذا طحت في رباظه على طول اشبك دبل ثقيل وحاول تشوف المكان الاسهل لك يعني مثلا
شوف بالنظر اذا قدام شفت الرمل كثيف ارجع ريوس واذا كان وراك الرمل كثيف روح قدام يعني اتجه على المكان الاسهل لك وحاول انك ماتحمي على الكلتش ولا تعطي ريس كامل على شان مايروح الكلتش

يعني ادبله على خفيف

وسلامتك

جزاك الله خير

[تناهيت]

السلام عليكم



عادة انا اقرا ولا ارد بس مدري وش الي خلاني ارد


يمكن عشانك ذكرت الوالده الله يحفضها ويخليها لك


سوف ادلو بدلوي ولا يهون الاخوان الي ردو


في البدايه التنسيم


ثانيا دور المعالي يعني الاماكن المرتفعه وابعد عن النقر


الرباضه هو تجمع الرمل في اماكن منخفضه ولم يأتها مطر
او ضغط


بمعنى اذا نقل الهوا الرمل من مكان الى اخر


فالمكان المنقول منه الرمل يكون قاسي والمقول اليه يكون


كثافته اقل اي رباضه


فإذا كان الهواء عادة يأتي من الجنوب فغالبا يكون شمال


الطعس رباضه


اهم شي تسويه بعد التنسيم ودخلت رباضه لا توقف حالول


تستمر في المشي


واذا حسيت الموتر بيوقف لف يمين ويسار عشان الكفر الي


قدام ما يدقر


وبالنسبه للكفرات كل ما صارت ممسوحه كان افضل


وخصوصا في الرمل


لانها ما تحفر


وانتبه لا تدعس كثير اذا وقف الموتر حتى ما يحفر ويتعلق



والحمد لله رب العالمين




:good2::good2::good2:

دكتور

موضوع مفيد

الرباضة هي اكبر مشكلة في المكاشيت خاصة في الليل

[سرطوقا]

طيب الموتر لو يتعلق وش بيسوي ؟!

يحفر لين يجيه الربيع ، اهم شيء انك تحفر وتضبط لك طريق وتكون واثق انك بتدوس وبتطلع موب خاايف

نرجع للرباضه ياخوان انا امر مع امكنه ماتفرق بينها وبين الطعوس العاديه تمر وماتدري الا موترك واقف تقول موب طبيعي بعض الرباضه نفس الطعوس تكون الرياح محركاتها وحاطتها بمكان ثاني


موفقين

[awod]

حبيت تعطي المسكين درس راعي الكيا وعايلته:(
وربي حب يعطيك درس وشلون شكل الرباضه وشلون تطلع منها.:d:d

[الهرم]

قصه .... ومعلومات مفيده

يعطيكم العااافيه

[كم كيلو باقي]

خخخ تخيل راعي الكيا يقرآ موضوعك

[سعود الجهني]

لا وانا اشاهد ذيك السياره ليست بالبعيدة من نوع كيا العائلية .. رجل ومعه عائلته وطفاله
المهم انه مغرز وشكله رايح فيها ولسى ما تغداء ( قلت بيني وبين نفسي خله يتعب شوي في التحفير عشان ياخذ درس ما يجيب هالسيارة في هالمكان )



ياخوي والله بنصحكـ نصيحة لو جه الله تراء الشماته ماهي زينه

تشمت على خويك صاحب الكيا وصار لكـ مثل ما صار له

أدري إنك مو فرحان عليه ولا شئ

يمكن جت منك من غير قصد ولكن الشامته ما هي زينه في كال حالاتها


اما سؤالكـ : م عندي خبرة فيه يفيدونكـ الإخوان

وتقبل مروري وشكري لكـ اخوي

[العاذر]

يوم الجمعة الماضي قلت اطلع إتغداء انا والغالية وابني ..الله يحفظهم .. في النفود على طريق الرياض مكة (تحت الزدية) .
الشاهد في الموضوع يوم انا خلصنا من الغداء وكان الجو رائع جداً فوق الطعس جالسين ( معي وانيت دبل ).
لا وانا اشاهد ذيك السياره ليست بالبعيدة من نوع كيا العائلية .. رجل ومعه عائلته وطفاله
المهم انه مغرز وشكله رايح فيها ولسى ما تغداء ( قلت بيني وبين نفسي خله يتعب شوي في التحفير عشان ياخذ درس ما يجيب هالسيارة في هالمكان )
يوم شفت ان الرجال حامت سبدة من التحفير .. قالت الوالدة الله يحفظها انزل ساعدة .. قلت ابشري والله .
ونزلت له ..وحصلت الرجال والله العظيم ان العرق مصبصب من وجهه ( قلت حلو خذا الدرس ان شاء الله )
المهم قمنا بالواجب ..

والزبدة من هالموضوع يوم اني خلصت من الجلسة وجاء حول امسيان وبرد الجو قلت للوالدة وشرايك نتمشى في هطعوس قبل ما نمشي .. قالت توكل على الله .
الشاهد يجماعة وانا امشي على جادة مهده ترابيه ( مسحية ) والنفود على اليمين واليسار
ويوم اني طلعت من المسحية بتقريباً 50 متر وطيح في رباظ يحبه قلبكم .. قلت للوالدة المور زينة ابنسم للكفر ويطلع المؤتر .. والله ونسم الكفر الى تقريباً 15 ولا حياة لمن تنادي الكفرات صارت تدور وقربت حول التعليقة ( لا حول ولا قوة الا بالله ) وش السوات ( المشكله البرد مخلي الناس زابنه في بيوتهم ذاك اليوم لانه بعد البرد الشديد الي مر علينا ولا حياة لمن تنادي لا على الخط السريع )
ويوم الله جاب ذاك النشمي راعي لاندكروزر الله يجزاه خير وحاول يسحبني وطاح في الرباظ معي وشغل الدفلك ونسم كفرات وبعد محاولات حثيثة طلع الموتر بعد ما سحبني لاندكروزر ..

السؤال المهم من هالموضوع للاهل الخبره:
كيف اعرف ان هالمنطقة رباظ ؟؟؟
كيف اطلع الموتر بدون مساعدة سيارة آخر ؟؟
هل الكفرات اذا صارت مستهلكة يعني ممسوحة تؤثر في المشي في الرمل ؟؟

وشكراً لكم


أولا :: دخولك للنفود ومعك عائله اكبر غلط من وجهة نظري ؟؟

ثانيا :: لاتذهب لاي رحله بريه بدون خوي وياحبذا لوا كانوا أثنين

ثالثا : الرباظات تعرفها بشكلها تكون منخوله وشكلها يختلف عن لون النفود وهذي تعرف بالفراسه ؟

رابعا :: الكفرات البالون هي الكفرات الوحيده المخصصه للرمل وتكون عمليه اكثر مع التنسيم

خامسا ::لاتتهاون بالرمل فانه مصيده للجيوب ومتلف للمحركات وللسياره خاصه في الصيف وعدم نزول الامطار

سادسا::لا تقد السياره خارج الخطوط او الجواد المطروقه بالسيارات خاصه اذا كان النفود غير ممطور

لا علا قة للكفرات الممسوحه في الغراز ونظر الى كفرات البالون وش لون ناعمة الملمس ؟؟؟؟؟؟؟

والشماته ماهي زينه انتبه

[AL-ashhab]

1-التنسيم .
2-التبريح .
3-تفلت كلتش بشويش بدبل ثقيل وتسويله جره بدون مايحفر
ويطلع بإذن الله على طول.

[VTC-209]

والله يا انا مبطي عنكم

ماشاء الله الشباب كفو ووفو

لكن مثل مايقولون الربع ابدلي بدلوي

غالبا النقر الي فيها رباضة تكون خالية من الشجر ولون الرمل يكون فاتح
عن لونه
واذا كنت بالليل ودخلت نقرة خلك قريب للشجر لانه تكون ارض شادة شوي بسبب الجذور
خلك حول الشجر وان شاء الله تسلم
والله اعلم

[الشنه]

اخوي اذا قصدك الي بعد الزديه على اليسار عند المسجد على اليمين عند ام دكه

يايشن ذيك ألأرض اعوذ بالله
مره شيت في الليل الساعه 2 وبرد المهم امشي ومروق مدريت الى و الموتر في محله

وانسم مافيه فايده واشغل الدبل الثقيل واطلع
مع اني كذا مره جيت وامشي من دون دبل لاكن مدري وش الي صار

[الجندي2005]

اذا طحت بالرباظ غالباً ما تطلع السيارة الإ بالجر من سيارة آخرى خذها من قاصرها ودور لك احد

[حكيم المجالس]

: : :

: :



الله يجزآك خير انت ويآه :)



الموضوع من آول 2008 :)


بالتوفيق


,

[hadaj]

حبيت تعطي المسكين درس راعي الكيا وعايلته:(


وربي حب يعطيك درس وشلون شكل الرباضه وشلون تطلع منها.:d:d



:good2::good2::good2::good2:

[عرق رملان]

بالنسبه للطلعه اتمنى انها كانت ممتعه بس انت لاتصير دب وتخلي الناس تكرف عاونهم من اول نظره علشان تجيك الناس لو صار لك شي

صدقني بقولك قصه صارت لي وانا بخط حرض راجع من الامارات شفت موتر جمس مسخن وقفت وعطيت راعيه المويه اللي معي ومشيت

وبعدها بمسافه ضرب عندي كفر الموتر اليمين واليسار ورا وبغيت انقلب لولا لطف الله سبحانه فيني وصدقني جاني بن حلال وعطاني كفر مع

الاستبنه اللي عندي ومشت اموري على خير وبالنسبه لأسئلتك انا مع اخوي دحيم بكلامه واتمنى الطلعه الجايه تكون شوي حنون وتساعد المحتاج

وخل عنك الدروس لان لو راعي الاند عطاك درس بتحقد عليه صح

الله يضحك سنك وانا صايم :d
اولاّ منيب دب .. خبرت دب راعي بر وفزعات مستحيل يالله يدربي عمره تبيه يفزع .. ما فيه امل يالله يحرك عمره الله يعينهم على الشحوم .. انا رشيق ونشيط واجعلك ما تطارحني :d
ثانياّ صدقني لونه معه موتر دفع رباعي كان على طول فزعت معه ولكن الي يستهتر ويخاطر بعياله على سياره حدها السفلت يجب انك تعطيه درس بسيط .. اذا هو على قد حاله لا يطلع من الردميه ويطب النفود ( مدري وش دخل قد حاله في الموضوع )
ثالثاّ وليس مدح العمري ولكن مستحيل امر لم واحد على خط او في موقف صعب وخليه .. اترك مراهقين الثمامة والاماكن هاذي مستحيل افزع معهم .. ولكن اعرف من يستحق الفزعة !!
رابعاّ صدقني حنون مرررره وقلبي ابيض من البيضة :d
خامساّ الدروس صدقني ضروريه لبعض البشر
تحياتي لك ولي ردك الجميل الي اضحكني

[عرق رملان]

حقيقة فيه بعض الردود تحتاج تفصيل وتعليق
وراح اعلق عليها
ولكن مهب الحين وقت اوسع
تحياتي

والله يا شباب اني ارتعت يوم شفت تاريخ الموضوع 1- 2 - 2008م
اقسم بالله فكرت انه من سنه تقريباّ
يا الله الايام تمشي الف
يا الله حسن الخاتمة والعمل الصالح

[سوبر مكشات]

احمد ربك ما طحت بدفان

الريغه ام الرباضه والدفان ابوه

اذكر طحنا بدفان اعوذ بالله يالله لطفك بعبادك

نزلت اللي معي كلهم

ونسمت حطيت 10

وحطيت الثقيل وقاعدن اكسر يمين ويسار على الكلتش فقط لانك لو داوست كان صرت مثل الفردات ال56 وال66 المجدوعات بالبر

ان يقعد الموتر بمحله 40 سنه ثم تجي الجنادريه ياخذونه

اذا طحت برباضه انزل نسم علطول وحط الثقيل وكسر الطاره وعلى الكلتش فقط لاتدوس اذا قرب الموتر يطفي ساعده بدعسه خفيفه جدا

وبتلع ان شاء الله




(احيانا تتمنى انك تطيح برباضه ولا دفان ولا يمسك سيارك جني)
كانك تبي القصه راسلني عالخاص ما ودي ارعب الاعضاء

[أبو سلطان400]

السلام عليكم ورحمة الله وبركاته
أتكلم حسب خبرتي والي أعرفه
أذا صارة سيارتك في الرباض
ياطويل العمر والسلامه شغل الدبل الخفبف لف الكفر الى أقصى اليمن ودعس خفيف مره
ثم رده أقصى اليسار ثم أدعس خفيف كرر هاذه الحاله عدة مررة
الى أن يكون هناك أمام الكفرة الي قدام مسافه ثم عدل الكفرة ودعس على الخفيف وأنشاء الله تطلع
بدون أحد يسحبك

وتقبل مروري

[الخالدي علي]

السلام عليكم ورحمة الله وبركاتة
أشهب عطاءك زبدة الكلام