جنوط الشاص

[عليمي]

السلام عليكم
ياجماعة الخي عندي استفسار عن جنوط الشاص التايوتا حقت بلده الشنبر وش أحسن هي والأ الجنوط العادية مثل اللي يسمونها بعض الأعضاء هلل وكذالك جنوط الكروم وجنوط اللكسس وحسب علمي الهلل والكروم يكون الكفر تيوبلس مما يسهل عمل البنشر يعني رقعة والكفر مكانه في السياره .
السؤال :
- وش هو الأفضل منها شنبر والا هلل وال كروم ؟
- وش هو العملي منها شنبر والا تيوبلس ؟
- ياليت نعمل مقارنه . :confused:

[شاص&نص]

و الله يا غالي كل إنسان و ذوقه و بالنسبة لي فأنا أفضل جنوط شد البلد

[عليمي]

شكرا علي مرورك يالشاص الحقيقة جبرت بخاطري :D :D .
مافية شك كل واحد ومزاجه بس ودي اعرف الأفضل من حيث الراحة للسياره وإيضا اصلاح البنشر والقوه لأني سمعت ان فك بنشر الشنبر اسهال .
وما يمنع نشوف رائي آخر:no2: تحياتي .;)

[شقران نجد]

هلابك اخوي عليمي
بصراحه ترجع للذوق انا فكيت الشنابر وركبت اللكزس مع دنلوب 16 عقبها الموتر صار الين بالمطبات واركد من الشنابر وكفرات الوكاله

الهلل ماهيب شينه بل ممتازه ....


اخوك
ابو نمر

[عليمي]

بيض الله وجهك ابو نمرعلي المعلومات القيمه .