افيدونا مأجورين (في صوت طقطقة تحت الجيب عند أكل المطب )

[أبوسليمان 222]

السلام عليكم جميعاً,,,

ومبروك الخير واللهم اجعله صيباً نافعا .
يا أخواني المكاشيت أنا شريت موتر باترول مستعمل استعمال خفيف , ولقيت فيه مشكله وصاحب الموتر يقول ماخليت شيء الا وسويته , وهي أن فيه صوت طقطقة إذا أكلت مطب كبير أو صغير ,ومكانه تحت قدام قريب من دفرنس قدام والمشكلة أنه بعض الأحيان الصوت يروح ما كن فيه صوت .
ويا جماعه اللي كد صار له نفس المشكلة يحتسب الأجر ويقولنا....

[أبوسليمان 222]

انتظر
للرفع

[أبو مها]

صارلي نفس المشكلة بس بسيارة ثانية وكان السبب في جلد المقصات

[عاشق النداوي]

السلام عليكم(ابو سليمان 222) انا والله معي باترول وصارلي نفس المشكله شف عندك طال عمرك يمكن الشكمان يصقع بالبدي احياناً من تحت انا صارلي زي كذا وقصوا الشكمان ونزلوه اذا كان مب الشكمان ناضر الجلب والمساعدات والمقصات تفحصهن يمكن تلقاء الصوت منهن
وبالله التوفيق

[مواطن]

صارت عندي المشكلة مرتين مرة صار رمان الكفرات ومرة ثانية صارت جلبة الدركسون الموتر باترول 99

[عبود8289]

انا عندي نيسان 99 صار لي نفس المشكله والسبب جلده بين بدي السياره والشاص

[الحسي]

الله يعينك

عندي نفس المشكلة


وأقرب سبب ربلات البدي

[ناوي نيه]

شف اذا هو عادي طبيعي
ومن رااايي خله على ماهو لاتفتح باب مغلق على نفسك
تحياتي

[أبوسليمان 222]

$$أشكر كل من ساهم وشارك في الموضوع وهذا ليس بغريب على أعضاء (عائلة) منتدى المكشات الأعزاء على قلوبنا$$

نسيت أقولكم أن الموتر جديد موديل2006 يعني ما أعتقد أنه جلد والا مقصات لأن عمرها على ما اعتقد طويل !!
ولا تنسون يا أخواني أنه بعض الأحيان يسكت ما أسمعله صوت .