رايكم في ونيتات ارامكو الجمس الدبل؟؟؟؟؟؟

[البيـرق]

السلام عليكم ورحمة وبركاته

يا اخوان.....لي فترة وانا ادور لي ونيت دبل جمس.....قطع 10

ومالقيت شي مناسب......واشير لي بالونيتات حقت ارامكو الدبل القطع 10 قير اتوماتيك.....

وابي رايكم فيها من ناحية العزم والقوة وحجم المكينة و الموصفات؟؟؟؟؟؟

وترا رأيكم يهمني حيث اني سوف ابني عليه الشراء ولا لا باءذن الله تعالى.............

[شروكي ربع]

والله غالبا مواتر ارامكو تكون نظيف ..


والمواصفات لا اتوقع ستجد مواصفات , لان غالبا تكون ستاندر ( سياحي )



ولكن افحص وتأكد من الموتر اذا وجدت النظيف والمعقول ..



واذاتبي الراي القير العادي افضل من التماتيك ..

[سعد777]

اذا حصلت واحد نظيف ياسلااااااااااااااااااام
سواء تماتيك او عادي بس افضل قير عادي


وحاول انك تطيح في حق أمن صناعي او مدير مايروح بعيد بس ما يخلونها الشريطيه يعرفونا على طول ويغلونها

[نبع الدموع]

وانا اخوك سيارة ارامكو ان لقيت وحدة نظيفة زين و مثل ما قال اخوي سعد
لا تاخذ الا حقت الامن ولا غير كذا نصيحة مني موظف ارامكو لا تاخذ و
و اكررها لك لا تاخذ خصوصا سيارات البايبات (البايب لاين) و الاماكن النائية
لان الشباب ماهم مقصرين فيها لاعبين فيها لعب.

[ناوي نيه]

ولله الحمد شاري واحد ماشي ميه وسته الف قير عادي دبل 45 الف
لقيت على 40 الف بس ملعوب فيها لعب ماشيه فوق الميتين ومكسره
زين اذا لقيت بس اقولك ترا قير العادي فيه عيوب مدري ان كان الي عندي بس شفت واحد نفس الحكايه

[shababi]

طيب وش الافضل سيارات ارامكو ولا مستعمل امريكي ؟

[البيـرق]

ما قصرتوا ياشباب

طيب والعزم والقوة؟؟؟؟والمكاين كم 350 ولا 450 للقطاع 10

[راعي هوى]

السلام عليكم
اسمحولي يا اخوان هذي اول مشاركه لي بس حبيت اذكر لاخوي البيرق ان في فرق تحصله بالمكاين بيت الامريكي والجمسات حق ارامكو ال s10 وهو ان الامريكي تجي مكينته 5.2 أمى الوكاله يجي 4.8 والصراحه انا عندي تاهو 2002 امريكي وقبله وانيت 2500HDقماره ونص كلهم وارد امريكا والصراحه كد اكثر من الوكاله وخرابات اقل بس حط ابالك انه يكون وارد كاليفونيا او تكساس لان الجو مقارب لجونا واهم شي تفحص الموتر فحص كامل من الصدى واسمحلي على الاطاله راعي هوى (الكويت)

[شبح الصحراء]

فاااااشله من واقع تجربة مريرة مع سيارة استعمال أرامكو مواترهم مهدود حيلها ومكروفة .

[البيـرق]

ماقصرتوا.....................وجزاكم الله خير

والمشكلة مالنا الاهي متوفره و ارخص شي بالسوق....

وان لقيت وارد الجميح تلقى راعيه مغليه....

[fza3]

نصيحة للي يبي ونيت و يدفع وهو مرتاح....
يروح للكويت وبيلقى بالهبل شي نظيف واسعار معقوله مع مميزات افضل والافضل يروح للسالميه لان اهل السالميه يستخدمونها حق قلص الطراد بس.

[عريني]

اخي الكريم ولا يهون المشاركين
السلام عليكم ورحمة الله وبركاته
بغيت اضيف اضافة بسيطه وهي تجربه مررت بها مع الجموس ارامكوا وغير ارامكو والخصها في جملتين اذا بتتقبل النصيحه مني
اترك عنك الجموس كلها ترا ما وراها الا الخساير وتضييع الوقت ومشاكل الزيوت والخرابات المفاجأة بدون مقدمات الا اذا انت رجال بتشتريه جديد من وكالته فالله يقويك واحسب له 3 سنوات اذا كنت راعي مكاشيت ومقناص ولا غيرها ابعد وخلك على الياباني وهذا من واقع تجربه
اتمنى ان تتقبلوا مشاركتي ولكم خالص الشكر والتقدير

[عريني]

السلام عليكم ورحمة الله وبركاته وبعد
اخي الكريم ولا يهون المشاركين ابعطيكم تجربتي لخمس سنوات مع الجموس وابختصرها في جملتين
ابعد عن الجموس المستعملة ارامكو والا غيرها ترا ما وراها الا الخساير وتضييع الوقت وتهريب زيوت وخرابات مفاجأة الا اذا انت قادر على سعره جديد فعليك فيه واحسبله 3 سنوات وبعه هذا من واقع تجربه الله وتبي نصيحه خلك على الياباني ما مثله
اتمنى ان تتقبلوا مشاركتي مع تمنياتي للجميع بالتوفيق

[system]

شف يالطيب تأكد من الختم اللي على الرفرف اللي ورا حتى لو ممسوح ببولش يبين على خفيف طبعا هو حرفين بالانجليزي وكم رقم عليك بالحرفين اذا هي(dh) خذه وانت مغمض واذا هو (ab) انحش لان الاول سيارات الظهران نظيفه وماجاها كرف لكن الثانيه حقات بقيق مقطعه الربع الخالي وكلها مرموله ومحليه .....

للمعلوميه قليل تحصل بسيارات الظهران دفع رباعي .

[ناصح]

السلام عليكم ورحمة الله وبركاته وبعد
اخي الكريم ولا يهون المشاركين ابعطيكم تجربتي لخمس سنوات مع الجموس وابختصرها في جملتين
ابعد عن الجموس المستعملة ارامكو والا غيرها ترا ما وراها الا الخساير وتضييع الوقت وتهريب زيوت وخرابات مفاجأة الا اذا انت قادر على سعره جديد فعليك فيه واحسبله 3 سنوات وبعه هذا من واقع تجربه الله وتبي نصيحه خلك على الياباني ما مثله
اتمنى ان تتقبلوا مشاركتي مع تمنياتي للجميع بالتوفيق

أنا اعتقد أن الاخ عريني أقربكم للواقع وأنا اتفق معه كثيرا...

[بواردي الدلم]

الحمد لله معي جمس قطع عشره 86 ولا احلى منه لاخرابات ولاشي واذا خربها وخرب تلقى قطعته متوفره ورخيصه جدا لدرجه انك تحس انه يبي يصفي المحل او فاتح ابو ريالين
اما الياباني اللي توصون عليه خفيف ووذف لاكن ادنى شمعه( قشعه) تنفضه لين راسك بالتنده
اما الجمس يوطى على خشمها ويمشي مادرى عنها

[Eng.3beed]

والله انا اشوف ان اللي يبي جمس يشتري جديد لان المستعمل مشكله الصراحه اول يجرب كلام الاخ اللي قال يروح الكويت