هذا ما حصل اليوم معي

[سرمد2007]

يا جماعة الخير اليوم طلعت على الساعة 4 وشوي العصر مع فلوسي
بشتري اف جي عندك والفرع على بداية طريق خريص بعد الدوار
جلسنا عند مندوب المبيعات بعد انتظار
السلام عليكم وعليكم السلام
كم اسعار اف جي كامل مواصفات قالي 115 مائة وخمس عشر الف يقول زادت السيارة الفين
لية تعذر الرجال في طريقة الرد
قلت لة تم مافي مشكلة ابي اشتري كاش
متى اسلتم السيارة ابغي لون ابيض او بيج قالي قليلها بعد شهر ؟؟؟؟؟؟؟؟؟
قلت له وش دعوة طويلة المدة كثير قال اذا جات بعد شهر زين
قلت له طيب الفورتنشر بكم قالي 111 مائة واحدى عشر
زاد الفين على كلامة
قلت له اوكي مافي مشكلة متى استلم السيارة قال مثل اف اجي ؟؟؟؟؟؟؟؟؟؟؟؟
والحل قال مافي حل غير يلي قلت لك ادفع الفلوس ويكون بينا اتصال ان شاء الله .
قلت له طيب يعيك العافية مع الف سلامة
وخلاص ماني شاري شئ جزت من امري
معقول يا جماعة ما في سيارات ؟
او هي خطة تسويقية ؟
شئ غريب السيارة 2008 من متى نازلة والجماعة مافي مافي وحجز وغيرة والله ماكنت مصدق كلامة
اقول له انت تتكلم جد يقول لي اي هذا الواقع قلت له الفلوس معاي الحين ادفع قال لي في كثير مثلك ما اقدر اقدمك على احد قلت له اللاوان الموجودة
قال ولا شئ الكل حجز ؟؟؟؟؟؟؟؟
صارت التيوتا مثل المارسيدس تشتري بعد ست شهور تستلم المرسيدي تحدد المواضفات ياجماعة مو مثل هذا جاهرة تختار اللون بس
يا جماعة والله غريب الموضوع قلت له طيب ماني شاري الحين ولا بعدين
بطلت
ابتسم في وجهي بكل برود لسان حالة يقول في غيرك الف قم خلني اشوف يلي بعدك
؟؟؟؟؟؟؟؟:confused:

[saad8794]

اخوي سرمد 2007 ... هذي سلمك الله عند عبداللطيف جميل مشكلة في موازنة 2007 ووقف بيع أي سيارة حتى ينهون حسابات العام الماضي ... هذا اللي سمعته من واحد يشتغل عندهم ... واحد من الزملاء دفع من قبل اسبوعين تقريباً يبي أفالون 2008 والى الآن ينتظرهم !!

[wewe150]

عبدالطيف جميل يستخدم طريقة جهنمية لتسويق اي موديل جديد ينزل من تويوتا..


اليوم انا كنت في المستودعات المركزية الرئيسية لعبدالطيف جميل بمنطقة الخمرة جنوب جدة التي توزع لفروعها بالمملكة... وبالخفاء وبمساعده موظف صديق لي استطعت الدخول حيث يمنع دخول غير المصرح لهم بتاتا وتهولت من ضخامه حجم المستودعات والسيارات اعدادها بالالاف من جميع الطرازات تويوتا ولكزس حيث انه اكبر مستودع لتويوتا في الشرق الاوسط والثالث عالميا ومن ضمن ماشاهدت ياخوان جيب لكزس الجديد ويتم الانتقال بالسيارة داخل المستودع والمفاجأة الاندكروزر متوفر باعداد مهوله من جميع الطرازات في اكس وجي اكس والالوان الي تخطر في بالك موجودة وقلت لصديقي الي يشتغل بالمستودع ليش اروح لمعارضكم ويقولون مو موجود عندنا ..قال هاذي سياسة عبدالطيف جميل حيث يأخذ الحجوزات من الناس الي ترغب في الشراء ويوهمهم ان الطلب زايد علي السيارة وانها مش متوفره حتي تزيد الطلبات ويضمن انه جمع اكبر قدر من الطلبيات ثم يسلمها للزبائن دفعه واحدة وقالي ان ابوجميل يسوي هالحركات منزمان و صارت لمن نزلت الافالون موديل 2005 الشكل الجديد والفورتشنر والاينوفا الفان ..

المضحك ياخوان انه داخل المستودع وجدت 3جيوب لاندكروزر موديل 2003 جدييييدة من طرازات في اكس ار لكن متضررة مرة من البرد الي ضرب جدة قبل سنوات وشكله ابو جميل مادري عنها ولاصلحها وكنت اتمني اني صورت المستودع لكن خويي رفض بشدة وقالي لاتقطع رزقي تري فيها فصل وقطع ارزاق ونزلت عند رغبته وماصورت ..


تحياتي للجميع..

في قاعدة في الاقتصاد أذا قل العرض زاد الطلب وبالتالي ترتفع الاسعار ....

[شمالات نجد]

ليش لازم الوكالة

أبحث عند الموزعين المعتمدين وعند المعارض

بالتوفيق

[alkongrs]

الله يعز المعاااااااااااااااااااااااااااااااااااااااااااااا ارض

تلقى الى انت تبي ويمكن ما يزود شي من قيمة السياره الى قليل

[الرسن]

ياجماعة انصحكم نصيحة لوجه الله اللي يبي يشتري تايوتا يروح للكويت يحصل مواصفات والوان واسعار مشاء الله تبارك الله اضافة لضمان صح بكل ماتحمله الكلمة من معنى يعني مافيه تلفيق وقص ولزق صيني مثل سيارات ابو جميل صدقوني الاسعار منافسة ومافيه جمرك لأن الجمرك موحد من موديلات 2003.
معالسلامة

[مشروع بحار]

هذي طبيعتهم من 2002

انا رحت مركز لكزس جده عام 2002 بشتري ls 430 ولون اسود قالو والله مافي الابعد شهرين بالقليل

هذا الكلام 16 رمضان تقريباً قلت حبيبي انا بعيد والسيارة معي وهذا الشيك ومصدق بعد

قال اللون اللي تبيه صعب وعليه طلب

قلت قلتولي هذا الكلام العام وفي رمضان وبطلت لان السيارة ماكانت بتجي الا بعد شهرين

والحين تقولون نفس الكلام قال مااقدر اسوي شي قبلك كثير

هذا الكلام بعد ماشاف الشيك وعرف اني صاااامل

قلت طيب يالله في آمن الله مرسيدس قريب منكم بروح ادور عندهم

قمت وجيت ماشي الا والحبيب ينادي تعال تعال بنحاول قلت ماابي محاوله ابي ايه او لا

قال بتعيد بالسيارة ان شاءالله اربع ايام والسيارة واقفه عن البيت

والله مثل ماقولكم بالحرف هذا اللي صار معي

ويشهد الله ان هذا اللي صار معي بالحرف

[salehhd]

السلام عليكم

صحيح هناك ازمة في سيارات تويوتا واعتاقد ان السبب هو شراء الموزعين كميات كبيرة علشان يبيعونها بأسعار اعلى من الوكيل

[ذيب الاطوى]

حبيبي الالفين الزياده هذي حقت التضليل الاجباري
وسبق وكتبت موضوع عن هذا التلاعب على هذا الرابط
http://www.mekshat.com/vb/showthread.php?t=115382&highlight=%C7%CD%CA%ED%C7%E1

[نبع الدموع]

اخوي مثل ما قالوا الرجال في المعارض تاخذ السيارة على الصفر
و ضمان ابو جميل و حتى الفرق الي يضيفة عبداللطيف جميل في
السعر ما تلاقية عندهم.

[shababi]

بالمبلغ الي معك تقدر تشتري نيسان باترول اطلق مليون مرة من الاف جي واللندكروزر