ماطور هواء مجرب وقوي

[abo fasil]

السلام عليكم ورحمة الله وبركاتة

اخواني حبيت انقل لكم الي صار معي لتعم الفائدة

اكيد كل اصحاب تايوتا يعرفون الموضوع وهو ماطور الهواء الي يجي مع الموتر الجديد وكل الناس تستهن فيه

وتفاجاءت بقوتة في نفخ الكفرات

الموضوع انة نسم علي الكفر وجاء واحد من الشباب الله يجزاة خير ومعه هذا الماطور الصغير بصراحة انا استهنت فيه بالبداية لكن اثبت انه اقوي من الي في الغرابي كلها

ارجو من اصحاب سيارة تايوتا يوضحون اكثر

[Khalid AlGhamdi]

حياك الله اخوي لي تجربة مشابهه في نفود حايل

تعلق موتري واضطريت اني انسم الكفرات بالحيل ، ولامعي الا منفاخ تويوتا اللي جاي مع الموتر

http://www.mekshat.com/pix/upload02/images56/mk6097_10.jpg


وتفاجأت من قوته وسرعته والاغرب انه مايحمى !!! صحيح الجو كان بارد لكن اخبر ابوجمل لو تسلمه بعد نفخ الكفرات يحرق يدك ولو بالمربعانيه !

[فرخ الشاص]

غريبة !!!!

أنا عندي واحد زي اللي معكم بس والله بطيء ما يقارن بأبو جمل أبد !!!

أبو جمل نتفخ به 3 مواتر ورا بعض على طوول ويسخّن شوي بس يستمر بالعمل ....!

لكن حق الوكالة تفخت به موتري ويوم بديت بموتر خويي قام يطلع دخان أبيض طفيته على طوووووووول

والحمد لله لازلت أستخدمه إذا كان أبو جمل غير موجود ..

(( الموتر هايلكس >>> خبراء تنسيم وتفخ موب زيكم يالجيوب ما شاء الله عليكم ))

[سفاري نجد]

أهداني واحد زيه ولي 4 سنوات واستخدمه تحت المرتبه حجمه صغير ومناسب تحت المرتبه وفعلا مافيه حراره مثل ابو جمل ،،،

أبو جمل عندي أحتياط للكشتات الطويله ،،،

شفته يباع في محل العليان وكذلك الغرابي !! نسيت كم سعره ليت أحد يفيدنا عن سعره !!

[abo fasil]

شكرا علي ردكم والتعليق
فعلا هو نفس الي بالصوره

السوال هل يباع في الغرابي او محلات قطع الغيار نفس الي يجي مع سيارات تايوتا (يعني اصلي )

وشكرا لكم

[هشام005]

:) مساء الخير جميعا :)
انا عن نفسي اقول ان ماطور اسمه (ساكا-saca) هو الافضل :good: وله معي اكثر من 4 سنين قوي وسرعت النفخ جيده جدا :) واذا تبغاه تلقاه في محل وانت داخل للغرابي من اوله اذا مشيت لك تقريبا 100 متر بعد التقاطع الاول فيه محل اسمه الوعلان على اليمين هو والمحلات الي يمينه ويساره وقيمته تقريباً حوالي من 290 ريال الى 270ريال
وانا عن نفسي سراحه اقول انه ممتاز:cool: وانصح الشباب فيه,:cool:
بس الي بياخذله واحد اهم شيء ان ليه الاصفر مهب زين :no: ابدا فيروح يوديه لمحلات كبس الليات و ويسوله واحد عادي بحيث يكون بطول السياره :)
واتمنى اني افدتكم :D
وشـــــــكــــــراً :D