ابي رايكم في البليزر موديلة 84

[ابوووسعود]

السلام عليكم ورحمة الله وبركاتة
انا عندي بليزر موديلة 84 دبل اتوماتيك وكل ما قلت للشباب مشينا للبر
قالو مانضمنه جب موتر ثاني معنا والله انهم كرهوني فيه
مع اني لي كم من شهر شارية
وحاط فيه تعديلات وصارف عليه
اكثر من 5000ريال تضبيط ليس من الناحية الجمالية بال
من الناحية الفنية


ياشباب اذا قلبته عادي تزول مخاوف الشباب
وابي منكم نصايح على هذا الموتر وش انتبه له من الناحية الفنية
او بالاصح من الناحية الميكانيكية


وابي الله لا يهينكم ورشة تهتم لهذه المواتر
وابي اقلبة عادي عندهم تعرفون ورشة ممتازة
وابيهم يشكون عليه من الالف الى الياء
علما اني ساكن في الرياض


وابي رايكم في البليزر موديل 84 بشكل عام


واكون شاكر ومقدر

[أسد تميم]

من وجهة نضري انه قمت السيارات في القوه والتطعيس ولاكن يبيله رجال راكد لان مشاكله في الشيصان دايم تشعر

[Bader-M]

الصراحه اختيار موفق

من واقع تجربه شخصية

يمتاز
1- السعة
2- سهل الصيانه
3- رخص قطع الغيار
4- توفر قطع الغيار

انا اقولك
جب لي سيارة توضيبها يكلف اقل 2000 ريال
يعني توضيب البليز ارخص من الددسن

على فكره اذكر موضوع عن رابطة ملاك البليز
في هذا الخيمة
ابحث و سوف تجده
وانا متاكد انك سوف تستفيد من الموضوع كثيرا

...........
الله يعطيك خيره ويكفيك شرة

تحياتي اليك

[مزاااجي300]

خلي اخوياك يطلعون للبر بأي موتر حديث وانت بالبليزر

ووالله انك لا تضحك عليهم وهم كل شوي نازلين يطلعونه من تغريزه !!!

البليزر جباااااااااار لدرجه ما تتوقعها اهم شي نسم الكفر بين 15 - 20 فقط

اما الدبل الثقيل ما عمري استخدمته لا في البر ولا في الجبل فقط الخفيف وشوية ركاده

في السواقه

وبالتوفيق

[monsixnet]

شل ايدك من ترهيم الامريكى

نصيحة مجرب صرف على سياره 10,000 من حر ماله على وانيت ولا استفاد منها

والحر خصيم نفسه

والـــــــــــلـــــــــــه يوفـــــــــــــــــق الجميــــــــــــــــــــــــــــــــــــع

[علي101]

شل ايدك من ترهيم الامريكى

نصيحة مجرب صرف على سياره 10,000 من حر ماله على وانيت ولا استفاد منها

والحر خصيم نفسه

والـــــــــــلـــــــــــه يوفـــــــــــــــــق الجميــــــــــــــــــــــــــــــــــــع
والله ما شفت الأمريكان وترهيمهم ولا تغير رايك .
لكن أنا ما شفت ترهيم اليابان ( تخيل ياباني يطعس ولا يطلع جبال )
الحر خصيم نفسه

[stranger]

اخوي ابووسعود
السلام عليكم
بالنسبة لموترك تراة سيارة لا يعلى عليها وجباره أنا أملك بليزر موديل 80 من سنة والحمد الله طلعت عليه الصمان التنهات الزلفي ما خليت ديرة ما جيتها ولا انا معدل عليه أي شي غير الدفرنسات مغيرة من مقاس 15 إلى 13 لأنها أقوى في السحب والجر وبالنسبة للقير التماتيك ممتاز وقوي وإذا نويت تحولة عادي راسلني على الخاص يمكن ألاقيلك قير رخيص
جداَ . وما عليك من كلام العذال
ولك تحياتي

[القناص-sniper]

والله البليزر وبس

شيل يدك عن باقي المواتر للبر

غير البليزر لا تدور واتمنى والله من كل قلبي يكون عندي واحد بس للأسف العين بصيره واليد قصيره

لكن الله يرزقني بواحد اطلعبه البر واطعس عليه بركاد بلا اكورد وبلا اكسنت

[fza3]

لاتشيل هم ياخوك....
الموتر اللي عندك لايعلى عليه وانا من ملاك البليزر بس الموتر لازم تدرب عليه زين قبل ماتغامر باماكن بعيده بما ان سواقته مريحه جداً وسلسه , اما بانسبه لقطع الغيار فهي برخص التراب وانت تقدرتفك وتصلح بالسياره حتى بالبر.
نصيحة اخ/شيك كهرباء السياره من اولها لاخره وتاكد ان الاسلاك من النوع الطيب .

للتواصل :0507020339

[&أبوخالد&]

سياره جباااااااااااره
رااااائعه جداً
الله يبارك لك فيها

[باترول 82]

الله يبارك لك في هالسياره الجباره اللي اتمنى أمتلكها

[ابوووسعود]

الف الف شكر على الردود الي اعطتني دافع على الاحتفاظ بالبليزر وما قصرتو والله لا يهينكم

[escape_man]

امتلاك البليزر الدافع فيه ذاتي يابو سعود

مايحتاج احد يشجعك على اقتناءه او الاحتفاظ به

انا عندي قطع عشرة شريته للنفود وعدلت عليه بعض التعديلات وخليته فقط لتكسير خشوف الجيوب الحديثة

وشريت معه باث جديد للمكاشيت البعيدة

وبالاخير صرت ماروح .. لو لاقصى الدنيا الا على الونيت والجيب كنه صغيرة واقف بالبايكه

اهم شي ياطويل العمر:

لا تغير الا قطع اصلية ولا تستخسر عليه شي .. مثل ماتكرمه يكرمك

اذا خبطت المكينة فلا تشيل هم .. اذا المكينة تستاهل فوضبها بـ 1500 او شلك مكينة من الفوزان بـ 1900

الكهرب لابد تنفضه من والى .. البطارية ثم الدينمو ( الاصلي بحول 230) توضيب ديلكو (120 ريال) بواجي واسلاك بواجي ثم السلف نصيحتي تركب جديد واصلي (180 ريال)

شيك رمانا الدفرنسات

غير الصلبان باصلية وغير زيت الدفرنس اول ماتشتري الموتر

ركب صفاية كابرس بين التانكي وصفاية البنزين الي بالكلبريتر

مهم انك تركب فرارات امامية تاخذها من السبيعي الي بشارع الجمعية (برازيلية بـ 380 ريال)

مساعدات جبريل .. 2 قدام و 2 بالخلف ( راح تحس بفرق عجيب برساوة الموتر )

مروحة المكينة لابد تكون 7 ريش واذا هي 5 ريش غيرها

وهذا الرابط اهداء لك يابو سعود ( للتسلية )

http://www.mekshat.com/vb/showthread.php?t=107777

وربي يوفقك ويبارك لك في مويترك وبربعك

[ابوووسعود]

بن غييثات (http://www.mekshat.com/vb/member.php?u=10578) http://www.mekshat.com/vb/images/statusicon/user_offline.gif
مكشاتي برونزي

نصائحك من ذهب
والله أنك أجودي ولا يهونون الرجاجيل
جزاك الله خير
تصدق لي الان سنة الحمد الله ولاجت في بالي النصائح هذي شكرا شكرا شكر :)