منتزه صلاصل...!!!

[((( الحر)))]

السلام عليكم ورحمة الله وبركاته ......وبعد

قبل حوالي 10سنوات ذهبت الى موقع شمال القصيم وبالتحديد شمال بريده 80 كم اسمه صلاصل يحده نفود من بعض الجهات وكان ذيك الايام ايام امطار وخير وبركه ومليان ماء من السيول وكان فيه كثير من المتنزهين واهل البر بخيامهم واعزبهم وتجمعات كثيره...والحقيقه اخذت فيه ثلاثة ايام من اروع الايام لان الجو كان ممتاز ومناسب للطلعات وحتى ان فيه قناصه يصيدون طيور ماء وبعضهم شيبان ومن حماس هالشيبان للصيد وطرده كانو يخوضون بالمويه علشان يطردون الصيد والله كانت مناظر حلوه بالمره لاكن للاسف ماكان معي كمرة ذيك الايام ومن المصادفه ان تلفزيون القصيم جاء الى الموقع ومن الحظ انه سوى لقاء معنا والله ماذكر وشو البرنامج لاكن اذكر انه عرض بالتلفزيون القناة الاولى بعد يومين من اللقاء معنا....
المهم ...ماودي اطول عليكم ياليت يالربع الي من حول ذيك المنطقه يتكرم يعلمنا عن موقع صلاصل هالايام هو على خبري او تغير وياليت الي عنده صور للمكان مايبخل علينا جزاه الله خير لانه في ذاكرتي وساحرني الى الان ولو تكرمتوا باحداثيات الموقع لو امكن ....وبارك الله بالجميع...!!!

ولكم..... وافر....... تحياتي
اخوك............((( الحر)))
17/8/1424

[صقر]

اخوي (((الحر)))

منتزه صلاصل هو عبارة عن بحيرة موسمية وتأتيه المياه من السيول حيث يصب فيه شعيب النظيم

ويعتبر كما ذكرت منتزها لأهل المنطقة وتأتيه طيور الماء


ابشر في اقرب فرصة ان شاء الله سأزودك بالمعلومات والصور

ولكن دعنا ننتظر قدوم السيول حتى تكون الصورة معبرة

وشكرا لك بارك الله فيك...

[عبدالعزيز الدباسي]

ماقصرت اخوي ابو محمد على التذكير بهذه المنطقة الرائعة حيث تتخيل نفسك امام بحيرة كبيرة ، اذا سقاها الله من غيثه ، وافضل السنوات التي مرت على صلاصل هي عام 1413 وايضا 1418 حيث اسال الله كل الشعاب وازدانت بمناظهرها الخلابه ، ومما ذكر عن صلاصل ما اقتطفته من موقع مدينة القواره .

تقع القوارة شمال غرب بريدة على بعد 68 كم تقريباً (بخط مستقيم) ، وتقع صلاصل جنوب القوارة على بعد 10كم تقريباً ، أرضها خصبة معطاء جيدة العشب والكلأ تنبت الغضا وبقاعها ينبت الطرفاء

قال ياقوت : صلاصل: بالفتح وهو جمع الصلصال مخففاً لأنه كان ينبغي أن يكون صلاصيل وهو الطين الحر بالرمل، فصار يتصلصل إذا جف أي يصوت، فإذا طبخ بالنار فهو الفخار، ويجوز أن يكون من التصويت، قال الأزهري: الصلاصل الفواخت، واحدتها صلصل والصلاصل : بقايا الماء واحدتها صلصلة: وهو ماء لبني أسمر من بني عمر بن حنضلة، قاله السكري في شرح قول جرير :

عفا قوٌّ وكان لنا محلا ********* إلى جوي صلاصل من لبيني

ووصفه العبودي بأنه : جو منخفض شديد الانخفاض ، بل إنك تنزل إليه إلى سهل، ثم تنزل مرة ثانية من ذلك السهل إلى روضة خصبة

وتفضل عندك بعض الصورة من موقع مدينة القواره

http://www.mekshat.com/pix/upload/images2/8880.jpg


http://www.mekshat.com/pix/upload/images2/889.jpg


http://www.mekshat.com/pix/upload/images2/890.jpg


http://www.mekshat.com/pix/upload/images2/891.jpg


http://www.mekshat.com/pix/upload/images2/892.jpg



اخوي صقر ترانا ننتظر منك الاخبار الجديده ، ولّم الكميرا يا ابو احمد ، ان شاء الله انها سنة خير

[((( الحر)))]

تحياتي للجميع...!!!

اخوي صقر والله انك على اسمك وماتوقع الا على المواقع الجميله بارك الله فيك وزادك من فضله وفي انتظار الصور انشاء الله ومشكور يالغالي...!!!

اخوي ابو عبدالله يابعدهم والله عزالله انك ماقصرت والله يوم شفت الصورانك هيضتني وذكرتني ذاك الزمان الله يعيده علينا بخير وفعلاً كانت زيارتي له عام 1413 على قولك من افضل السنوات على صلاصل ومشكور على الصور والمعلومات المفيده وانشالله يكون لها زياره قريبه ...!!!

ابو عبدالله تراي على وعدي لك بالزياره... انتظر مني اتصال قريباً اذا جيت للرياض

تحياتي
اخوك ((( الحر)))
17/8/1424

[عبدالعزيز الدباسي]

عيدك ((( مبارك )))

وين يا عم ترى موعد الزيارة كان العام الماضي ،،، الله يهديك لا تفضحنا عند الاعضاء ، ،،،

يالله عطنا عمرك يا ابو محمد ، بانتظارك يالغالي