راي الأخوة الكشاته في (سيارة الفوتنر 2008)

[سناء برق]

إخواني الأعزاء أهل الخبرة / أنا فكرت في شراء سيارة ( الفوتنر موديل 2008 ) إستعمال في الديرة وفي البر وخط 1/ إنطباعكم عن السيارة ؟ وإذا كان الجواب ( لا ) ماهو البديل بنفس القيمة ؟ الجديد مائة وتسعة آلاف تقريباًَ 2/ ماهواللون المناسب ؟ عاجل عاجل عاجل ’’’’ وجزاكم الله خيراً ’’’’ 0

[الفوزان]

خذ 6 سرندل فقط ولا تقرب الاربعة سرندل , وترى الفل الكامل يجي منه دف لوك . والموتر ممتاز

[.أبوعبدالرحمن]

من ناحية الموتر جدا رائع وامكانياته قوية


وانصحك تأخذ 6 سلندر لانه اقوى من 4 سلندر


ايضا اللون المناسب والله اعلم الابيض والفضي


والله يعطيك خيره ويكفيك شره

ونعم الاختيار

[سناء برق]

أشكركما أخي ( الفوزان - وأبو عبد الرحمن ) على مروركما وتفاعلكما معي ,,,,, وفق الله الجميع 0

[الجفن]

انا بصراحه معي واحد فل كامل الموتر ما شاء الله تبارك الله من جميع النواحي

[الأسمري 2009]

سيارة ممتازة ورائعة وطبعا 6 سلندر واشوف الابيض او الاسود اجمل لونيين علية

ويمكنك مراجعة الرابط التالي وتجد كل المعلومات فية

http://www.toyota4arab.com/forum/forumdisplay.php?f=35


ولك تحياتي

[HAS5SAN]

بارك الله فيكم
والموقع جداً جداً مفيد
بارك الله فيك يالجراح555

[الأسمري 2009]

بارك الله فيكم
والموقع جداً جداً مفيد
بارك الله فيك يالجراح555

وفيك اخي الكريم ولك تحياتي

[سناء برق]

شكراً أخي الجراح 555 على الرابط , والشكر موصول لكل من تفاعل معنا 0

[alkongrs]

شف وانخوك اخوي طقلوه واحد وانا حسبتوه شين اخذتوه وجربتوه بر وسفر وديره والله ياهو موتر خذلك 6 ارندل بس حق اهوي 4 اسرندل هذا الي رفع ضغطي بس

الون كشميري ولالا لؤلؤي

[شمالات نجد]

6 سلندر موتر وتراه يجي vx1 و vx2 ولا فيه فرق بين الفل كامل واللي أقل منه إلا مراتب الجلد والفرامل المانعة للإنغلاق ABS (بالنسبة للتماتيك العادي لا أعلم عنه)

الله يوفقك والجميع

سلام

[مخايل الحوطه]

أجل تكبرت على الهايلوكس

[أبو يوسف]

الموتر ما عليه كلام ، عزم ما شاء الله ، وهذا رد لي على أحد المواضيع أنقله لك لعله يفيدك



والله يا أخوي اللي ذكره الأخوان فيه الكفاية
بالنسبة للمكيف موقعه سيء جدا ، في المرتبة الثالثة الجهة اليمنى فقط مع وجود تحكم في تشغيله أو إغلاقه
السعة جيدة جداً تستطيع عمل تانكي ماء سعة 90 لتر بارتفاع 28 سم مع إمكانية استخدام المرتبة الثالثة ، يعني الشنطة فيها سعة مركى بعرض 30 سم تقريباً
العزم 6 سلندر ممتاز ، لا تحتاج إلى تنسيم ولا تشغيل الدبل إلا في الحالات القصوى ، يعني تمشية بالبر ووصول للمكان المناسب دون عناء
4 سلندر ما أعرف أحد جربه ، لكن مكينته مثل مكينة الهايلوكس فخذ بحسابك قلة العزم الناتجة عن الدبل وثقل الجنوط والكفرات العريضة 265- 70- جنط 16 لكن إذا تبي موتر يمشي حالك بالنفود ولا تبي مراقى وتطعيس فأظن جيد لأن البرادو فيه 4 سلندر لا بأس به لكن بالزفلت ثقيييل
سعره ، أنا اشتريت 2007 بعد ما طلع 2008 فل كامل مخمل بـ 100 ألف شاملة اللوحات والتأمين وسألت عنه عند الوكالة ذيك الفترة بـ 105 بلا عازل ، بعازل 108 تقريبا ، ويبدو أنهم زادوا سعره على حسب كلام الأخوان
الهواء جيد حالياً مع أنه جديد ما بعد بانت عيوبه
مطبه قاسي مع أن الكفرات ما أعبيها إلا 30 لكن يمكن لأن كفراته برجستون
أتمنى أني أكون أفدتك وأي طلب حنا بالخدمة

تحيتي


والله أعلم

[طويل الباع]

أخي سنا برق / أخواني الاعزاء:
السلام عليكم ورحمة الله وبركاته.
أنا عندي فورتشنر 2006 Vx2وماشي الى الحين حوالي +89,000كيلومتر ولله الحمد ماشفت منه الا كل خير مع العلم اني راعي بر (قنص و كشتات) ومن الاماكن اللي طلعتها كانت الربع الخالي(منطقه أمباك, بير فيصل, جروان, شيبه) الصمان و مناطق الشمال وكذا كل سنة من يوم ما شريته هذا كمان غير الخطوط الطويله اللي مشيت عليها(قطر , الكويت و الرياض.....) مع العلم اني من سكان الخبر ومع كل ما ذكرت ولله الحمد مافي اي مشاكل لاحراره ولا اصوات قربعه لا في داخل المقصوره ولا خارجها.
أضف على ذلك انه الموتر نشيط وعملي جدا من غير مبالغه ومكيفه مكيف تويوتا بارد ماشاء الله مع العلم انه لونه اسود.
في معلومه ابي اضيفها الاخواني في هذالمنتدى الجميل انه 99% من قطع السياره هي ياباني 100% لاكن تجميعها صار في تايلاند ولاكن من حسب تجربتي انه تجميع محترم.
قير السياره اتوماتيك والى الان ماعندي اي مشاكل فيه ولله الحمد والله على كلامي شهيد.
أخي العزيز اتمنى لك التوفيق في الاختيار وعليك با الاستخارة قبل ما تدفع دراهمك لابو جميل.
لو عند اي احد استفسار عن السياره فأ نا وسيارتي جاهزين.
والسلام عليكم.

[NuMaS]

الله يبـارك لك وإذا خـذيت خـذ لك 6 سـلـندر

وتبي شوري بيـني وبينك إذا دراهمك حـدد مية مية وعشره شف لك نيسان باترول سفاري تب تلقي بهـ القيمة واحد نظيف موديل 2005 2006 أطلق لك من الفورنتشر (حتى إسمة ماله داعي) وماني بموكده.. والخـيرة في ما أخـتاره الله ،،،،

[fahad2002a]

بصراحة انا اليوم رحت لورشة اعرف المهندس اللي فيها ولقيت عند فونتشر موديل 2006 وسألته وش مشكلته قال مساعدات خربانة وفيه وحاجة ثانية نسيتها قلت له معقول اكيد راعية راعي تطعيس قوي قال راعية شايب وهالسيارة ماتصلح لانها تايلندي والله يشهد على اللي اقول .

[كشَات]

أخي سنا برق / أخواني الاعزاء:
السلام عليكم ورحمة الله وبركاته.
أنا عندي فورتشنر 2006 Vx2وماشي الى الحين حوالي +89,000كيلومتر ولله الحمد ماشفت منه الا كل خير مع العلم اني راعي بر (قنص و كشتات) ومن الاماكن اللي طلعتها كانت الربع الخالي(منطقه أمباك, بير فيصل, جروان, شيبه) الصمان و مناطق الشمال وكذا كل سنة من يوم ما شريته هذا كمان غير الخطوط الطويله اللي مشيت عليها(قطر , الكويت و الرياض.....) مع العلم اني من سكان الخبر ومع كل ما ذكرت ولله الحمد مافي اي مشاكل لاحراره ولا اصوات قربعه لا في داخل المقصوره ولا خارجها.
أضف على ذلك انه الموتر نشيط وعملي جدا من غير مبالغه ومكيفه مكيف تويوتا بارد ماشاء الله مع العلم انه لونه اسود.
في معلومه ابي اضيفها الاخواني في هذالمنتدى الجميل انه 99% من قطع السياره هي ياباني 100% لاكن تجميعها صار في تايلاند ولاكن من حسب تجربتي انه تجميع محترم.
قير السياره اتوماتيك والى الان ماعندي اي مشاكل فيه ولله الحمد والله على كلامي شهيد.
أخي العزيز اتمنى لك التوفيق في الاختيار وعليك با الاستخارة قبل ما تدفع دراهمك لابو جميل.
لو عند اي احد استفسار عن السياره فأ نا وسيارتي جاهزين.
والسلام عليكم.

للمعلوميه هو صناعه اندونيسيه وليس تجميع made in indonesia وهاذي تلقاها في الاستكر الابيض في اي فورتشنير جديد
ولو كان تجميع كان المفروض يكتب assembled in indonesia وفيه فرق بين التجميع والتصنيع وهاذا معروف للجميع.

[كشَات]

البديل طال عمرك باجيرو2008
المميزات:
ياباني %100
كامل المواصفات,جلد,فتحة سقف,كل شي شد بلد حتى المسجل مب مثل ابو جميل الله يحفضه حاط مسجلات ابو خمسين وارخص من الاندونيسي
العيوب
وكيله ,قطع الغيار غاليه شوي(على حسب ما اسمع )لاكن تاكد بنفسك احسن
سعر ما بعد البيع وهاذا مايحدده انا ولا انت اللي يحدده اللي بالرابط http://×××××××.com/watch?v=Wqq9nLWXG2c