قصص عن الذئب هل تصدق !!!!!!!!!!!!!!!!!!!

[راعي هجهجه]

ياجماعه أنا طرحت الموضوع للمشاركه فيه لأني من الناس المغرم بالذئب العربي .
وهذا الذئب له قصص مع البشر كثيره وغريبه جداً . فهل توافقوني في سرد بعض قصص هذا الذئب والمشاركة معي بهذا الموضوع .أنتظر ردودكم والسلام .

[القماري]

تفضل يالحبيب وإن شاء الله نستفيد من تلك القصص

[laith]

توكل على الله ... كلنا عيون مفنجله :rolleyes: :rolleyes: :rolleyes:

[>ابوعبيد<]

تفضل وحنا وياااك وانشاء الله تكون القصه ممتعه ;) ;)

[راعي هجهجه]

بسم الله الرحمن الرحيم
أخواني السلام عليكم .
أنا أريد المشاركة معي في القصص . وأليكم القصة الأولى .
في يوم من الأيام أيام الأولين أيام الفروت وأيام المشي في البروأيام التحميل ذهب مرة من المرات واحد من الربع بعد ماسبقوه أخوياه للكويت للتحميل وبينما هو في الطريق لحاله أظلم عليه الليل وقال أبرقد أليين يجي الفجر ثم أتوكل على الله وبينما هو نائم وغاط في النوم مادرى ألا واحد يرجمه بالحصى ويكثح عليه التراب فتوقض من النوم بس ماتحرك من مكانه حتى يعرف وش أللي حاصل يوم فتح عينه بشويش ولا سرحان قاعد يباحث عليه بايديه يبيه يقوم . الرجال صاحب قلب جبار قام وألبد . لعل الذيب حس أن الرجال قام من نومه فذهب مسرعاً إلى راس الجبل الشرقي وعطاك ذاك القنيب إللي خلى ذيك الجبال تلجلج واطلع الجبل الغربي ومثله .
لعل الرجال بروحة الذيب لاستدعاء باقي الشله قام وركب بالسياره وطلع أم خمس من وراء المرتبه وجلس بالسياره . مادرى إلا وجاي حوالي السته أو ثمانية ذيابه مستهلكه ومستميته وبدئت الذيابه بمهاجمة السياره والصعود فوق السياره وعلى التنده يبن بس هاللي داخل السياره والرجال من داخل يقول ماشوف إلا جهامة سوداء من شدة الظلام وافتح شوي من المثلث حق الباب وبين الماصوره وعلى الجهام وبسم الله أثور لي طلقه يوم دريت مار تهجد الصجه وركد كل شيء يوم طلع الفجر وبداء يتبين السفر وشوف واحد منهن طايح جنب السياره . فحمد الله على السلامة. صاحب القصة متوفي غفر الله له ولجميع المسلمين الأحياء منهم والأموات وسامحونا على الإطاله والأسلوب أللي مثل وجه راعيه . وسلامتكم

[ابو ســــاره]

راعي هجهجه
اختيار جيد للموضوع وحبيت اشاركك واشارك الاخوان مثل قتتك .
الحاصل في الوقت الحاضر وليس البعيد مثل ما تفضلت خرج احد اقربائي لصيد وكان بداية وقت الدخل مند خمس سنوات لصيد في احد الشعبان اعتقد انها في الشمال الشرقي عن مدينة الرياض وكان شخص متحمس لصيد حيث انه طاح مره وحده بالصيد شراء شوزل وخرازه ورشاش ومسدس وبغي يشري دبابه من زود الحماس المهم كانت دخلته لشعيب قبل طلوع الشمس المهم لاحض شي يمشي خلف السدر وكان مجهز جميع ما لديه من سلاح سحب الخرازة وكان فيها دربيل الماني المهم والا شاف الديب الديب قفا عنه بس هو ما زال موجه الخرازه عليه بعد مسافة ثمانية امتار تقريباً التفت الديب مره ثانية وادا بالرجال يفتح النار علي ولم يحتاج الا تلك الطلقة الواحده .
ولما اقترب منه توحش من شدة حجم الديب واخده وحنطه مبلغ وقدره الف وخمسمائة ريال ووظعه في البيت وشافه كم شايب وقالو هدا هو السرحان لكبر حجمه والله واعلم

[فرد حمزة]

بارك الله فيك أخوي راعي هجهجه

ونسعد بإقتراحك ،، ونريد المزيد من القصص :)

[nooh79]

السلام عليكم
ذكر في كتاب التعايش قسم المفترسات صفحة 204 ( كان يوجد في ارض الجزيرة العربيه قديما نوع من انواع الذئاب انقرض الأن ، يدعونه الشيب وهو أكبر جسما من الذئب ولا يرى منه الا عينيه نظرا لغزارة الصوف الذي يغطي جسمه حتى انه يصل الى الأرض وهو أفتك وأشجع من الذئب ، وقلما ينجو من قابله ).

[مسافر]

احسن الله اليك اخوي راعي هجهجه
على هالقصة وننتظر المزيد

اخوك مسافر

[desprado]

الذياب اصبحة نادره من كثر صيدها

لذا ارجوا منكم نصح جميع من تعرفون بعدم صيدها

كما ان قتلها دون حاجة محرم هذا والله اعلم

[نيسان2004]

شكرا موضوع جيد

[nooh79]

السلام عليكم
يالربع انا شفت مرة ذيب قبل 30 سنة وحنا طلعين الى الشفا في منطقة الطائف، والوقت كان بعد صلاة الفجر عند بزوغ الفجر، والذيب كان قاطع السكه، واختفى عن الأنظار في لمحة.
وهناك مجموعة ذئاب ( اعتقد انها ابن أوى) في سوق الطيورالمزغدية بالطائف، مأسورة داخل الاقفاص معروضة للبيع. ودمتم

[فـ(الجـوف)ـتى]

مشكوووووووووووووور

الله يعطيك العافيه 0