مع الاعتذار لأصحاب اللاند كروزر [الأرشيف]

مدمن الشات

24/01/2008, 09:34 PM

أنا اليوم كنت رايح لمعرض السيارات أدور لي على سيارة كامري
ولقيت fj موديله 2008
ب 111.000 والغريب أن البائع قال الناس تركوا اللاندكروزر وطاحوا ب fj :confused: :confused:

وعند سؤالى له عن النوع الأفضل قال اذا كنت شايب خذ اللاند واذا كنت شباب خذ fj
:eek: :eek: :eek:
وأنا أطلب رأيكم في الموضوع مع العلم بأن هذا كلام البائع من معرض الشورى
(معارض النسيم)

وبالنسبة للكامري 2008 فل كامل وش رايكم فيها زينه أو أغسل يدي منها

كاشخ 24 ساعه

24/01/2008, 09:50 PM

وبالنسبة للكامري 2008 فل كامل وش رايكم فيها زينه أو أغسل يدي منها

أغسل ايدك وبقووووووووووووووه

نجف

24/01/2008, 10:01 PM

السلام عليكم ورحمة الله وبركاته

من ناحية fj الموتر حلوووووووووو مره بس نصيحه لااحد ياخذه الى 2009 لان دائما الموتر الجديد اذا تغير الشكل يصير فيه اعطال وتعالج هذي الاعطال بالموديل الي بعده

اما الاند ما عليه كلام وله عشاقه وانا واحد منهم

الكامري انا انصحك بالنوع الثاني الي افخم منه

وتقبل مرررررررررررووووووووري شكرااااا

siglo

24/01/2008, 10:06 PM

أخوي مدمن الشات،
أسأل الله أن يفكك من إدمان الشات أولاً قل آمين

ثانياّ موضوع السيارة هذي حق شباب وهذي شياب كلام فاضي ومبني على الشكل فقط لا غير

أنت شوف شنو الإستخدام اللي تبيه واشتر السيارة المناسبة
تبي حق بر وإلا حق سفر وإلا حق المدينة بس
سيارة صغيرة وإلا كبيرة
ممكن لا الإف جي ولا اللاند يصلحلك في النهاية، انت أكثر واحد يعرف استخدامك للسيارة وبناءً على استخدامك توكل على الله ثم اتخذ قرارك :)

شقران نجد

24/01/2008, 10:21 PM

هلابك اخوي
الكامري شعبيه كثير ليه ماتخذ هوندا اكورد ان كان ولا بد سيدان صغير وسعرها مقارب للكامري ولا تنسى انها يابني 100%

اما اللاند كروزر هذا حكايه ثانيه هذا شيخ وانا اخوك ولا هو محتاج من يمدحه

موفق اخوي

اخوك
ابونمر

.أبوعبدالرحمن

25/01/2008, 02:07 AM

ارشح لك الأف جي

لانه يجمع مابين اللاند والكامري

الاف جي خذا من اللاند الدبل والرفع والجودة

وخذا من الكامري صغر حجمه وقلة استهلاك الوقود مع الفرق البسيط في الزيادة

ولا تنسى الاستخارة وهي اهم شيء

الكوسه

25/01/2008, 02:42 AM

كنت شايب خذ اللاند واذا كنت شباب خذ fj

لا شايب ولا يحزنون يابعدي الاند مركب الشيوخ انا ماأسب الا أف جي بالعكس مركب وذف وحلو

بس مايقارن بأيطلا ظبين وساقا نعامتن

قل لخويك يالطيب اللي ما يطول التمر يقول توه مابدا الخراف

z a n h o r

25/01/2008, 02:51 AM

بالنسبه للكامري اغسل يمدك منها

شكل فاشل وداخليه خياس مع احترامي لملاكها

واعرف كم واحد يذمها

والله الموفق

بالنسبه للاف جي اذا جاك فل ولون بيج اشوفه حلو

واللاند الجديد ما جاز لي للحين

القديم خذه وبقوه

باترول 585

25/01/2008, 03:04 AM

السلام عليكم.
اسمحلي ان راعي المعرض ماعنده ماعند جدتي تلقاه يبي يمشي بضاعه ولا شي
هذا لاندكروزر يعني موتر شيوخ مركب شيوخ مركب اشناب موتر شييييييييك مايقارن باي جيب ثاني من جميع النواحي
جيب عليه العلم <<<<بعذرك به يستاهل اكثر

وتقبلوا تحياتي..

أبو ياسر

25/01/2008, 10:20 AM

اخوي ماعليك من هالشريطي شكل الـ fj قاعد بحلقة ويبي يصرفه لأن ما احد جا يشتريه

اذا بتقارنه مع الاندكروزر اكيد ماراح يصف جمب الاند كروزر

واهم شي انك تستخير

سنة الهدام

25/01/2008, 10:32 AM

انا سؤالي وشو الاف جي اول مرة اسمع به يمكني اشوفه بالطريق ولا اعرف مسماه من يفيدني بصورته؟

عاشق الفيضة

25/01/2008, 03:09 PM

أسمع اللاند كروزر شيخ التايوتا
تفبل تحياتي

مدمن الشات

25/01/2008, 06:42 PM

شكرا لكم على المرور وأن شاء الله بترك الكامري وأخذ ال Fj

المجمعه

25/01/2008, 07:20 PM

اقول اسمع طول الله عمرك

اللاند كروزر ... هذا مثل ما قالو لك الشباب ... شيخ السيارات .. ما يقارن مع سياره ثانيه

اذا تبغى تقارن ال اف جى قارنه مع الفورتشنر او الباثفايندر

عاشق أف جي

25/01/2008, 08:36 PM

يانااااااااااااس وش الكلام ذا

إذا بغيتو تقارون قارنو كل سياره بالي من درجاتها

يعني الـ VXr والـGxr

قارنهاا مع باترول فيتك و جمس يوكن والسيارات الي
من حجمهااا وفأتها

وبعدين الأف جي أتحدى موتر زيه بالقوه

ياخي الباث فندر ماشاء الله على قوته مايقدر يجيب الأف جي

الجيكسار والفيكسار مواتر محد يقدر يقول شي عنهااااا

alkongrs

26/01/2008, 12:56 AM

دام تبي تشتري كامري بقيمة 80ةاو 90 الف دقلك موتر بر جيب بالقمه

باترول 585

26/01/2008, 01:12 AM

انا اقول ان الاندكروزر مايقارن بي موتر
وبعدين يجي الباترول وبعدين البرادو ثمن الباثفندر ثمن الااف جي ثمن الفورشنر وغيرهن لاتدور
وهذا راييي<<<والله ياانت دخلت غلط

وتقبلوا تحياتي.

بارود برنو

26/01/2008, 03:21 AM

كروزر لا يعلا عليه اف جي شكله خرطي وتحسه حق دلع ماهو للبر
مثل الهمر (الي يسببلي قشعريره لاشفته)
وطبعا الربع معروف عالميا وكذالك الشاص
الكامري هي انثى الهايلكس كاشكل وجيده وتصبر>>>>> معلمها الهايلكس الكرف :D

ولك الخيار وستشير وستخير والله يوفك
تقبل مروري

أبو جوري 634

26/01/2008, 03:38 AM

اخوي مدمن الشات
الاخوان ماقصرو كلن ادلى بدلوه وكلن شار لك بشوره
وانت شاور نفسك وشف وش تبي واستخير

واذا تبي نصيحتي قبل ما تشتري سيارة خل نظرتك بعيدة وشف احتياجك لها اكثر شي من اي ناحية
اذا انت راعي بر ومكشات وقنص وهالسوالف خذ لك دفع رباعي سواء لاند كروز او اف جي او برادو او باترول وزينه ورهمه مثل ما تبي .
واذا انت رجال راعي سفر وطرقي خذ لك أمريكي ( كابرس - فورد - لومينا )
واذا انت رجال مشاويرك داخل المدينة اكثر شي خذ لك ( هوندا - كامري - اريون- تاون كار )

ان شاء الله اخوي اني افدتك
والله يعطيك خيره ويكفيك شره مقدماً

kal440

26/01/2008, 08:06 AM

المسئله ان الموظف اللى سئلته هو مسئول عن fj وطبعا لزم يبيع منه على قدر مايستطيع لان هذا عمله واكيد راح يقتعك ان السياره هى الافضل ((((((الاند لايقارن وفيه فرق كبير والاند منه احجام)))))) انصحك باالبرادو اذا تبى جيب اقتصادى وصغير الحجم او افورنتشر اما الهوندا فضل من الكامرى بكثير جدا

سفاري فتك

26/01/2008, 08:21 AM

الاندكروز شيك في الجيب يمسك قيمته ولو بعد سنين
استخدامه يقدرونه الشيوخ مركب فخامه قوه رفاهية عائلية
انصحك به خذه ولاتتردد ابد ابد ابد ومبروك عليك ,,,, لأني عارف مارايح تندم ابد ابد
تحياتي

جوالة

26/01/2008, 12:21 PM

استخدامك يحدد نوع السيارة
بخصوص الجيب إذا كنت راعي بر فما لك غيره وشيك بمخباتك
أما الكامري إذا أنت راعي خطوط فلا تدور غيرها (صرفية بنزين - راحة-وما تبلش تدور موقف)وبرضه شيك بمخباتك

aziz2727

26/01/2008, 12:53 PM

احتياجك وفلوسك يحدد نوع سيارتك
ان وش تبي من السيارة سيارة كبيرة او صغيره سيارة بر او مدينة فلوسك واجد اوقليله بناءاً عليه حدد سيارتك والله يدبرك على الصالح وكل مسلم