استفسار لو تكرمتو

[عساف المهار]

السلام عليكم
مساكم الله بالخير اخواني في هاالمنتدى

انا ضيف جديد عنكم
حصل لي مشكله ودلني واحد على المنتدى وقال هو اللي بيحل مشكلتك
واي مشكله عندك يحلها لك


المشكله هي

عندي سياره جيب سفاري 98 اربع ابواب اذا مشيت عليه مسافه تقريبا 50 كلم بسرعة 140
يطلع ماء الاديتر مع لي الزايد حق القربه
يعني يملا القربه ويفيض والحراره ماترتفع لين يقل الماء بزياده
غيرت غطا الاديتر خمس مرات ولا فاد غيرت غطا القربه ولافاد
سيخت الاديتر ولافاد ركبت بلف ولافاد
وانكسرت ماصورة المكيف وسديتها بطبه
تاكدت من لياته والخراطيش وسليمه
والا الان والمشكله موجوده
وازيده ماء تقريبا 2 ليتر
مليت والله منه

[ذئب اليل]

أن شاء الله الخوان بيفيدونك ويلقون حل لمشكلتك ولا تستعجل

[yaso]

اعتقد 90% المشكله كما حصلت معي في اتوماتيك المروحه عند السرعات العاليه توقف المروحه عن الدوران وترتفع درجة الحراره اذا كنت بالرياض قلي وادلك على ورشه بشرق الرياض يساعدك بالحل

[عاشق السيل]

بصراحة مشكلتك غريبة جدا !!!

لكن عسى الله يسهل لك الأمور وتلقى الحل عاجلا بإذن الله ....

[.أبوعبدالرحمن]

ممكن تكون من المروحة يعني اذا وصلت للسرعات العالية تنفصل

ولا تشتغل وما يكون هناك تبريد ويصير الماء يغلي ويبدأ يفيض

شيك على المروحة والتماتيك حقها والله ييسر لك حلها ان شاء الله

[NuMaS]

ممكن المروحة اذا مشـيت فوق الـ 120 تنفصل وبهـذا لا تبرد وترتفع الحارة ويفيض الماء تأكد من المروحة الأوتوماتيك وشف هل هو شغال أو لا
الله ييسـر أمورك وأتمـنى لك التوفيق

[عساف المهار]

الله يعطيكم العافيه ويوفقكم
وييسر اموركم ويبارك لكم
راح اشوفها اليوم العصر ان شاءالله
وللأسف اخوي ماني في الرياض
أنا في الطائف

[عساف المهار]

برضو كشفت على التماتيك وسليم


رحت لخمس ورش من ضمنها الوكاله
وقالو لي احتمال كبير الراس
وش رايكم
اصلحه ولا ابيعه

واذا صلحته كم تكلفته تقريبا

شاكر لكم تعاونكم

[بدوي جنوبي]

هلا وغلا بالاخ عساف ونرحب بك
ضيف في منتديات مكشات ان شاء الله تفيد وتستفيد

عندي استفسار عن القربة ،، انت الي اي حد تعبئ القربه ؟

بالتوفيق

[عساف المهار]

الى حد الخط اللي فوق
تقريبا الرنص

[natf_m15]

يا الغالي اذا كان التماتيك شغال تمام

احتمال كبر ان المشكله راس المكينه يا مشعور يا الوجه خربان

والله يعينك على قطع النيسان ترها ناررررر

[آمري يا كامري]

أخي لقد حصلت لي نفس مشكلتك وكان العلا ج الأخيرأن قمت بتغيير الأديتر شد بلد يمكن أن يكون الأديتر الذي عندك سعودي والسعودي مصنوع من الحديد وهذا يرفع درجة الحراره والياباني مصنوع من الألمنيوم وكما تعرف أن اليابان أعرف أرجو أن أكون قد أفدتك :good2:

[الكلاسك]

بعه ماركت وريح راسك اهم شي صحتك بعه لو بتسلب :)

[العقاب]

انا حصلتي مشكله من زمان كانت نفس مشكلتك ,, واتضح لي ان البلف يسكر وتسخن السياره وتكب القربه ماء ,,
لذلك حاول تفك بلف الماء طلعه برا لعل وعسا ..
وطريقه فكه سهله جدا

عسا ان نكون افدناك ..
تحياتي ,,

[الساهر2003]

اخوي اذا الراس فيه مشكلة يبين وواضح في اغلب الامور من ضمنها
1 - اذا السيارة بارده افتح غطاء الرديتر وشغل واكيد يكون مليان ماء ثم انظر له اذا يطلع هواء او الماء ينقز واذا دعست يفور فاكيد من الراس يحتاج خرط اذا هو مقوس ووجه وممكن يكون متسدد الفتحات واذا منشعر يحتاج تغيير وصلحه واتوقع لا يتجاوز 500 ريال مع الخرط والوجه وشغل اليد
مع اطيب تحية لك

[عاشق النداوي]

السلام عليكم اخوي انا معي موتر زيك بس باب واحد قبل مده لعب فيني الأديتر كل شوي ملحمه رح ناضر التماتيك حق المروحه اذا كان مضبوط غير الأديتر ركب حق البلد انا شاريه بــ 980 من الحمراني وشريت تماتيك المروحه اضاهر 240
اضاهر ان المشكله الي عندك من الأديتر غيرررررررررررررره وبيضبط انشاء الله .

[عساف المهار]

اشكركم اخواني
جزاكم الله خير على فزعتكم
التماتيك سليم والاديتر المنيوم وكويس
كلام بعض الورش يقولون الوجيه
بس مادري عنهم
وشغل اليد يقولون 400
والمخرطه 300
وقطع تقريبا 400


لكن وش احسن ورشه في الرياض

[عساف المهار]

ابشركم عرفت العله
صارت في السير مرتخي شوي وشديته وصار من افضل شي
اللهم لك الحمد
واشكركم اخواني على تفاعلكم
والله يجزاكم خير

[خلاوي3]

الموتر أحد بغاء يشتريه منك وعيت ونفسه به يعني بمعنى بعين أحد

[باترول 82]

الحمد لله ان الموتر رجع لحالته الطبيعيه

بالتوفيق ان شاء الله

[عساف المهار]

الموتر أحد بغاء يشتريه منك وعيت ونفسه به يعني بمعنى بعين أحد

اي والله يخوي حضرمي في معارض جده
والله من عقبه والعله جايته
مشيت وانا ناسي الكبوت مفتوح من جده الى الطائف امشي 160 والحمدلله ستر ربي
ومن بكره الصباح والعله باديه فيه