ترقيت لـ( ملازم ) .. ومنعوا عني مكشات .. حلوها لي

[حفرلوجيا]

سلام يالربع كل(ن) باسمه
ترقيت البارح لرتبة ( ملازم ) بمكشات .. حطوا لي ( نجمة ) مكتوب عندها ( عضو نشيط ) .. وش هالحركات .. قال أحد الأخوان طلعت فوق الخمسين مشاركة وحطوا لك نجمة ( شغل بنوك ذا ).. عاد لايهمكم ياللي توكم مسجلين ( يعني اني قديم ) ترى ( لواء ) قليلة بحق بعضكم ( العبرة بالكيف ) .. ماعلينا ماهي ذي السالفة ..

ياأخوان قدر الله علي وتورطت.. كيف ؟ أقول لكم ..

بعد ماتعشيت قلت خل نشوف الأخوان وش طارحين بـمكشات ( أكيد طارحين حباري مايبي لها ... مشوها ) .. أبفتح الموقع ماينفتح.. موقع غيره ممكن.. مكشات لا .. قطع اتصال ..حاول ..اعادة تشغيل .. حاول .. انسى الموضوع ( ماصارت ترقية ذي ) ..
عاد عندي جار يدعي إنه فاهم قال البلاء من كمبيوترك ( مقفل على مكشات وبس) ( ماعاد الا ذي .. قال علمتك ) .. عاد انا وقتها قلت بهـ(الليل) ماتصلح الحربشة الابمكان ثاني ( لايروح فكرك بعيد ) ..
ويوزني الشيطان وأنصى مقهى انترنت قريب .. دخلت عليهم( تقل مروج ) متلطم ( ملاحظة : لاارى عيب بهالمقاهي بس نفسي ماطاوعتني الا ادخل متلطم ).. المهم طلبت نصف ساعة وتجولت بمكشات وأخذت علوم النشاما وطلعت ( متلطم) ..
السالفة والنكبة اللي تنتظرني يوم رجعت البيت ( ترى حرمنا المصون ماهي متعودة(ن) أكون برا بهالساعات ) .. وينك ياأبو فلان .. قريب رحت لمقهى انترنت بالحارة ( ماعاق الاعتراف.. على طول ) .. أفا ياأبو فلان .. أنت داخل مقهى نت .. ايه وش فيها .. فيها اللي فيها.. وبعدين عندك الكمبيوتر بالبيت والاشتراك موجود ... ايه بس كان عندي مشكلة بموقع ( مكشات )..
ترى انا قلت مكشات .. وتكهربت المره .. وخذ من الدرر... ماأدري يابو فلان وش انت لاقي بهالموقع البايخ .. وخلوكم من المكاشيت الله يعيننا على وقتها .. انتبهوا لعيالكم وخلك من مكشات .. وتهدد انها تبي تحط ( بلك ) وتمنع علي مكشات ..
انا قلت الوضع ماهو طبيعي .. غريبة ياأم فلان ماأظن ذا رايك(س) .. إلا رايي ونص شف ردود بعضهم على مواضيعك .. بايخة وفيها قلة حيا .. أفا .. وش السالفة ..( الله لايعيد الساعة اللي دخلت فيها دورة وتعلمت كمبيوتر ) .. قاعدة(ن) ترصد لي بدل ماتتابع العيال..
عاد أنا خابر الزقرت كلهم ردودهم منتهى الذوق واللطافة .. وبعض ردوده مثل العسل على القلب... بس ... وقف عندك... ( العسل ) .. ( وطنننننن) ويطري على بالي رد لأخونا مكشات على موضوع سابق كان يقول : (( هلا أخوي حفرلوجيا .. مادام كل هالحلم سبته موضوعي .. أجل انتظر موضوع عن الزواج..يمكن الله يوفقك وتزوج الثانية لو بالاحلام (http://www.mekshat.com/vb/showthread.php?threadid=11869&pagenumber=2)..))
ورد ثاني لأخونا فرد حمزه يقول (( حفرلوجيا ياعلك من غوالي الحور العين ويرزقك بثنتين وسبعين (http://www.mekshat.com/vb/showthread.php?threadid=11790&perpage=15&pagenumber=2)))
وأقول وش اللي مكهرب المره ..وشوي وتجي .. طالبتك ياأبو فلان لاتشوف هالموقع وهالدعاوي اللي يقولنها أجعلهم لـ(.......) على هالدعاوي.. استغفر الله .. واعقلي يامره .. الحكي بالنية ماعندي تفكير اخلي دعاويهم على أرض الواقع ( ايه هين ) ..
لكن تشوف يابو فلان ان ماحست عليك هالموقع .. ( لحول).
عاد انا أقول ياأخوان بعض دعواتكم الله يسلمكم مالها داعي ..( يعني فيه شي اسمه رسايل خاصة نقول بعدها آمين ونسوي مسح ) .. وفيه شي أسمه الدعاء بظهر الغيب لعله يكون أبلغ وأنفع ..( شكلي خربتها وقعدت بها على السطرين الأخيرات )..

الظاهر يالربع انا كل ليلةعندي حلين أحلاهما مر وعلقم :

1- لطمة .. ومقهى النت.. بين بعض الدشير
2- أبدأ كل ليلة أضيع ( الحربشة ) وأخليها بالكمبيوتر بدل ماتكون بـ(مكان ) ثاني .
أو أصير ( أليف ) وأضحي بمكشات ؟ .. ماأقدر .. لحول .. وش السوات يالنشاما ؟

[صقر]

هالحين الحريم ما دري وش اللي يعجبهن مكشات كله رجالx رجال.... كل هذا ومكشات رد على حلم من احلامك .

بس خل عنك والله رد مكشات بالمقص..

[عروان]

ههههههههههههههههههههههههههه


هههههههههههههههههههههههههههههه


ههههههههههههههههههههههههههههههههه



حستب الله على بليسك يا حفولوجيا على هالسالفة.


تصدق أن جزء من السالفة صارت معي ليلة من الليالي. :) عندي بالبيت الوضع يتكهرب مع دخول الوسم.

عكس الجو هههههههههههههه


أقول أحسن لك أشتر لابتوب وخلة خصوصي لك لوحدك.


تحياتي لك والله يزوجك :)

[الحر الاشقر]

وودي انك تقترح على المشرف العام وضع خيمة خاصه لهن يمكن تشغلهن

والله ردة مقنع

(( هلا أخوي حفرلوجيا .. مادام كل هالحلم سبته موضوعي .. أجل انتظر موضوع عن الزواج..يمكن الله يوفقك وتزوج الثانية لو بالاحلام..))

عقبال الجميع

[Najd^Prince]

بسم الله الرحمن الرحيم


عزيزي (( حفرلوجيا ))

أولاً: مبروك على الترقيه لملازم :) وعقبال ماتصير فريق أول :D .
و عزالله إنك صادق يوم قلت (( العبره بالكيف :good: )) .

ثانياً: تصدق إني أعرف كم واحد عندهم نت بالبيت لكن لابد من زيارة المقاهي
لأسباب كثير من أهمها :

1/ ضعف الاتصال العادي واللي الغالبيه يستعملونه :mad: .
(( الله يرحم الدول الغربيه بس الاتصال هواء من غير Road Runner ))
2/ على حسب كلامهم (( رواد المقاهي )): يقولون كونا علاقات مع ناس
مانقدر نشوفهم إلا في مقاهي النت .
3/ تغيير جو عن البيت .

هذا ماأردت طرحه للتعليق على كلامك ;) .

Najd ^ Prince

[مكشات]

مادام الدعوى كذااااا
خلاص هونت مانيب منزل موضوع عن الزواج :D
كللللللللللللش ولازعل وزارة الداخلية :p
لكن تعاااااااااااااااال ... معقولة مايبوننا نتزوج ولا بالحلم :(

و عزالله إنك صادق يوم قلت (( العبره بالكيف )) :good:

[فرد حمزة]

لوووووووووول

ططييط ططاااااط طووووووووووووط

ههههههه

كل هذا صار لك من ردين :D

أجل أبشر بالدعاء بظهر الغيب
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،
،

خلصت دعيتك لك من اللي يحبه قلبك :D

عاد أسمع سالفة صارت لمحاتسيك

أسولف أنا وأيها ... وكان أيامها جايه موجه للزواج من الثانية لبعض الزملاء

فتكهربت المسكينه

قلت لها .... (( يا حلالي والله ما براسي شين هاللحين ))

تدري وش ردت علي :(

قالت لا ..!

إلا قل ... (( ما راسي شين أبد على طول .. ولا تقول هاللحين )):D:D:D

[ابو ســــاره]

بصرحة حفر لوجيا حط ايده على جرحي حيث انني اعاني من هالمشكله وابيخ حل حل عروان جبلك لاب توب ،،
بالعكس الاب توب منتب فاتحه الا وانت منسدح علي السرير زيي ثمن تجي بنتى سوير تخمط عل الكيبورد وتفسد كل شي ولاا بعد ما ودي اقوله بس حصل تصير توها راضعه وتعطيني استفراغ علي الجهاز .
ويالله عاد وش تقول للمدير بالعمل ،،

مره سالني المديرقال انت تشرب شوربة علي جهاز الشركة قلت له لا بس نائب المدير العام طيح الكوب حقه علي جهازي وهي سوير الله يهديها :D :D :confused:

[راعي الحزم]

هلا والله بالعزيز ( حفر لوجيا ) مع انك الى هالحين ما رديت عليّ وش معنى حفر لوجيا هي ديرة والا وشي هي توكل والا تشرب هي مونث والا مذكر ::::::::::::::::

وبعدين مبروك على الترقية وترى العبرة بالكيف وانت يا خلفهم من يوم جيت مليت الموقع مواضيع تشرح الصدر وما قصرت وتستاهل أكثر من نجمه ( يا حول يانا محدٍ عطان وجه بها المنتدى لكن ما علي منهم مستمر لين اللي عندي تكسر الكمبيوتر والسبه مكشات ما غير مقابل هالموقع تقل تبي تسأل عنه وبعدين ليتك تعرفهم .... هذا بعض الكلام ههههههههه

وتراهم يقولون من هذرا بالحج حج

وابشر بالسيل

[عبدالعزيز الدباسي]

الله يزوجك يا حفرلوجيا قبل مربعانية هالسنة


انت سمعت الرجال اللي شاف حرمته تفكر ، ،

وسألها وش تفكرين فيه يا حلوتي ؟

قالت ابد ياعيوني مثل تفكيرك .

قال الله يأخذ ابليسها تفكر تعرس علي .

[مراكي الذيب]

:D :D :D :D


ياخوي ترى حنا يالله مشين مع مكشات وهو صيد بس عاد تدخلون عليه علوم الزواج والله ان نصير تقل مروجين اخر الليل بهالمقاهي :D انتبهو لا تدعولي بالزواج الا بظهر الغيب :D

[الربيع]

اخوي الغالي حفرولوجيا
ما تنلام ابد المعزبه اولها طلعات للمقاهي علشان مكشات واكيد اخرها طلعات للمسيار باسم مكشات
ياخوي لا توهقنا مع حريمنا انا معطيها الامان بان مافي مكشات الا رجال فقط
وبعدين لا تختار ايا من الحلين المرين اختر واحد حالي شوي وهو انك تصالح المعزبه مع منتدى مكشات وتخليها تشوف بعض ابداعاتك في المنتدى واللى خلتك تصير ملازم في مده بسيطه ... آآآخ يالواسطه .

[الجنوبي]

الاخ (حفر لوجيا)
الف مبر وك على الترقيه .....اما موضوعك فحله بسيط؟؟؟؟؟؟؟؟؟
انا شخصياً كنت اعا ني من الرقابه من قبل المعزبه على النت ؟ حتى تعرفنا على مكشات وجعلناه صفحت البدايه في الجهاز.....ومن يومها خفت الرقابه .ولا كن زادت طلعا ت القنص والكشتا ت مع الشباب
وتسببنا في مشكله اكبر....؟
فا الظاهران هالمعا دله صحيحه
منتد يا ت مكشات= جلسه يوميه على النت= كشتات اسبوعيه = زوجه ثانيه في نضر المعزبه