تــــغـــريـــزة حـــافـــلة ( bus ) شاهد الصور واحكم ؟؟؟!!

[راعي الفورت]

اللهم لا تبتلينا بما ابتليته


وأخرجه من مأزقه سالما معافا


هذا وجدناه مغرز هالتغريزة القشرى على طريق الشعيبة


والحقيقة تأملنا فيه واستغربنا تواجده ودخوله للبر وتغريزته


حاول تساعدنا بطريقة لإخراجه


وكيف سيتخرج لو حصل لك ورحت للبر بالحافلة وطعست بها ثم غرزت ؟؟


أترككم مع الصور


http://www.arb-up.com/files/arb-up-2008-1/qhx87057.jpg
..
http://www.mekshat.com/pix/upload02/images60/mk10878_bss22.jpg
..
http://www.mekshat.com/pix/upload02/images60/mk10878_bss3.jpg
..
http://www.mekshat.com/pix/upload02/images60/mk10878_bss5.jpg
..
http://www.mekshat.com/pix/upload02/images60/mk10878_bss4.jpg
..


..
http://www.mekshat.com/pix/upload02/images60/mk10878_bss6.jpg
..


..

[ضغط سحاب]

ههههههههههههههههههههه

ذكرتني بطاش ما طاش.......:d

[ولد وايل]

والله يبيله دركتر مجنزر وعساه يطلعه

[alkongrs]

وش هذاااااااااااااااااااااااااااااااااااااااااا
يبيلوه كل لي يتوبيس بعد التبريح دف ولاااااااااااااااااااااااااااااااااااااااااااااااا ونش

ولا لو انجيب ونش ولا واير التوبيس سحب السايره

وحلوه طاش ماطش ههههههههههههههههههههههههههههههههههههههههه

[ابوعبدالله 2]

الله لايبلانا وش الي قارده يدخل مثل هالأماكن

[أبوتركي الخالدي]

هذا لازم يفكك ثم يودى لتشليح مباشرة ما فيه حيلة

الله لا يبلانا

[راعي الرجم]

لو هو اول ما غرز وقف وبرح وان كان البحر قريب يسقي الارض موية

او يجيب اكياس خياش ويعبيها تراب ويربطها ويحفر لها ثم يخلي الباص يمشي فوقها طبعا بعد التنسيم ويبي سواق راكد

ماله حل الا يجي سكس ويجره او شيول

[شروكي ربع]

هذي وانا اخوك اذا مافي شاحنات تجره ..



مالكم الا جيبين او 3 جيوب تجره سوا مرة وحدة ..



حتى يتوزع الحمل عليها ولا تتأثر المواتر ولا شيصانها ..


واذا في شروكي يكفي واحد بس :D



والله يكفينا واياكم الشرور ..

.

[Black VTC]

http://www.mekshat.com/pix/upload02/images60/mk10878_bss6.jpg


اشوف الباص مشبوك فيه واير من الغشيم اللي يبي يسحبه هذا يالله قريدن او دركتر او رأس تريله يسحبه :)

[مكـiiiـات]

سهل إخراجه ولا يبي جهد كثير
عملية حفر حول الكفرات وسواق راكد ويطلع بكل سهولة
طبعا تنويم الكفرات للآخر
أعانكم الله

[T H U N A Y A N]

الله يصلحه شكله واثق من نفسه يوم يدخل البر والا احد موهقه
الصور ذكرتني بموقف قريب من هذا الموقف قبل فتره كنت بالعقبه في الاردن 1427هـ وكنت توي جاي من حقل ومتجه الى الحديثه وفيه واحد راعي قلابي من القلابيات الكبيره نازل من الطريق بأتجاه الشاطى (يبي يأخذ حمام شمس) ومغرز وجاي واحد من ربعه يبي يفزع لكنه غرز جنبه واذكر ان أخوي مصور هالموقف .

[ابوفهيدان]

يالربع ليه تتعبون نفسكم وج حبل واسحب واحفر وغيره
انا لو مكان راعي التويس اقلبه محل تموينات وابيع يبسي وفش فاش واحط بوفيه

[بارود برنو]

http://www.mekshat.com/pix/upload02/images60/mk10878_bss6.jpg


هذا وش جايبه بالصحرا امره غريب http://www.mekshat.com/vb/images/icons/icon3.gif
لكن ماقول الا يالله حسن الخاتمه شكله مطول هنا
عموما الربع يسحب ابو جده
وشاكر لك على الموضوع

[بارود برنو]

يالربع ليه تتعبون نفسكم وج حبل واسحب واحفر وغيره
انا لو مكان راعي التويس اقلبه محل تموينات وابيع يبسي وفش فاش واحط بوفيه



حلوههههههههههههههههههههههههههههههههههههههههههههههه هههه
قسم بالله جبتها
شطه زيادههههههههههههههههههههههههههههههههههههههه

[باترول 82]

الله يعينه يفكه قطع وعلى التشليح

[راعي الفورت]

الله يسعد الجميع كل واحد باسمه

والتعليقات جميلة وشيقة

ومضحكة وأحسنها اللي يقول يقلبه بوفيه ههههههههههه

عموما وحنا راجعين تالي الليل لقينا جايب ونش مثل ونش المرور اللي يسحب الشاحنات

الحقيقة الموقف صعب وحنا مستعجلين ولا لنا بالطويله

عموما تركناه وخليناه في حال سبيله


وما نقول إلا : الله لا يبلانا

[ابن حلاسه]

:confused: :confused: :confused: :confused: :confused:

[عاشق أف جي]

هذا ماله حل الا يفتح فرع بالباص

لسنيدي ولا برق الحياء ويشوف رزقه

[ابوالدهب]

بسم الله الرحمن الرحيم

يا اخوان تراني واجهت نقس الموقف في دولة قطر في منطقه اسمها سيلين حصلتلي فلبيني عنده نفس هالباص مال النقل العام الحبيب طالع فيه كشته مع الربع ويغرز قمت وناديت واحد من الربع عنده جمس سوبربان ونا عندي جمس بليزر 83 وربطناه بحبلين حبل على السبر بان وحبل على البليزر والحمد لله طلعناه

[barracuda]

الله يفك ازمته بس الركاب وش حالهم

[الدحبول]

اعتقد أي جيب يقدر يسحبها لاندكروزر أو سوبربان أو يوكن من الموتر الثقيلة والدفرنش فيه يتحمل
بس لزم يشغل الدبل الثقيل ويلي يسحب سواق
شفت Vxr 2003 يسحب تريلة