سيارتي عزمه ضعيف وش الحل شورو علي؟؟؟ النوع هيونداي توسان

[1400]

مساكم الله بالخير

عندي مشكله بالعزم

خاصه إذا غرزت

المكينه ماتشيل السياره يعني إذا غرزت وجيت تهزهز السياره تطفي

وش الحلللللللللللللللللل

تراي تعبت منه:mad:

طبعا هو جيب ((يعتبر جيب؟؟؟)):no2:

قير عادي 4سلندر



ابي شي يقوي العزم

الفززززززززززعه

[مكتشف الأمطار]

اتوقع من البواجي غيرها وجرب

[1400]

السياره 2007 جديد

[مسايف الطعس]

بعها لأنها غير مخصصة للنفود

[عندك يابعدي]

اخوي الغالي:إذا كنت تعبي بانزين أخضر جرب الأحمر لإني معي يوكن أشوف يوم غيرت النزين من أحمر إلى أخضر ضعف عزمه بالنفود واصبح يكتم فربما يكون هذا السبب

[1400]

عندك يابعدي رد: سيارتي عزمه ضعيف وش الحل شورو علي؟؟؟ النوع هيونداي توسان
اخوي الغالي:إذا كنت تعبي بانزين أخضر جرب الأحمر لإني معي يوكن أشوف يوم غيرت النزين من أحمر إلى أخضر ضعف عزمه بالنفود واصبح يكتم فربما يكون هذا السبب اليوم 12:51
جربت 91 وجربت 95

فيه فرق لكن مهب ذاك الفرق اللي يذكر

طيب وش الراي لو احط اسلاك وبواجي رياضيه

ممكن يكون حل

[1400]

للرفع

ابي حل يا اخواااااااااااااااااان

[turkiq]

انا اعرف انه يجي 6 سلندر
هل يجي اربعه؟؟

وراك ما اخذت السته ما دامك حق طلعات... السته عزمها حلو مقارنة بفئتها من السيارات

[SilverSniper]

المشكلة 4 سلندر صغير ما تقدر تطلع منه ذيك القوة.. لكن تقدر تزيده 15-20 حصان.. ركب فلتر هوا K&N أو Simota..واحرص انه يكون بماصورة انتيك ماهو من نفس ماصورة شد البلد.. فصل له هيدرز.. وركب له دبه شكمان مفرغة أو دبة يوكن 96-97.. وركب له بواجي وأسلاك نوع SplitFire.. وجرب حظك.. اذا ما ضبط ما لك الا تغير الموتر.. الله يوفقك..

[ابن حلاسه]

حبيبي خل رجلك حاره عليه شوي فتره ويتمرن الموتر ويطلع مايحتاج

[بدوي جنوبي]

ياخي انا اعرف السوبر تاج يجي دفع امامي فقط
4 سلندر اما التوسان ما ادري عنه

اذا كان 4 سلندر ودفع امامي فقط بيكون ضعيف في الرمل
ولا تنسي ثقل السياره

[دمعة حاشي]

ركب بواجي بوش راسين وشبكة ام اس دي وشف شلون بيصير

[نبع الدموع]

انا معي جيب كيا يعني شرح موترك و غيرت البنزين للاحمر
صار فرق السماء عن الارض.

[1400]

SilverSniper
رد: سيارتي عزمه ضعيف وش الحل شورو علي؟؟؟ النوع هيونداي توسان
المشكلة 4 سلندر صغير ما تقدر تطلع منه ذيك القوة.. لكن تقدر تزيده 15-20 حصان.. ركب فلتر هوا K&N أو Simota..واحرص انه يكون بماصورة انتيك ماهو من نفس ماصورة شد البلد.. فصل له هيدرز.. وركب له دبه شكمان مفرغة أو دبة يوكن 96-97.. وركب له بواجي وأسلاك نوع SplitFire.. وجرب حظك.. اذا ما ضبط ما لك الا تغير الموتر.. الله يوفقك..


بارك الله فيكم

السؤال وين احصل بواجي وأسلاك نوع SplitFire

انا موقعي بالرياض

بدوي جنوبي رد: سيارتي عزمه ضعيف وش الحل شورو علي؟؟؟ النوع هيونداي توسان
ياخي انا اعرف السوبر تاج يجي دفع امامي فقط
4 سلندر اما التوسان ما ادري عنه

اذا كان 4 سلندر ودفع امامي فقط بيكون ضعيف في الرمل
ولا تنسي ثقل السياره

بارك الله فيك

السياره 4*4 دفع رباعي من نوع suv مثل راف فور تويوتا

دمعة حاشي
رد: سيارتي عزمه ضعيف وش الحل شورو علي؟؟؟ النوع هيونداي توسان
ركب بواجي بوش راسين وشبكة ام اس دي وشف شلون بيصير

وين احصل البواجي والشبكه في الرياض
للمعلوميه المكينه اربع سلندر

نبع الدموع
رد: سيارتي عزمه ضعيف وش الحل شورو علي؟؟؟ النوع هيونداي توسان
انا معي جيب كيا يعني شرح موترك و غيرت البنزين للاحمر
صار فرق السماء عن الارض.

جربت البنزين الاحمر تغير العزم بس مهب مره يعني لك عليه


الله يجزاكم خير على التفاعل

انا ودي يقوى عزمه عشان يطلع روحه رحت به لدهنا والصمان والجن

الازرق بس مثل ماقلت لكم إذا غرز مااااااات حيله

[مساير الليل]

أخوي 1400 حياك الله

أنا ودي اقولك للمعلوميه البواجي ماتعطي فرق كبير

إذا كنت بتركب ركب فلتر وهدرز وللمعلوميه المكينه أحتمال تنقص زيت

البواجي الرياضيه ركبناها على سوناتا موديل 2003 نفس مكينتك 2000 cc

وبعد مافكينها بعد فترهـ قصيرهـ يعني ماطولت على السيارهـ قامت المكينة تنفض وبتطفى ألا شوي

ورجعنا البواجي الرياضيه مرهـ ثانيه

خلها مثل ماهي وتحمل وأن شاء الله يرزقك بأخير منه

[1400]

جزاك الله خير اخوي مساير الليل

لكن تعبت من عزمه تقل عزم شاة ((بالغراز بس))

[الكلاسك]

بعها وريح راسك ما فيها حيله كل شركه تنجح في سياره وتفشل في سياره وانت الله يهديك لقطت السياره الفاشله .

[العقاب]

اقول مثل ما قال ساير الليل ,,


انت تبي طريقه تخلي عزم سيارتك على تقدير تتحمله المكينه وفي نفس الوقت سعر الاضافات معقول , صح .

لا تركب اي اضافات ما له داعي ,, خساره فلوس بس . مثل اسلاك بواجي وو ...
اتبع الطرق التاليه بالترتيب بلاهميه على حسب فلوسك :

في البدايه شييك على صفاية البنزبن نظفها اوغيرها اذا تحتاج تغيير وكذلك نظام بخ البنزين الكبريتر او البخاخ على حسب الموجود لديك وكذلك شييك على البواجي وغيرهن اذا تحتاج الى تغيير .

1- تبديل كفراتك الى ( 225 على 75 او 70 على حسب الارتفاع الذي تريد اوعلى على حسب جنطك وتحمل السياره) .. (طبعا التبديل اذا خلص عمر كفراتك التي عندك الان بحيث انك مغير مغير ) :) .

2- المروحه اذا يجي هو مروحه عاديه متصله بالمكينه ,, فك مروحته وبدلها بمروحه تماتيك كهرب مع حساس حراره , ولازم تكون المروحه تغطي جميع اجزاء الرديتر , مع تركيب كتاوت للمروحه (التكلفه تبد من 200 ريال )

3- فلتر هواء , يكون من النوع الجيد الذي لا يدخل الغبار . (التكلفه تبدا من 50 ريال)

4- تركيب هيدرز , طبعا ما اتوقع انه لايوجد هيدرز جاهز لسيارتك اعتقد لازم تفصيل . ( التكلفه تبدا من 700 )

[escape_man]

انا مع البعض في قضية التعديل (بواجي وفلتر وهدرز وخلافه ) لكن لا تنسى ان موترك لاحصل له مشكلة بالمكينة راح تدفع دم قلبك فلا لا لا لا تبربس شي بالمكينة.

الموتر هذي مواصفاته وهذي قوته وكل الي قلو عنه الشباب ماراح يعطيك الا كم حصان يمكن ماتتعدى 10 احصنة مقارنة بالاحصنة الاصلية لمكينة موترك.

لو كنت مكانك راح افكر في جنوط رياضية ماتقل عن 8 انش عرضا وكفرات تفرش فرش بالرمل وهالطريقة مجربة ومضمونة وماراح تضر بموترك.

[1400]

الله يعطيكم العافيه

والله ياجماعة الخير السياره بالخط ماشاء الله تبارك الله

وبالرمل مايحتاج تمشي مع الجلد

لكن

إذا غرزت هنا المشكله؟؟؟

المكينه ماتشيل السياره إذا بغيت تهزهز السياره ((قدام ورا)) تطفي بس هذا هو علتها

عموما يعطيكم العافيه على كل من شارك وننتظر شور باقي الاعضاء

[العقاب]

تدري عاد ...

:D طق لموترك محرك LS7 وتشوف الاقلاع 550 حصان
ركب من هنا
http://www.mekshat.com/vb/showthread.php?t=122141
http://www.webdesignetc.net/Merchant2/graphics/00000006/LS7a.jpg







:D :D :D ولا ركب محرك W16 يعطي 1001 حصان :


http://www.caradvice.com.au/wp-content/uploads/2007/06/bugattiveyronengine.jpg


ولا .. محرك بوقاتي

http://www.motorsportscenter.com/uploads/w16.jpg

[1400]

هههههههههههه

العقاب انت ناوي تخلين اطييييييييييييييير هههههههههه

على العموم دخلته الوكاله اليوم صيانة 50000كم ونشوف وش بيصير بعده الموتر

إما نبتل على شغل المصنع ولا اركب بواجي واسلاك رياضيه


نشكر لكم مروركم الكريم

[yosef__15]

اخوي 1400
انا معي هيونداي توسان ديزل قير اوتو
وفي الحقيقه اني جربت مع اثنين بنزين اربعه سلندر وطلعت عليهم!!!
والديزل ما شاء الله تبارك الله عزمه حليو ويعجبك
انت تقصد بضعف العزم في المرجحه!! قدام ورا قدام ورا ....الخ
هذي الله يهديك تسويها بالهايلوكس والددسن >>>دفع خلفي
لكن التوسان دفع رباعي مستمر(سواءا ضغطت زر الدبل او ما ضغطت يبقى على وضعيت الدفع الرباعي) ما تقدر تمرجحه بسهوله مثل الخلفي!!
لو تفصل الدبل نهائيا تقدر تمرجحه !! لكن بالدفع الرباعي المستمر صعب!!

طبعا سواقته صعبه في الرمل وغير عن الهلي واخوانه وغير مخصص لرمل اساسا.
اول ما دخلت فيه النفود ....ياما وياما غرزت غرازات قويه وغبيه
لكن الان عرفت له وصرت اعرف متى ادعس عليه ومتى ابرح له
ولو تبي نروح الربع الخالي الان ما عندي مشكله :D


اي سياره دفع رباعي مستمر عزمها اضعف !!
وخير دليل الـ في اكس ار يفصلون نظام الدفع الرباعي المستمر وتنشط السياره.

على العموم مشكلتك متعلقه بـالدفع الرباعي المستمر
وصدقني لو تسوي كل التعديلات اللي ذكروها الشباب راح ينشط لكن راح تبقى مشكله المرجحه (هزهزه) هي هي .
حتى لو اخذت سته سلندر!!

ونصيحه مني لا توديه لصيانة الوكاله نصابين:no2:

اذا احتجت اي شي حنا في الخدمه
وشكرا

[سيف الظفير]

بيع السيارة وخذ لك بااااترووول ولو تقسيط ولكن على الاقل تستمتع بالبر والنفووووووووووووود

[بو خليفه]

أخوي 1400


انا استأجرت توسان من ذيب 4 سلندر دفع رباعي وذهب إلى الخرارة في البر ممتاز لكن اشوي ضعيف بسبب أنه 4 سلندر والدفع الرباعي تجعله أوتوماتيك أو يتم اقفاله دفع رباعي دائم
العيب الوحيد و هذا موجود في التوسان وتويوتا رافور وهوندا crv ونيسان xtrail وكيا سبتورتج
عيوبهم لا يوجد جير الدبل hay أو Low فقط على الهاي وهذا إذا غرزت لا يستطيع الكفر يفتر أو يتحرك لأن تحتاج إلى Low


طبعاً 6 سلندر يختلف بسبب قوته و يوجد فيه نظام TC التحكم بعدم الانزلاق ومعادلة الطاقة للعجلات يعنى يشبه قفل الدفرنش

[sahar-ali]

سيارة توسان (https://saudiauto.com.sa/%D8%AA%D8%AC%D8%A7%D8%B1%D8%A8-%D8%A7%D9%84%D9%82%D9%8A%D8%A7%D8%AF%D8%A9/%D9%87%D9%8A%D9%88%D9%86%D8%AF%D8%A7%D9%8A/%D9%87%D9%8A%D9%88%D9%86%D8%AF%D8%A7%D9%8A-%D8%AA%D9%88%D8%B3%D8%A7%D9%86-2016-%D8%A3%D8%AC%D9%85%D9%84-%D8%A7%D9%84%D8%AE%D9%8A%D8%A7%D8%B1%D8%A7%D8%AA-%D9%84%D9%84%D8%B4%D8%A8%D8%A7%D8%A8-%D9%88%D8%A7%D9%84%D8%B9%D8%A7%D8%A6%D9%84%D8%A7%D 8%AA-2) رهيبة ومميزة وتعتبر من اقوي السيارات العالمية ولديها مميزات عادة والعام القادم سيشهد منافسات كبيرة بين الشركات