كتاوت الطرمبة للسفارى 2007

[almgwar]

السلام عليكم ورحمة الله وبركاتة شلونكم يا اخوان ابشركم انى شريت سفاري 2008 ولاكن سمعت من الاخوان ان السفارى 2007 يعانون من كتاوت الطرمبة دايم يتعطل هل سمعتم شي عنه

[shaheenshah]

الله يعطيك خيره ويكفيك شره
لا تقعد توسوس وانا اول مره اسمع كتاوت طرمبة

[بدوي جنوبي]

الله يعطيك خيره ويكفيك شره
لا تقعد توسوس وانا اول مره اسمع كتاوت طرمبة

صح كلامك اول مره نسمع كتاوت طرمبه :good:

[مقلع الرمث]

اخوي احب اقلولك ان من موديل 2002 الى موديل 2008 مايختلف شي لا بالمكينه ولا كتاوت ولا شاصي بس البدي يختلف والناس يكدون فيه الى يومك ماسمعت عن الكتاوت الي تقول هذا انا سمعت عن المسامير الي بالثلاجه الي يطيحن داخل المكينه ويخبط الموتر وهذي بالسفاري والباثفيندر وعلاجه يحطون اشوي لحام على المسامير هذي وهذي المشكله طلعت من موديل 2005 واانا معي 2003 ابزينهن انشاء الله وبالاخير الله يعطيك من خيره ويكفيك شره ولا توسوس واجد

[Black VTC]

ما عمري سمعت بشي اسمه كتاوت طرمبة ...

المشكلة اللي بالسفاري هي انه تجيه مشكلة يصير ما يحول من التانكي الاضافي الى التانكي الاساسي و تولع لمبة في الطبلون و اذا فصلت البطارية وشبكتها ترجع طبيعي فترة ثم تعود لك نفس المشكلة و مع التكرار يزيد عناد الموتر و ما تطفى اللمبة و حلها انك تتجاهل المشكلة و تعتمد على تانكي واحد و تتعود عليه او تنقز لحدى الكهربائيين الموثوقين وما عمري دورت حل الى هالحين ..

نسيت اقولك الله يعطيك خيره ويكفيك شره و عساه داخل عليك بالبركة :)



اخوي احب اقلولك ان من موديل 2002 الى موديل 2008 مايختلف شي لا بالمكينه ولا كتاوت ولا شاصي بس البدي يختلف والناس يكدون فيه الى يومك ماسمعت عن الكتاوت الي تقول هذا انا سمعت عن المسامير الي بالثلاجه الي يطيحن داخل المكينه ويخبط الموتر وهذي بالسفاري والباثفيندر وعلاجه يحطون اشوي لحام على المسامير هذي وهذي المشكله طلعت من موديل 2005 واانا معي 2003 ابزينهن انشاء الله وبالاخير الله يعطيك من خيره ويكفيك شره ولا توسوس واجد


اخوي مقلع الرمث الله لا يهينك اذا زينت موترك بالمشكلة هذي اكتب تقرير عشان نستفيد من تجربتك و ان كنت تعرف لنا ورشة زينه فلا تقصر بارك الرحمن فيك :D

وهل المشكلة تسوى اننا نحط لنا حلول احتياطيه قبل وقوعها :cool:


تحياتي وتقديري ....

[مسايف الطعس]

أنا قد خربت علي بس معي ربع4500 بخاخ ووديته للوكالة وصلحوه على الضمان وبعد فتره عقب مامشيت 10 الاف خربت ثانية وصلحت الكتاوت لأن سعره حوال500 ريال غالي وكان في العيد الوكالة مسكرة فصلحته والحمد لله الموتر الحين ماشي 12 ألف والدعوة تمام

تحياتي

[Black VTC]

أنا قد خربت علي بس معي ربع4500 بخاخ ووديته للوكالة وصلحوه على الضمان وبعد فتره عقب مامشيت 10 الاف خربت ثانية وصلحت الكتاوت لأن سعره حوال500 ريال غالي وكان في العيد الوكالة مسكرة فصلحته والحمد لله الموتر الحين ماشي 12 ألف والدعوة تمام

تحياتي


اخوي مسايف الطعس مساء سعيد :D


المشكلة اللي انت تتكلم عنها هي نفس المشكلة اللي انا عرضتها سابقاً في الرابط التالي :-


http://www.mekshat.com/vb/showthread.php?t=112728


ارجوا الاطلاع على الرابط اعلاه واذا كانت نفس المشكلة ارجوا وضع حلولك ... يعني وش الاكتاوت اللي انت صلحته و كم سعره جديد و كيف صلحته وتحملنا شوي .. لاني اول مره ادري ان فيه كتاوت خاص بطرمبة السفاري :(

[مسايف الطعس]

لا أخوي بلاك مشكلتي أن الكتاوت الي تحت الطبلون الي يوصل الكهرب للطرمبة متعطل يعني تصير السيارة ماتشتغل

[Black VTC]

ايه مضبوط عرفته تقصد الكتاوت الازرق .... ترا ذا زين لو خفت على الموتر من السرقة تفكه و ابن ابوه يشغل الموتر خصوصا ًعند السفر خارج السعودية :):)

اشكرك على تواصلك السريع ...

[مسايف الطعس]

لا أخوي بلاك الكتاوت هذا أبيض تحت الطبلون من جهت الراكب

[shaheenshah]

يا جماعه كتاوت والا فيوز؟

[مسايف الطعس]

كتاوت ياخوي وليس فيوز

[Black VTC]

لا أخوي بلاك الكتاوت هذا أبيض تحت الطبلون من جهت الراكب


واضح انا حسبته حق السويتش تحت السائق مباشرة وترا سهل فكه وتركيبه اذا بغيت تسافر مكان خارج السعودية وخفت على الموتر اقلع الفيوز هذا وحطه مع القطة و الجوازات والموتر ما احد يقدر يسرقه الا بسطحة:D الله يكفينا شرهم :)

اشكرك على التوضيح

[ابوعبدالله 22]

انا معاي باترول ربع 2006 تعطل علي كتاوت البنزيم مره وحنا طالعين نقنص في الوجه بس احسن شي انه تعطل وحنا راجعين وكنا جمب المدينه وقفنا نعبي بنزيم بعد ماعبيت بنزيم اشغل ماطاعت تشتغل السياره سحبناها لين وصلنا الصناعيه ودرنا على ورش المدينه كلها لين حصلنا كهربائي جيد توقعنا اول شي انها طرمبة البنزيم فك الطرمبه وجربها تشتغل قال المشكله من الكهرب مو من الطرمبه وفحص الكهرب لين حصل المشكله في الكتاوت الازرق الي تحت الطبلون من جهة السواق ركبت تجاري لين وصلت الرياض وغيرته بأصلي

[almgwar]

الله يجزاك خير يا اخوان ولاقصرتو