وين أحصل لحم الحاشي البلدي 100%100

[ابوحماد]

السلام عليكم

يا القروم

خابركم

راعين فزعات

الكثير يدور لحم الحاشي البلدي على قولهم كنه بسكوت

والكل يمدح هذا وهذاك

ناس تقول تحصله بشارع سلمان الفارسي و ناس تقول عندك شارع عنيزة خلف أسواق الربوة

وناس تمدح هذا وذاك

والساحلي منتشر وخاصة في ش ثمار و لبون وحوش الحشوان خلف المصفاة

بس واقف علية تعليف برسيم

يمكن الكثير يقول أنا يابو حماد راعي مجاهيم معقولة ماعندك حشوان ..؟

عندي حشوان بس مهيب ذبح وثلاجة

قعدان شبك من فحول طيبة ...

من ينصحني بمحل عنده لحم حشوان برية تقل لحم هرفي

وياهلا ويامرحبا بالجميع في مخيم و عزبة أبو حماد

للمجاهيم منطقة البويبيات

[هيس2000]

الله يسلمك يامدور الحاشي الزين امسك شارع عنيزه ووجهك جنوب كنك تبي الميه تجيك الاشاره الي تودي للسلام رح يسار ثاني محل يمين اسم القصاب ابو وليد قله انا من طرف العقيد ناصر تراه يجيب الحواشي من الدوادمي ولاوصيك كسر راسه

[Desert_Man]

ابو حماد ... مسيك بالخير ..

عليك بشارع الأربعين بالربوه ... الملاحم اللي هناك عند الاشارة بالزاوية ما عليها كلام أتوقع انها أفضل شي بالرياض . جرب وادعي لي ...

والشباب أكيد عندهم العلم الأكيد ،،،،

[متيم البر]

شف وانا أخوك في الربوة شارع الأمير متعب فيه إشارة عليها أربع ملاحم على كل زاوية. شف اللي في الزاوية شمال شرق عنده حاشي تبتل تقول رهيب.

[tariq11]

شارع الاربعين بأم الحمام

عندي يماني اسمة ابو علي

اشتر وانت مغمض بس انتبة لا يعطيك من الرقبة

[مجازف2010]

والله وانا اخوك مافيه احد يصمل على اللحم الزين يعني اليوم تاخذ منه وبعد كم يوم تاخذ منه يطلع اللحم غير

يعني هي الشغله على الخبره في اللحم والثقه في ابو يمن وغيره تكاد تكون معدومه الا من رحم الله

تحياتي لك

[قناص مكشات]

اعطيك العلم الي يجمد على الشارب تشارك انت و ثلاثه من ربعك و يوم الجمعة في سوق البل جلب حواشي و الشبوك مليانه وتنق على كيفك ولا يردكم الا مقصب النسيم بأذن واحد احد قبل المغرب و انت في بيتك مع احلى لحمة حاشي
على فكرة تشوف و انت بالسوق الزوله و المصاريا يشرون المتردية و النطيحة و ما عضها الكلب و انتم بكرامة وجلب لهل المقاصب اللي مالية الرياض

[أبوسعد999]

والله أكثر مابتلقاها في القرى أكثر حيث من المتوقع تقل نسبة الغش عن جو الرياض .

[سداااااح]

بالنسبه لي افضل الموجود بالوقت الحالي
هم الملاحم الاربع بشارع الاربعين بالربوه
مخرج 14 تتجه غرب عند اول اشاره تروح يسار
ويكون وجهك جنوب حتى اول اشاره بزوايا لاشاره ملحمه
كلهم حول بعض باللحم بس انا افضل اللي يفتح شمال غرب
وبالنسبه للحل الثاني تشارك ناس ممتاز بس المشكله الناس مهوب على كيفك

[فتى احد]

السلام عليكم ...

بالنسبه لمدينة الدمام فأنا أتعامل مع ملحمة المدينة في مخطط 71 شارع مستشفى المواساة وكذلك ملحمة بوشليبي بمدينة الثقبة من 18 سنة وعندهم زحمة الله أعلم بها لكني أتعامل معهم بالتلفون لأني عميل مميز للغاية حيث أشتري منهم يمكن أربع مرات أسبوعيا لأن البيت كبير جدا والعائلة كبيرة ماشاء الله وهم عارفين وش طلبي مايحتاج أقول جب كذا وكذا يجيب طلبك وعليه زيادة وأنا بالذات وجدتي ماناكل إلا لحم حاشي فقط لحم هرفي ودجاج ماآكله إلا يمكن مرة بالاسبوع والسمك آكله مرة بالاسبوع ومثل ماقلتلك ملحمة المدينة بالدمام شغل ممتاز والشباب بالمنتدى من الشرقية ماراح يقصرون فيهم الخير والبركه .

[سولاف]

يأخي انتم راجال وتعاينون اللحم بنظركم شف العظم صغير ولا كبير ,لون اللحمة ,ريحته, كبدته, )او احجز عنده قبل مايذبح ولاجاء وقت الذبح رح وشف الحاشي هو صغير ولا كبير(اناشخصيا اعرفه من ريحته)ولا تخلي شي حتى الحواي تراه لذيذه ولي موضوع بمشيئة الله عن حوايا البعير(الحاشي)

[ابا الأفلح]

انا اقول ماعلى محلات لبون والراي لكم000

[شقران نجد]

حي الله ابو حماد .....

يادامك في البويبيات وش اخبار القحطاني ابو تركي راعي المجاهيم اللي هناك؟؟؟؟;) ;)

عموماَ اخوي كل الملاحم اللي ذكرو الأخوان انا مريت عليها اذا على اخونا اللي وصف بشارع عنيزه وتحديد شارع الشافعي اللي يودي للسلام جربته بكل امانه غير جيد وهو يمني على خبري من 3 سنين .....

اللي بشارع الأربعين بالربوه جيدين ولكن مختصر القول جابه ksa*ksa يعني مره صح ومرتين اي كلام الله يديم النعمه لذلك خذ بنصيحة اخو ولن تندم شف لك ثلاثة قرووم شروا من يقراء وتقاطو واطلعو لجوده على خط الشرقيه 140 كم عن الدمام ومن جوده لأم تالع وهناك ملاحم تذبح على نظرك وخذ لحم صدقي واذا صملت اجيب لك رقم قصاب هناك وجيد في تعامله .......
اللي في لبون وكارفور معضمه صومالي مستورد .....

وبالعافيه للكل

اخوك
ابونمر

[عاشق الخلاء]

كثر الكلام وماطلعنا في فايده .......
بالنسبه لي حاولت اكثر من مره وارسلت اهل خبره مره تصيب ومره تخيب وكل اللي قلتوا عليهم جربناهم والغش حاصل وانا شخصيا مع اللي يقول القرى اقل غش ..
جزيتم خيرا

[mrayman]

بوابة الطلبات الجماعية لاعضاء منتدى مكشات ...

اتوقع من باب التوقع لا العلم بالغيب ان هذي البوابة اذا انشئت على اسس صحيحه راح تلاقي رواج جيد
وراح تزيد من فعالية استفادة الاعضاء من المنتدى ومن بعضهم البعض ويكون بعرض طلبات لبعض الاخوان
مثل التشارك في شراء اشياء كبيرة مثل الحاشي ... ومثل قطم الرز الكبيرة وخاصة مع رفع الاسعار ...

يعني قلت اعطيكم علم وانتم بكيفكم وعسى الله يوفقكم جميع

[اسهيل]

لاهذا ولا ذاك رح لم شارع عسير في الشميسي اذا جاك الكبري الصغير الي عند المستشفى ديور ومش شوي بجيك الملاحم على يدك اليمين الزين ابو محمد العنزان عنده شي طيب يجيب الحواشي الساعه 6.00 المغرب وخمس العصرواسلام

[عبدالله العمرو]

السلام عليكم ....

تبي العلم ؟؟؟؟؟

تشارك أنت وثلاثة من ربعك .... وروحوا للبر وشوفوا أهل البل واشتروا منهم القعود اللي تختارونه بتلقون الحوار من 1500 إلى 2000 السمين... والقعود من 2000 إلى 2500 عن خمس خرفان نجدي ... حملوه بددسن وعلى المسلخ 50 ريال وخذ لحمك اللي يحبه قلبك .... تقاسموه أرباع وألا أنصاف وبالعوافي ....
وأترك عنك النصابين والغشاشين وغيرهم ....

تحياتي /

[الطرشي]

اذا تقدر تنزل صبح خميس للمزاحمية افضل ووقت بتحصل هناك حشواااااان برية صدق تعال بدري الساعه 6 لسوق المزاحمية حق الخضار والملاحم .

وفيه محل جنوب غرب الرياض
الدريهمية
وانت داخل مع شارع الترمذي وجهك شمال اول لفة يمين خش معها كانك بتروح لمسجد الدريهمية اول ماتلف يجي على يمينك محلين باليمين ملاحم يفصل بينها بوفيه رح للمحل الثاني وانت مغمض العامل مصري ابن حلال والله اني جيته اكثر من مرة واذا كان اللي عنده مهوب بري يقولي

[ابو رياف]

ياخي فيه بعض الموردين مع الذبح 4 يجمع اشخاص ويشركهم بالقعود او الحاشي ويقسمه لكم بالتساوي ويوصله الى منزلك فتعامل معه انا استخدم هذه الطريقة اطلب ربع فيعطيني من كل اجزاء الذبيحة حتى الكبدة والحوايا والرقبة كان ودي اضع رقمه لكن سياسة المنتدى تمنع وربحه ف قط 100 ريال وهو يجيبها من خارج الرياض وبلدي 100%

[مشعل العيسى]

بارك الله بالشباب ماقصروا والله ... كانك في شمال الرياض فيه بساتين القصيم اللي في حي المروج ...يجيبون حواشي حليوه ... وينزلونها تقريباً الساعة 11 مساء .. وعندك بعد جزار البراري في حي المروج ...بس المشلكه ان اكثر الملاحم مره يعطونك شي مضبوط ومره يعطونك شي وسط وغيرها .. والخلاصة كانك تعرف احد في الدوادمي او الرويضة وصه يجيب لك حاشي وتقاسموه انت وزملائك افضل لك ... والله يوفق الجميع

[مافيه مكان]

أعرف واحد بصراحة دايما اخذ منه لحم حاشي والله تصدق
إني أفكر إني اخذت لحم خروف هرفي مو حاشي بس أظن
المسافة بيننا بعيده لكن وبكل صدق إن مريت علينا يوم من الأيام
فتراك معزوم عندي ولاتخاف من النك بشوف لك مكان بعيوني
ولو اني زعلان من القصاب آخر مره زعلني باعني الكيلو بـ 35 ريال
وباقي الشباب يبيع عليهم بـ 25 ريال ما ادري هل مكتوب على
جبيني فلوسه كثيره هههههههههه ولا يهمك لأجل عين تكرم مدينه
إذ رحت تآخذ عمره أو تزور جده فأنا بإنتظارك وبعدين احكم
واحلى طريقة كانت أني أصبحت أشارك هذا النصاب قصدي
القصاب بالنص أروح اشوف الحاشي بالمساء وأكثر الأحيان يكون عمره
من السته إلى السبعه شهور وافضل حل لك إنك تشارك أحد
ويارب يذوقك أحلى لحمة حاشي

[الرادار الاسود]

جزار البراري

[rado]

جدة شارع خالد علي

[pass2love]

اكبر فائده من مكشات هي تبادل الخبرات في كل شئ

صراحه ما اشتري لحم من السوق

وافضل شئ مثل ماقالوا الا خوان تقاطوون وتشروون حاشي وتقسمه مع الي معك

الوالد الله يحفظه كان يسويها

زمان

اخوي فتي احد

دامك كل اسبوع تشتري كميه كبيره مشاء الله تبارك الله

شد حيللك واشتر حاشي صغير وحط للك فريزر كبير في البيت تراه رخيص اقصد الفريزر

وتحياتي

[سيف الظفير]

السلام عليكم



يا القروم


خابركم


راعين فزعات


الكثير يدور لحم الحاشي البلدي على قولهم كنه بسكوت


والكل يمدح هذا وهذاك


ناس تقول تحصله بشارع سلمان الفارسي و ناس تقول عندك شارع عنيزة خلف أسواق الربوة


وناس تمدح هذا وذاك


والساحلي منتشر وخاصة في ش ثمار و لبون وحوش الحشوان خلف المصفاة


بس واقف علية تعليف برسيم


يمكن الكثير يقول أنا يابو حماد راعي مجاهيم معقولة ماعندك حشوان ..؟


عندي حشوان بس مهيب ذبح وثلاجة


قعدان شبك من فحول طيبة ...


من ينصحني بمحل عنده لحم حشوان برية تقل لحم هرفي


وياهلا ويامرحبا بالجميع في مخيم و عزبة أبو حماد


للمجاهيم منطقة البويبيات





احسن الحواشي في تمير في منطقة سديــــــــــــــــر

[ami1948]

الأخ أبو حماد حفظك الله :
أجابك الأخ قناص مكشات الجواب الشافى الكافى ؛ مع أن التجاره فى وقتنا الحاضر للأ سف تقوم على الغش ؛ إلا ان المثل يقول إحذر عند تعاملك مع اللحام والفحام فهم لا يصرفون بضاعتهم إلا بهذه الطريقه ؛ وناحيه اخرى هي ماذا يعلفون هذه المواشى سواء كانت حواشى أو غنم نعيمى ونجدى أو حتى الدجاج والطيور .
رحت اشترى مره لحم قعود من شارع الأربعين فى حي الربوه وكان اللحام يقطع لأحد الزبائن حوالى خمسه كيلو ؛إن شاء الله إنى صادق فى كلامى الثلث شحم والثلث الثانى عظم والباقى تقدر تقول لحم والكيلو بثلاثين ريال .
ما لك إلا تشتر ك مع ثلاثه وتشرى لك من سوق الجنادريه قعود تقاسمونه ويكون معكم واحد راعى خبره فى الموضوع وبالهنا والعافيه .

[ابوحماد]

الصراحة يا أعضاء مكشات من نصاكم عزالله ماخاب

وبشركم أخذة حاشي مع ثلاثه من الاخوان كل واحد له الثلث

حاشي لحمته بيضاء مثل البسكوت جابه لي واحد من جوده

[ابوحماد]

حي الله ابو حماد .....

يادامك في البويبيات وش اخبار القحطاني ابو تركي راعي المجاهيم اللي هناك؟؟؟؟;) ;)



يا مرحبا أخوي

والله يا أخوي

راعين المجاهيم حول البويبيات مهوب كثير

فيه قحطاني من ال عاطف أسمع عنه شبكه جنوب التحلية البويبيات

وأنا شمال البويبيات ومحد عنده مجاهيم شمال المنطقة غيري

الله يحيك عان شبك الابل مركوز عليه بيرق

[الكهف1]

شباب كم الربع الحاشي
اخذة بي 650 ريال
تقول خروف

[عجاج السناف]

الله يجعله صحه وعافيه يا ابوحماد

[ابوحماد]

شباب كم الربع الحاشي
اخذة بي 650 ريال
تقول خروف

ماشاء الله والله رخيص بهذا السعر

عليك بالعافيه

ثلث الحاشي طالع علي 960 ريال

[الكهف1]

ماشاء الله والله رخيص بهذا السعر

عليك بالعافيه

ثلث الحاشي طالع علي 960 ريال

هذا قبل الزيادة 5%
هههههههههههههههههههههههههههههههههههه

[قااارمن]

ياشباب فيه مبيعة لحم بلغرابي وسط الرياض عند سوق العود(الغنا)عند الجامع الكبير
رخيص وطازج وحلو

[شقران نجد]

يا مرحبا أخوي

والله يا أخوي

راعين المجاهيم حول البويبيات مهوب كثير

فيه قحطاني من ال عاطف أسمع عنه شبكه جنوب التحلية البويبيات

وأنا شمال البويبيات ومحد عنده مجاهيم شمال المنطقة غيري

الله يحيك عان شبك الابل مركوز عليه بيرق

هذا هو المقصود يابو حماد ابو تركي الله يذكره بالخير لحية غانمه شروا من يقرا اما نت يابو حماد نبي نمرك ان شاء الله ماعنا وعنا المره عليك نحب الذود واهله وزين ما سويت يوم رحت جوده انا لي حول 7 سنين ما اخذ الا من مصري هناك شغله ممتاز وبالعافيه لا بغينا نجيك جهز لنا من الحاشي خل نجربه :D :D

[rado]

جدة ...... شرق الخط السريع ....قريب من مطعم البرجاس ... السامر

[cars]

لاتسب اول شي

وممكن تحصل شي في الفلاج على وشك النفوق او روح لأحد البران ويمكن راعيه يبيعها وأن كانك بتاكله بدون عزيمة لثلاجة او انت والأهل طلعة بر يعني عليك بالغنم علشاني اعرف ان الناس ماتحب الا لحم الغزلان

[خالدالزهراني]

مكة او جده ما سمعت احد حكى عن محل ولا ما عندك احد

[راعي سمنان]

وكلام الأخوان على متمه كل واحد وقوله انا جربت كل شي وشريت من كل المحلات المشهوره مثل الربوه تقاطع الملاحم و البراري بحي السلام ولبون وفيه محل بالروابي نسيت اسمه بس هو قبال الحياله للخضار ....كلهم يوم ويوم زي ماقال احد الأخوان والسعر غالي شوي.
و بعد تجربه مالقيت مثل الوطنيه اذا صار عنده ذاك اليوم او ثمار على شارع الميه مخرج 15 على كيف كيفك عيبه الغلى بس يستاهل والله الربع 565 ريال والوزن قليل من 17 الي 20 كيلو .
ارجو ان تكون مشاركتي مفيده اخوكم راعي سمنان

[ليث2008]

وين أحصل لحم حاشي بجدة

نريد محل طيب ولحم طيب


وفقكم الله

[القصبي]

السلام عليكم تكفون شباب انقدوني انا ماني افهم في اللحم وش احسن اللحم الغنم هل هو النجدي او النعيمي او البربري (يوجد في السوق او انقطع ؟؟) او فية انواع ثانية تصحوني فيها ؟؟
ثاني شي اذا شريتة النعيمي مثلا ووديتة للمسلخ كم ياخذوني علي فلوس اخاف يلعبون علي
انا ابغاة للبيت يعني مو العزيمة او شي
يليت تعلموني تصدقون لي سنة ماشريت لحم اخاف يلعبون علي واخوكم جاهل في مثل هالامور وانتم ابخص ويليت اللي يفهم يرشدني تخيلو ذهبت ذاك اليوم الى لبون قلت لة عندكم لحم غنم قال مافية الاربع هرفي قلت بكم قاال 450 ريال يعني الكامل ب 1800 ريال معقولة وشريت منهم كيلو حاشي كلة عظام حسبي الله علية مادريت انة عظام لانهم يحطونة لك في صحن بلاستك وحاطين العظام عل فوق واخوكم جاهل في ذا الامور ومشكلتي في مثل هالاحالات أستخدم حسن النية بس للاسف ماعندك الا وحوش ياقسوة قلوبهم انا لو عندي مثلا محل ويجيني واحد مايعرف يشتري والله لاابيعة الشي الزين لو اخسر في المحل صعبة تلعب على اخيك المسلم يعني الكفار احسن منا لاحول ولاقوه الا بالله

[مداحش]

والله ياخوي لو تبتعد عن الملاحم والجزارين أفضل لك - شوف لك واحد من الربع راعي ابل بشرط يكون ثقة اما تشتري منه او يدلك على ناس شريطية طيبين وراعين أمانة شرواك وشروى الربع - أو يمشي معك للحراج واشتر لك ذاك الحاشي اللي يشوفه هو زين - ولا يردك الا القصاب دمت في حفظ الله

[DAWRD]

لاهذا ولا ذاك رح لم شارع عسير في الشميسي اذا جاك الكبري الصغير الي عند المستشفى ديور ومش شوي بجيك الملاحم على يدك اليمين الزين ابو محمد العنزان عنده شي طيب يجيب الحواشي الساعه 6.00 المغرب وخمس العصرواسلام
عز الله ما إنك صادق

أنا جربته مره و الله إنك تدور الشحم قبل اللحم

بس حسب كلام إخوي يقول إنتبه زين والرجال ينصح لك لكن يوم يكون الي عندة زين ويوم والله إنه

[معانق المزن]

السلام عليكم تكفون شباب انقدوني انا ماني افهم في اللحم وش احسن اللحم الغنم هل هو النجدي او النعيمي او البربري (يوجد في السوق او انقطع ؟؟) او فية انواع ثانية تصحوني فيها ؟؟
ثاني شي اذا شريتة النعيمي مثلا ووديتة للمسلخ كم ياخذوني علي فلوس اخاف يلعبون علي
انا ابغاة للبيت يعني مو العزيمة او شي
يليت تعلموني تصدقون لي سنة ماشريت لحم اخاف يلعبون علي واخوكم جاهل في مثل هالامور وانتم ابخص ويليت اللي يفهم يرشدني تخيلو ذهبت ذاك اليوم الى لبون قلت لة عندكم لحم غنم قال مافية الاربع هرفي قلت بكم قاال 450 ريال يعني الكامل ب 1800 ريال معقولة وشريت منهم كيلو حاشي كلة عظام حسبي الله علية مادريت انة عظام لانهم يحطونة لك في صحن بلاستك وحاطين العظام عل فوق واخوكم جاهل في ذا الامور ومشكلتي في مثل هالاحالات أستخدم حسن النية بس للاسف ماعندك الا وحوش ياقسوة قلوبهم انا لو عندي مثلا محل ويجيني واحد مايعرف يشتري والله لاابيعة الشي الزين لو اخسر في المحل صعبة تلعب على اخيك المسلم يعني الكفار احسن منا لاحول ولاقوه الا بالله




لك سنة ماشريت اللحم كله خايف يلعبون عليك:D


أجل بتبطي وأنت ماذقت اللحم:p


تراني أمزح معك :)


أما بالنسبة للبيت الي يقدر كل فترة يجيب له خاروف ويحطه في الثلاجة بلا ملاحم بلا هم وبالنسبة للمصلخ


الأسعار ثابته..


أرجو اني افدتك

[الوحش الهادي]

تبي وانت صادق سافر للقري التي في القصيم وتشا ر ك مع اخوياك في حاشي لن تنسي طعمه ماحييت ولاتنسي تدعيلي وشكرا

[القصبي]

لك سنة ماشريت اللحم كله خايف يلعبون عليك:D


أجل بتبطي وأنت ماذقت اللحم:p


تراني أمزح معك :)


أما بالنسبة للبيت الي يقدر كل فترة يجيب له خاروف ويحطه في الثلاجة بلا ملاحم بلا هم وبالنسبة للمصلخ


الأسعار ثابته..


أرجو اني افدتك

الله يعافيك على الرد صدقني لي سنة او اكثر يرجال خوفونا ذا الناس يقولون لايلعبون عليك
طيب اجلس بدون شي بحجة ماينلعب علي ؟؟

[الشنه]

اعطيك العلم الي يجمد على الشارب تشارك انت و ثلاثه من ربعك و يوم الجمعة في سوق البل جلب حواشي و الشبوك مليانه وتنق على كيفك ولا يردكم الا مقصب النسيم بأذن واحد احد قبل المغرب و انت في بيتك مع احلى لحمة حاشي
على فكرة تشوف و انت بالسوق الزوله و المصاريا يشرون المتردية و النطيحة و ما عضها الكلب و انتم بكرامة وجلب لهل المقاصب اللي مالية الرياض

هذا الكلام
كلامك صحيح مليون % يا قناص

وبعد ازيد
لا تشتري من الرياض خير شر
اطلع رماح
او المزاحميه
وبتلقا الحشوان المعقوله
وانت خبير وراعي بل يا ابو حماد

[ابومحــ م ـــد]

:j اخوي ابو حماد ولاهنتو يالربع ماتصلو على سيدنا وحبيبنا محمد
السلام عليكم ورحمة الله وبركاته
لحم الحاشي اللي جاي من البر كله عصب يعني يبي طبخ كثير ( كمال اجسام من كثر المشي )واللي انت تقول من الاحواش اذا كان ياكل برسيم فهو اطعم والذ المشكله اللي يكال شعير وبقايا طعام المنازل واما مسئلة الغش في النوع احسن شي تدور لك خويا وتشترون حاشي ويتم تقسيم اللحم بينكم يعني عيونك ما تغشك والله اعلم

[زايــ ابومحمد ــد]

شف وانا أخوك في الربوة شارع الأمير متعب فيه إشارة عليها أربع ملاحم على كل زاوية. شف اللي في الزاوية شمال شرق عنده حاشي تبتل تقول رهيب.

0
السلام عليكم
ومرحبا بالجميع

والله هالمحل اللي انت توصفه بغى يسرقني لو ما انتبهله ولدي وهو يقطع اللحم اخذله قطعه كبيره من اليد 0 تجي لها حوالي خمسه كيلو 0 ودسها في درج له باب تحت القطاعه الكهربائيه
وانكر اول الامر ثم لما غفل شوي قام ولدي وفتح باب الدرج ولقينا اللحمه

ثم قال انها قديمه 0 وطلبت منه وزن اللحم بعد التقطيع 0 ولقيناه ناقص حوالي خمسه كيلو 0
وللاسف كنت دافع الفلوس مقدما والا كان رحت وخليت لحمته له
0
وللمعلوميه انا عميل له من سنوات 0 ولكن الحرامي حرامي
0
ملاحظه نوعية اللحمه اللي يجيبها جيده
للامانه

00

[فهدابوسعود]

^^^^
افاااا !!!

عموما وانا أخوك فيه محيل حليل انا اتعامل معه

شفه قبل الرومانسي اللي في الروابي وانت ومتجه جنوب جربه وقلي رايك فيه

وموفق ان شاءالله

[ims1386]

السلام عليكم
اللي سأل عن مكة اعرف محل بالعوالي شارع ابراهيم الجفالي جوار مجمع الفضيل اسمه ديرتي
والا انا اشتري من محل بالعزيزية شارع الهداية بركن مدرسة البنات المتوسطة اسمه ملحمة اشرف
لكن العمدة على نظرك وخبرتك والا الجزارين والشريطية ما يوثق بهم لابد ان يغشك مهما طال الوقت

[بليزر616]

لب لاتشاور ون ماراح تحصل زيه انا عميل لبون من 6 سنوات ماتغير شغلهم بصراحة لحمهم نظيف

اسمع شوري

[بارق المطر]

خلاص
طرب راسك هالحين يابوحماد

[ابووشبيب]

والله ياشباب مريت اكثر الملاحم اللي ذكرتوها

لكن اللحمه مهيب اللي في الخاطر

وش رايكم بالسريع اللي في شارع عسير بالرياض يمدحونه فيه احد مرهم من قريب ...؟؟

[طحنون]

صباح الخير
نبي تحديث للموضوع
عن اسعار كيلو الحاشي والحوار
وعن اسعار الحيران والقعدان كلن يعطينا اسعار منطقته وعن افضل ملحمه حتى اﻻن افضل ملحمه
بالدمام والخبرهي ملحمه معروفه بحي الجلويه بالدمام 95% شغله ممتاز بالذات
اذا عرفك انك دفيع وتشتري دايم عنده انتهاء موضوعك
طبعا بدايه اول ايام رمضان كل الملاحم يصير عندهم حاله هستيريه في طرق
البيع يعني يبيع اي شي والبعض يستغل سمعته في رمضان في التصريف
طبعا في هاذي المرحله ينساك انك عميل مميز يعني يشطفك سلام سلام
واذا فيه احد بالشرقيه بحب ان نتشارك في حاشي او حوار مافي مانع ويفضل
ففتي ففتي يرسلي رقم جواله خاص التواجدبالشرقيه
الدمام او الخبر اﻻحساء الجبيل الخفجي النعيريه حرض يبرين اي مكان بالشرقيه ماعدا الحفر

[salam001]

يا اخوان بالنسبه للمنطقه الشرقيه الملاحم الجيده قليله فيا ليت الي يعرف ملحمه في عريعره او جوده يبلغنا واذا في احد من الشباب يبغي نروح ونتشارك مافي اي مشكله